Joshua 23:1 - Zokam International Version

¹ Hun sawtpi a bei khit TOPA in Israel, a kimkota galte a vensak khit ciang, Joshua lah tua hunin a kum tam ta in a tek nungin

LAISIENGTHOU CL Bible (BSI)

¹ Tauleh hichi ahi a, hun sawtpi nua in Mangpa’n Israel tate kunga a kimvel ua amelmate ua kipata tawldamna apieh nuain, Joshua ahing tehta a, ahing upa mama ta hi.

Zo Bible

¹ Topa in Israel’ kimvela om a galte zosie panun tawlngahna a pieh zaw a sawtpi ciengin Joshua zong vuoi-in kum tampi pha ta hi.

Joshua 23:1 Iomraidhean Croise

Piancilna 25:8

Tua khit ciangin Abraham in a nunung pen a hu sanga, tekkuut in, mi upa, a kum tamin si a, a mipihte kiangah kigawm hi.

1 Kumpite 1:1

Kumpi David tekta-a a kum kicing ta in puan a silhsak ciang nangawnun a khua lum thei lo hi.

1 Khangthute 23:25

Ahang in, David in, "TOPA, Israel Pasian in ama mite tawlngasaka, Jerusalem a teng dingin tungsak khin ahi nungsang

1 Khangthute 27:1

Hih in Israel-te min khumna ahi - innkuan lutangte le a tulte le a zate a uk, amaute uliante hi-a, amaute in kum tawntung kha simin a kisam bangin kikhel-a kumpipa nasemte ahi uh hi. Khen khat ah mi 24,000 ahi hi.

2 Khangthute 14:1

Tuateh Abijah a pate tawh tawlnga a, David Khuapi sungah kivui hi. Ama tapa Asa in a kumpi za luah a, ama uk hun kum sawm sung, gamsung a kilem hi.

2 Khangthute 14:5

Amah in Judah khuapi tenga munsangte le gimnamtui halna biakna-taute phiatkhia a, ama ukna nuai-ah kumpi-gam a kilem hi.

2 Khangthute 20:30

Tuateh ama Pasian in a kim a pam panin galmuangsak ahi manin Jehoshaphat kumpi-gam a kilem hi.

Phatna-late 46:9

Amah in leitung mongte dongin gal beisak a, thalpeu kuaitanin, teipi tumtan a, lumte a mei-in a hal hi.

Isaiah 63:14

Zanglei zuansuk bawnghon bangin TOPA Kha in amaute tawldamsak hi. Nangma min na thansak nadingin hih bang zia-in na mite na makaih hi.

Thupiakkikna 31:2

Tu-in kei kum za le sawmnih ka upa ta hi; note kong makaih thei nawn kei ding hi. TOPA in kei tungah, ‘Jordan na kantan kei ding hi,’ hong ci khin hi.

Joshua 11:23

TOPA in Moses a lah bang tektekin Joshua in tua gam khempeuh la-a, amau beh khenna tawh kizui-in a luah dingun Israel tungah a pia hi. Tua ciangin tua gamah gal a veng ta hi.

Joshua 13:1

Joshua kum tamta in tekta ahi ciangin TOPA in ama kiangah, "Nang lah tek mahmah ta, lak ding gam lah zai mahmah lai hi.

Joshua 21:44

TOPA in a pute uh tunga a ciamsa bang tektekin a kimkot panun gal a vengsak hi. A galte uh khat beek amau langah pang zo lo-a, a galte khempeuh uh TOPA in amaute khutah a pia hi.

Joshua 22:4

Tu-in TOPA note Pasian in a ciamsa bangin na sanggamte uh tawlngakna a pia ta hi, no zong TOPA nasempa Moses in hong piaksa Jordan galkhat na gamua na inn uah ciah ta un.

1 Samuel 12:2

Tu-in na makai dingun kumpi khat na nei khin uh hi. Kei ka hileh tekin ka sam kangta a, ka tapate hih lai-ah no tawh a omkhawm hi. Ka khangno lai-a kipan tuni dong note makai ka hi den hi.