Joshua 8:1 - Zokam International Version

¹ Tua ciangin TOPA in Joshua kiangah, "Lau kei in; zong lungkia kei in. Galkap buppi kuanpih inla paito in Ai va sim un. Na khut sungah Ai kumpipa, a mite, a khuapi le a gam kong pia khin hi.

LAISIENGTHOU CL Bible (BSI)

¹ Tualeh Mangpa’n Joshua kungah, “zau sinlen, lungke vawt sin, Thou inlen, galkap thei zousie pui inlen, Ai khuo ah kuontou in, Ngaiin Ai khuo leengpa leh amite leh akhuo leh agam, na khut ah ka hing peta hi.

Zo Bible

¹ Tua ciengin Joshua kungah Topa in, “Zau sinlen lungkie sin. Galkap zosie zawpi inlen Ai khuo-ah tu-in peito in. En in, nangma tungah Ai kumpipa le a mite, a khuopi le a leitang kang pie zo hi.

Joshua 8:1 Iomraidhean Croise

Phatna-late 27:1

TOPA in ka khuavak le ka hotkhiatna ahi hi - kua lau ding ka hi hiam? TOPA ka nuntakna kulh muanhuai ahi hi - kua lau ding ka hi hiam?

Phatna-late 44:3

A zawh uh gam amaute namsau hang hi lo a, amau ban in amaute a gualzosak hi lo hi; amaute it na himanin na taklam khut na ban le na maitang vangtang-in na gualzosak hi.

Phatna-late 46:11

Thahatpen TOPA in eite hong ompih a; Jacob Pasian eite kulh muanhuai ahi hi.

Isaiah 12:2

Pasian lah ka hotkhiatna hi taktak a; amah muangin ka kihta kei ding hi. TOPA, TOPA ka thahatna le ka la ahi hi; amah ka hotkhiatna suak ta hi," na ci ding uh hi.

Isaiah 43:2

Tui na ngahtan uh ciangin no tawh ka om dinga; gunte na ngahtan uh ciangin hong tai kei ding hi; meikuang lak kantanin na pai uh ciangin hong hul kei ding hi; meikuang in nang hong kang kei ding hi.

Jeremiah 46:27

"Ka nasempa Jacob aw, lau kei in; Israel aw, lungneu kei in. A gamla panin nang kong honkhia dinga, nangma suante a saltanna panun ka honkhia taktak ding hi. Jacob in lemna le ngaihmuanna ngah kik dinga, kuamah in a lausak nawn kei ding hi.

Jeremiah 49:3

"Ai kisia ta hi! Heshbon aw, kap in. Rabbah a tengte aw, kapkhia un! Ippi puan silhin thum unla; Molech, ama siampite le a ulainte tawh salin kikaikhawm ding ahi manin kulhte sung tengah taisuk taito un.

Daniel 2:21

Amah in hun le khuahunte a khel hi; kumpite koiha zong a hemkhia hi. Amah in mipilte tungah pilna guana theihsiamna neite tungah theihna a guan hi.

Daniel 4:25

Mihingte lak panin nang hong kihawlkhia-in gamsate tawh na tengkhawm ding hi; ganhonte bangin lopa na ne dinga, vantung daitui-in na kawtgawp ding hi. Mihingte kumpi-gamte tungah Sang Penpa a thupipen hi-a, a piak nop khatpeuh a piak theih ahi hi, ci-a na theihtel mateng hun sagih sung na tuaci om ding hi.

Daniel 4:35

Leitunga mite khempeuh bangmah in kisim lo hi. Amah in vantung vangliatna le leitunga mihingte tawh a lungkimna bangin a sem hi. Kuamah in ama cih nial thei lo a, "Nang bang hih na hi hiam?" a ci thei kei hi.

Matthew 8:26

Amah in, "No upna neute aw, bang dinga tua zah a lau lawmlawm na hi uh hiam?" ci-in a dawng hi. Tua ciangin amah tho a huih le tuihualte a tai ciangin a daipah dikdek hi.

Thupiakkikna 1:21

TOPA note Pasian in tua gam note hong pia khin hi. Pai to unla TOPA na pate uh Pasian hong gensa bangin la un. Lau kei unla lungkia kei un," kong ci hi.

Thupiakkikna 31:8

TOPA mahmah na mai-ah pai-in hong ompih ding hi; amah in nang hong nusia ngei loin hong taisan ngei kei ding hi. Lau kei inla lungkia kei in," ci-in a gen hi.

Thupiakkikna 7:18

Amaute kihta peuhmah kei un; TOPA note Pasian in Pharaoh le Egypt tunga a bawl khempeuh limtakin ciamteh un.

Thupiakkikna 7:21

Note laka om TOPA note Pasian in a lian mahmah le a kihtakhuai Pasian ahi manin amaute kilauthawngsak kei un.

Joshua 1:9

Thu hong pia khin hi lo ka hi hiam? Hat inla hang in. Lauthawng kei in; na paina peuhah TOPA note Pasian in hong ompih ding ahi manin lungkia kei in," a ci hi.

Joshua 10:7

Tua ciangin Joshua, a galkap teng tawh a galdo siampente kengin Gilgal pan a kuan to uh hi.

Joshua 10:8

TOPA in Joshua kiangah, "Amaute kihta kei in; na khut sungah kong pia khin hi. Amaute khat beek in hong nang zo kei ding uh hi," a ci hi.

Joshua 2:24

Amaute in Joshua kiangah, "TOPA in gambuppi ei khut sungah hong pia khin taktak hi; a gam mite khempeuh ei hong kihta in lungsim bei uh hi," a ci uh hi.

Joshua 6:2

Tua ciangin TOPA in Joshua kiangah, "En in, Jericho, a kumpipa le a galkap mite tawh nang khut sungah kong pia khin hi.

Joshua 7:9

Canaan-te le hih gam sunga om mite in hih thu za ding uh a, kote hong umin leitung pan ka min uh hong phiatsak ding uh hi. Tua ciangin a lian mahmah nangma min bang lawh ding na hi hiam?" a ci hi.