Luke 8:3 - Zokam International Version

³ Herod inn sunga sungtapipa Chuza zi Joanna, Susanna, le adang tampi tawh a om uh hi. Hih numeite in amau neih bangbang tawh amaute a panpih uh hi.

LAISIENGTHOU CL Bible (BSI)

³ Tualeh Herod sumkempa Chuza zi Joanna leh Susanna toh, tualeh midang tampite toh ahi ua, tuaten amauh neisa in, Ama apanpi zel uhi.

Zo Bible

³ tuale Herod inn sung vaihawmpa Chuza’ zi Joanna le Susanna-te a kipanin a neisa utawh amate a panpi numei dang tampite zong ahi uhi.

Luke 8:3 Iomraidhean Croise

1 Khangthute 29:14

"Ahi zongin cinghtaka hong pia thei dingin kei kua hi a, ka mite kua ahi hiam? Na khempeuh nangmah pana hong pai hi-a, nang khut pana hong pai bek hong pia ka hi uh hi.

Isaiah 23:18

Tua hi napi a summet teng le a thalawhsa teng TOPA adingin a kituam koih ding hi; tuate kholtuamin kitang neih thei lo ding hi. A summette, TOPA mai-a omte in kicingtaka a nek ding uh le puan hoih nono a silh nadingun kipia ding hi.

Matthew 14:1

Tua hun laitakin gam-ukpa Herod in Jesu thu a kigenna a za hi.

Matthew 14:3

Herod in a naupa Philip zi Herodia hangin John mana a hen khit ciangin thong sungah a khum hi.

Matthew 14:6

Herod suah ni pawi-in amau et dingin Herodia tanu a lam hi. Herod a lungkim lua ahi manin,

Matthew 2:11

Tua inn a tun uh ciangin naungek le a nu Mary mu uh a, kunin a bia uh hi. A goute uh suahkhia-in letsong in kham, gimnamtui le paknamtui kha a pia uh hi.

Matthew 20:8

"Nitak lam ciangin loneipa in a sum kempa kiangah, ‘Na sem teng sam inla a kicial nunung pente pan panin a masa pente dong a thaman uh pia in,’ ci hi.

Matthew 25:40

"Kumpipa in, ‘Thutak kong gen-inah, hih ka sanggamte a neupen khat adinga na bawlte khempeuh uh kei adinga hong bawl na hi uh hi,’ ci-in dawng ding hi.

Matthew 26:11

Mizawngte tawh note na omkhawm den ding uh a, ahi hangin kei tawh na omkhawm den kei ding uh hi.

Matthew 27:55

A gamla sim pana a galvil numei tampi tua lai-ah a om uh hi. Amaute, Jesu kisapnate a hihsak dingin Galilee pana amah a zuite ahi uh hi.

Luke 24:10

Sawltakpite kiangah hih thu a gente: Mary Magdalene, Joanna, James nu Mary le amaute tawh a omkhawm midangte ahi uh hi.

John 12:6

Amah in mizawngte a khualna tawh a cih hi loin amah guta ahi man ahi hi; amah sum-ip kem hi-a tua sunga kikoihte ama adingin a la zelzel pa ahi hi.

Nasepte 13:1

Antioch a pawlpi sungah kamsangte le thuhilhte: Barnabas, Niger kici Simeon, Cyrene mi Lucius, Manaen (Gam ukpa Herod tawh a khangkhawmpa) le Saul-te a om uh hi.

2 Corinth-te 8:9

Ahang in, i Topa Jesu Christ hehpihna na thei uh hi; ama zawnna tungtawna na hauh theih nadingun amah a hau hi napi note hangin a zawng hi.

Philippi-te 4:22

Misiangte khempeuh, a diakdiak in Caesar innkuante in note hong hopih uh hi.

1 Timothy 5:10

Ahi zongin a gamtat hoihin, a tate khansuah zo a, zindo a siam, misiangte khe a silsak, gim ngahte huh tawntunga, gamtat hoih namkimte ah kipia zo mahmah in a kipahtak leh meigong lakah ciamteh in.