2 Timɔtɛɔ 3:16 - Zimba Nouveau Testament Portions

¹⁶ Tuchimba tɔɔsɛ twa Ama twakunyiwa, tɔɛchiwee ko kosongolwa na Kakua. Bwakaɛ totoongwa twaachi ko koeyecha bando ne kobasongoa ko bwabea bwabɔ, kobakanya ne mo kobaangoecha ikomo lɛsɛ le kiinɛkinɛ letowaena kombaa kwa Kakua.

2 Timɔtɛɔ 3:16 Iomraidhean Croise

Malikɔ 12:24

Yɛsu na kobasaolea: «Mɔtɔkɔsa sambo, botaasi banu mocheba Byakunyiwa naa ne bɔkɛtɛ bwa Kakua?

Malikɔ 12:36

Lauli awɛ mwɛɛnɛ, koetea Motema wa Ama waɔcha: ‹Mwaame wiito Kakua waɔcha kwa Mwaame waanɛ: “Chikaa isandome lyanɛ ne akabeka mee baangani bao kiinyeo kyao.”›

Bakalatia 3:8

Tuchimba twa Ama, twabɛchaya tososangya kombaa itɛ, Kakua otabakete bataasi Bayula, koongwa be kiinɛkinɛ kombaa kwakɛ, koetea iekekeo lyabɔ. Ko boa lɛlyɔ Ilɔngɔ Lyaachi, Kakua wabɛchaya uusia kosaolea Abulaamu kaɛ kaɛ itɛ: «Kakua otatɛchɛ kaowe ko biɔngɔ biisɛ byɛ mɔsɛngɛ ko njea yao.»

2 Timɔtɛɔ 2:25

Otokoka koeyecha batokonda koangechana naakɛ nɛ bɔɔlɛ. Kende Kakua unabakwasa kutuula ngani chabɔ ne kocheba kiinɛkinɛ.

2 Timɔtɛɔ 4:2

Kɔ bɔbɔ, natokosingeecha itɛ, oongwa mu kwifɛkɛɛnya koeyecha bando ikomo lya Kakua, ko keeko kyaachi ne kya bea. Bakangeaya ne kɔbaɛcha motema mo kobaeyecha nɛ bɔɔlɛ.