Kɔmɔa boa, awɛ na kosaolea mɔtɛmi we isio lyaakɛ: ‹Lɔla mo meaka esato nae mo koenga bimuka ko ena mete, situbikonja. Mɔbɛmba! Mote ona ɔsɔɔna matɛkɛ bokata.›
Mee Paɔlɔ, nae ndomwa ya Yɛsu Kilisito, ko kokonda kwa Kakua ikɛɛsa. Kakua ondomee nasaoleya bando ilai lyɛ mwɛchɔ lekonjee bae koetea koongwa amɔsa na Yɛsu Kilisito.
Ko boa, nde kokwa masɔni mɛ kɔɔcha makomo matocheba awɛ ma Mwaame wiito. Kabee ndekokwa masɔni ko boa boe mee mo kekako ko mbanga yaakɛ. Ongwa naanɛ mo keeko kye mayombe me kosaola Ilɔngɔ Lyaachi nɛ bɔkɛtɛ bɔkɔɛchɛɛ Kakua.
Nakee ne ikomo lye kukusingeecha kombaa kwa Kakua ne kombaa kwa Kilisito Yɛsu otabake kabee mo ona mɔsɛngɛ. Mo maɔ masu otaemeke boombe bwakɛ kɔ kɔbɛmba makomo mɛ bɛ mwɛchɔ ne me bakwo.
Mee Simɔni Pɛtɛlɔ, mocha ne ndomwa ya Yɛsu Kilisito, natobakunyea banu bae ne iekekeo monda mwaakɛ bwe bae. Lea iekekeo lee ne ibɛi lekatala. Yɛsu ne waketa boa ko mbanga yiito kɔmɔa otoketa bye kiinɛkinɛ, ne oona Yɛsu ne Kakua ne Moolochi wiito.
Kakua ɔɔtɔɛcha biisɛ bitoenga bae mɔ mwɛchɔ wiito monda mwe bɔkɛtɛ bwakɛ kɔmɔa toongwe ne bikete bitokonda awɛ. Waketa bobo ne ko kotobeka amɔsa naakɛ ne tɔbɛ mo kocheba olya watwitana, ne tokonje bimɔ ko boombe ne bwaachi bwakɛ.
Natokonda moeyokaye makomo maɔchiwa kaɛ nɛ ndɛnda che kiinɛkinɛ. Kabee mɔbɛ mo koeyoka elya salia ya Mwaame wiito ne Moolochi, yaeyechiwa niinu ne ndomwa.
Kiinɛkinɛ ona mwɛchɔ aolee awo, bae tɔmɔmɔɛɛ. Tususingeecha byamɔa bae, ne ko bobo, tosobasaolea ilɔngɔ lyɛ mwɛchɔ we meombo, ɔbɛɛ amɔsa na Tati ne koangoechwa kwiito.