Joshua 11:6 - Zokam International Version

⁶ TOPA in Joshua kiangah, "Amaute kihta kei in, bang hang hiam cihleh zingciang tu hunin thahsa-in Israel tungah amaute khempeuh kong pia ding hi. A sakol zaguite uh attatsakin a sakol-lengte uh na haltum ding uh hi." a ci hi.

LAISIENGTHOU CL Bible (BSI)

⁶ Tualeh Mangpa’n Joshua kung ah, “Amaute, giing sin; zingchieng tuhun in, amaute a unpi un thaliasa in Israelte hing pe ding kahi ziehin, asakolte uh za nua na sattan pieh ding ua, asakollengte u’zong mei in na haltum pieh ding uhi,” achi hi.

Zo Bible

⁶ Topa in Joshua kungah, “Amate giing sin, azieh pen zing cieng tu hunin amate a unpi-un a sisa-in Israel-te tungah ka pie ding hi; a sakolte uh a kapzahui na vatsan ding vua, a leengte uh mei tawh na hal ding uhi,” a ci hi.

Joshua 11:6 Iomraidhean Croise

2 Samuel 8:4

David in a sakolleng tulkhat, sakolleng hawl a tul sagih le khe galkap tul sawmnih a matsak hi. Amah in lengkai sakol za khat longal a zagui a attat khin hi.

2 Kumpite 6:16

Kamsangpa in, "Lau kei in, amaute a ompihte sangin ei hong ompihte tamzaw uh hi," ci-in a dawng hi.

2 Khangthute 20:16

Zing ciangin amaute do dingin kuansuk un. Amaute Ziz Ciangka zui-in hong kahto ding uh a, Jeruel Sehnel-gam kuampi mongah amaute na mu ding uh hi.

Phatna-late 46:10

"Dai hithiat unla, keimah Pasian ka hina thei un; minamte lakah kei hong kitawisang dinga, leitungah kei hong kitawisang ding hi."

Phatna-late 46:11

Thahatpen TOPA in eite hong ompih a; Jacob Pasian eite kulh muanhuai ahi hi.

Phatna-late 46:9

Amah in leitung mongte dongin gal beisak a, thalpeu kuaitanin, teipi tumtan a, lumte a mei-in a hal hi.

Paunakte 20:7

A thumaan mi, kawkbang loin nungta a; ama nunga a tate in thupha ngahlawh uh hi.

Isaiah 30:16

Note in, ‘Hi lo hi, sakolin ka tai ding uh hi,’ na ci uh hi. Tua ahi ciangin manlangin na tai takpi ding uh hi! Note in, ‘Sakol hat tungah ka tuang ding uh hi,’ na ci uh hi. Tua ahi ciangin note hong delhpa zong a hat semsem ding hi!

Isaiah 31:1

Egypt huh nading deiha a paisukte, sakolte tungah kinga-in sakolleng tampite le a sakol-tuangte uh thahatna muanga Israel-te siangtho Pa en lo ahikeh TOPA tung pana huhna a zong lote tungah gimna tung ta hen.

Ezekiel 39:9

"’Tua ciangin Israel khuapi sunga tengte paikhia-in galvante - lumlian lumneute, thal le thaltangte, gal khetbukte le teipite mei-in cihin a haltum ding uh hi. Ansing dingin tuate kum sagih sung a khom ding uh hi.

Hosea 14:3

Assyria in kote hong hon thei lo hi. gal sakol tungah ka tuang kei ding uh hi. Pa nei lote in nang tung pan khuatuahna mu uh ahi manin kote in ka khut uh tawh ka bawlte uh tungah ‘Kote pasiante’ ka ci nawn kei ding uh hi." ci un.

Nahum 2:13

Thahatpen TOPA in, "Keimah note langah ka pang hi. Na sakollengte uh meikhu lakah ka haltum dinga, na humpinelkai khanglaite uh namsau in a vatmai ding hi. Leitung ah na samatsa uh kong nusiat kei ding hi; na kamtaite uh awging a kiza nawn kei ding hi," a ci hi.

Thupiakkikna 7:16

TOPA note Pasian in note hong piaksa mite khempeuh na susia pelmawh ding uh hi. No aa in thang suak ding ahi manin hehpihhuai sa kei unla a pasiante uh na sem kei un.

Joshua 10:8

TOPA in Joshua kiangah, "Amaute kihta kei in; na khut sungah kong pia khin hi. Amaute khat beek in hong nang zo kei ding uh hi," a ci hi.

Joshua 11:5

Hih kumpite khempeuh in a galhatnate uh gawm uh a, Israel sim dingin Merom Tuite ah giahphual a sat khawm uh hi.

Joshua 11:7

Tuaci-in Joshua le a galkap buppi thakhatin Merom Tuite ah tung vatin sim uh a,

Joshua 11:9

TOPA lahsa bangin Joshua in amaute tungah bawla: a sakol zaguite uh attatin a sakollengte uh a halsak hi.

Joshua 3:5

Tua ciangin Joshua in mipite tungah, "No le no kisiansuah un, zing ciangin TOPA in note lakah nalamdang hong bawl ding hi," ci-in a gen hi.

Thukhente 20:28

Aaron tupa Eleazar’ tapa Phinehas a mai-a nasem den tawh a om hi.) Amaute in, "Ka sanggamte uh Benjamin sim dingin ka kuan kik ding uh hiam, kuan kik lo ding ka hi uh hiam?" ci-in a dong uh hi. TOPA in, "Kuan un, zing ciangin amaute no khut sungah kong pia ding hi," ci-in a dawng kik hi.

Thukhente 7:9

Tua zanin TOPA in Gideon kiangah, "Tho un, kuansukin giahphual sim un, no khut sungah kong pia ta ding hi.

1 Samuel 11:9

Amaute in kamtai-a paite kiangah, "Jabesh mite kiangah, ‘Zing ciang nisat hunin note hong kihukhia ding hi,’ na ci un," a ci uh hi. Kamtaite pai-in Jabesh mite kiangah hih thu a zaksak uh ciangin a nuam mahmah uh hi.