Joshua 3:5 - Zokam International Version

⁵ Tua ciangin Joshua in mipite tungah, "No le no kisiansuah un, zing ciangin TOPA in note lakah nalamdang hong bawl ding hi," ci-in a gen hi.

LAISIENGTHOU CL Bible (BSI)

⁵ Tualeh Joshua in mipite kungah, “Kisusiengthou un, aziehpen zing chiengin Mangpa’n nalah uah sillam dang tah bawl ding ahi,” achi hi.

Zo Bible

⁵ Tua ciengin Joshua in mite kungah, “No le no kisiensuo un; azieh pen Topa in zing ciengin na lah vuah na lamdang ang bawl ding hi,” a ci hi.

Joshua 3:5 Iomraidhean Croise

Job 1:5

Pawi bawl vial khat a kikhit ciangin Job in amaute samin a siansuah hi. Zingsang tungin amaute khat ciat adingin meihal biakna piaksak a, "Ka tate in mawhna bawla a lungsim uah Pasian a samsiat khak uh leh," cih a ngaihsutna ahi hi. Hih pen Job in a hunhunin ngeina-a a neih ahi hi.

Phatna-late 77:15

Na khut thahatin nangma mi, Jacob le Joseph’ suante na tankhia hi.

Phatna-late 86:10

Ahang in nang lianin a piandang nate na bawl a; nang bek Pasian na hi hi.

Joel 2:16

Mite kikhawmsak unla mipite siansuah un. A upate sam unla naupangte le nawi ne naungekte kikhawmsak un. A kitengtung zineipa le mo in a lupna inndei nusia-in pai uhhen.

Siampi Laibu 10:3

Tua ciangin Moses in Aaron kiangah, "Hih in TOPA thugen ahi hi, amah in: ‘Kei hong naihte lakah, kei a siangtho ka hina ka lak ding hi; mite khempeuh muhna-ah kei hong kipahtawi ding hi,’ ci hi," a ci hi. Aaron a daidide hi.

Siampi Laibu 20:7

"‘Note ki-apin siangtho un; bang hang hiam cih leh keimah TOPA note Pasian ka hi hi.

Misimna 11:8

Mihonte pai kawikawi-in tuate khawm uh a, angawina tawh gawi-in ahikeh sum sungah a su uh hi. Amaute in beelin a huan kei uh leh mohphengin a bawl uh hi. Tua hi a olive thau-a kibawl na khat bangin a lim hi.

John 17:19

Amaute zong a siantho takpi nadingun keimah le keimah ka kisiangthosak hi.

Joshua 3:13

Leitung khempeuh Topa ahi TOPA ’ singkuang a pua siampite a khe uh le Jordan tui a kisukkhak phetin tui a luangsuk kimlai kikhenin vum venvanin a kiciang ding hi," a ci hi.

Joshua 3:15

Anlak hun sung tawntung Jordan a khang hi. Tua hi napi singkuangpi pua siampite khe in Jordan tuimong a sukkhak phetin

Joshua 3:4

Hih lampi-ah pai ngei lo na hi manun tua hun ciangin na pai nading uh na thei ding uh hi. Ahi hangin singkuangpi le no kikal yard d tul khat bang kihalin pai un; a kiang neh kei un," ci-in thu a pia uh hi.

Joshua 3:6

Joshua in siampite kiangah, "Thukhun singkuang pua unla, mipite mai-ah galkahpih un," a ci hi. Tua bangin amaute in pua uh a amaute mai-ah a masa uh hi.

Joshua 7:13

"Pai inla mipite siansuah in. TOPA Israel Pasian in ‘Israel aw, note lakah a ki-apsa na om hi. Na paihkhiat matengin na galte uh langah na ding thei kei ding uh hi,’ ci ahi manin zingciang adingin no le no kisiansuah ciat un," ci in.

1 Samuel 16:5

Samuel in, "Himah, lemthu hi; TOPA tungah biakna pia dinga hong pai ka hi hi. No le no kisiansuah unla biakpiakna ah kei hong zui un," ci-in a dawng hi. Tua ciangin Jesse le a tapate siansuah a biakna pia dingin a sam hi.