2 Timɔtɛɔ 4:5 - Zimba Nouveau Testament Portions

⁵ Awɛ ongwaya mukwikɛnga awɛ mwɛɛnɛ ko makomo masɛ. Kemyaya motema mo manɛnɛ. Kambaya bwaachi meemo yee kosaoleaya bando Ilɔngɔ Lyaachi. Kabee ketaya makomo masɛ maachi mo meemo yao.

2 Timɔtɛɔ 4:5 Iomraidhean Croise

Malikɔ 13:34

Mao makomo matabɛ boe mondo otoya lwɛndɔ. Olya mondo na kusiela bakambi bakɛ ndabo kɔmɔa bamekongoseke. Na kɔɛcha ɔɔsɛ mondo meemo yaakɛ. Kusia na kosaolea mosangi we mukinda ɔbɛɛ miisɔ.

Malikɔ 13:37

Bia bisɔɔcha mee alya, natɔɔcha ko basɛ, Moongwe miisɔ!»

Luka 12:37

Kɛmɛmɔ ko elya ngambi etasangwe miisɔ ataɔtɔkɛ mokoo waakɛ we meemo! Kiinɛkinɛ, natomosaolea, olya otasangwe mu ngubɔ che meemo, otamɔɛchɛ buchike ne kolya naakɛ kɔmɔɔsa.

Baɛfɛsɔ 4:11

Awɛ mwɛɛnɛ ne waɛcha bando meanda. Waketa bamɔchi koongwa ndomwa, bakinɛ ndɛnda cha Kakua, ne bakinɛ batosaola Ilɔngɔ Lyaachi, bakinɛ basangi ne bakinɛ baeyechi.

Baɛfɛsɔ 4:12

Waketa bobo ko kosangya bando ba Kakua bakambe meemo yaakɛ, kɔmɔa mobee wa Kilisito ɔsɛngwɛ.

1 Timɔtɛɔ 4:12

Ndekwilɛkɛa kɔnyɛkiwa ne mondo ɔɔsɛ kɔmɔa okee muulwa. Ongwa keeyeo ko batuimenya: kɔ mɛɔcha, ko kokonda, ko iekekeo, ku bikete byaachi, ne ko kuikɛnga ne bwabea bɔsɛ.

1 Timɔtɛɔ 4:15

Keta bia biisɛ, bitɛcha momotema wao. Alya bando basɛ batamɔɛ botoya awɛ kombaa.

2 Timɔtɛɔ 1:8

Ko boa, nde kokwa masɔni mɛ kɔɔcha makomo matocheba awɛ ma Mwaame wiito. Kabee ndekokwa masɔni ko boa boe mee mo kekako ko mbanga yaakɛ. Ongwa naanɛ mo keeko kye mayombe me kosaola Ilɔngɔ Lyaachi nɛ bɔkɛtɛ bɔkɔɛchɛɛ Kakua.

2 Timɔtɛɔ 2:10

Ne ko bobo, nae mo komokemya motema ko makomo masɛ, kɔ kɔmɔa itɛ, bando basɔbɔiwa na Kakua naabɔ baoloke koetea Kilisito Yɛsu, ne bakonje bɔkɛtɛ bwe meombo ne meombo.

2 Timɔtɛɔ 2:3

Na awɛ, kemekyaya bakinɛ metema mo kokonjaya manɛnɛ nabɔ kɔmɔɔsa boe kɔlɔbɔyɔ mwaachi wa Kilisito Yɛsu.

2 Timɔtɛɔ 4:17

Naanga nɛ bɔbɔ, Mwaame, awɛ ɔbɛɛ naanɛ amɔsa na kɔmbɛcha mwɛchɔ. Ne ko boa nae mokosaola Ilɔngɔ Lyaachi ko bando bataasi kocheba Kakua, ɛka abɔ baasɛ bwakaɛ baolee mo keeko kye kuliungwa. Bwakaɛ wangolola mo kanwa ke kembwe.

1 Pɛtɛlɔ 1:13

Kɔ bɔbɔ, mwipangye ko kokambekya lokani lwinu. Mɔbɛ miisɔ ne kobeka ibaechi linu lɛsɛ ko kaa kaowe katakonje baanu atamɔɛkɛ Yɛsu Kilisito.