Joshua 1:9 - Zokam International Version

⁹ Thu hong pia khin hi lo ka hi hiam? Hat inla hang in. Lauthawng kei in; na paina peuhah TOPA note Pasian in hong ompih ding ahi manin lungkia kei in," a ci hi.

LAISIENGTHOU CL Bible (BSI)

⁹ Thu ka hing pie hilou amah? Hattah leh hang tahin um in, zau sinlen, lungke vawt sin, Mangpa na Pasian in hing umpi ding ahi;” achi hi.

Zo Bible

⁹ Tam bangin thu kang pie hi: Tha hat inlen hang in. Zau sinlen lungkie sin, azieh pen na peina popo-ah nangma tawh Topa na Pasien ang om hi,” a ci hi.

Joshua 1:9 Iomraidhean Croise

Piancilna 28:15

Nangmah tawh ka oma, na paina peuhpeuh ah hong cingin hih leitangah nang kong puak kik ding hi. Nang kong ciamsate ka hih khit mateng kong nusia kei ding hi," ci hi.

Piancilna 39:2

TOPA in Joseph ompih a, amah daupai-in a pu Egypt-pa’ innah a om hi.

Piancilna 39:3

TOPA in amah ompih-a, a hihna khempeuh ah TOPA in gualzosak hi cih a pu in mu hi.

2 Samuel 13:28

Absalom in a mite kiangah, "Ngai un! Amnon in zu a kham mahmah ciangin, ‘Amnon satlum un,’ kong cih ciangin that un. Lau kei un. Thu hong pia khin hi lo ka hi hiam? Kihatsakin kihangsak un," ci-in thu a pia hi.

1 Khangthute 28:20

David in a tapa Solomon kiangah zong, "Hat inla hangin na sem in. Pasian, TOPA keima Pasian in nang hong ompih ahi manin kihta kei inla lungkia kei in. Amah in TOPA biakinnpi sep a kizawh matengin hong lawhsamsak loin hong taisan kei ding hi.

2 Khangthute 15:7

Ahi hangin nang na hileh na pahtakman sang ding na hi manin hat inla tawpsan peuhmah kei in," a ci hi.

Phatna-late 46:7

Thahatpen TOPA in eite hong ompih a; Jacob Pasian eite kulh muanhuai ahi hi.

Isaiah 41:10

Tua ahi ciangin lau kei un, note tawh ka omkhawm hi; Na tha uh hong dimsakin kong huh ding hi; note Pasian ka hi manin kilungneusak kei un. a thumaan ka taklam khutin kong len gige ding hi.

Isaiah 43:1

Ahi hangin, tu-in hih in TOPA gen ahi hi - Jacob aw, note hong piangsak amah hi a, Israel aw, note hong bawl amah hi: "Note hong tankhin ka hi manin lau kei un; na minun kong sam khin a; note kei aa na hi uh hi.

Isaiah 43:5

Hong ompih ka hi manin lau kei in; nisuahna panin na tate kong puak dinga, nitumna panin nang kong kaikhawm ding hi.

Isaiah 8:12

"Hih mite in sawmsim a cih teng uh sawmsim k cihpih kei in; amau kihtakte kihta kei inla laulua kei in.

Daniel 10:19

"A kithupi sim mahmah mipa aw, lau kei in, lungnuam in! Kihatsak in; tu-in kihatsak in," hong ci hi. Amah in kei hong hopih ciangin ka tha hat a, "Nong hatsak khin hi topa aw, thu hong gen ta in," ka ci hi.

Haggai 2:4

Ahi zongin tu-in Jerubbabel aw, kihatsak in, ‘TOPA in ci hi.’ Jehozadak tapa tulpi Joshua aw, kihatsak in, no gamsunga tengte khempeuh aw, kihatsak unla na sem un, ‘TOPA in cikhia hi. Ahang in, keimah in kong ompih hi,’ Thahatpen TOPA in cikhia hi.

Haggai 2:5

Hih in Egypt pana na paikhiat lai-un note tawh ka thukhun ahi hi. Tua hi-a keima Kha note lakah om lai hi. Lau kei un,’ ci hi.

Nasepte 4:19

Ahi hangin Peter le John in "No le no kingaihsun dih un, Pasian mitmuhna ah Pasian thu sangin no thu kong man ding uh, koi maanzaw ding ahi hiam?

Thupiakkikna 1:21

TOPA note Pasian in tua gam note hong pia khin hi. Pai to unla TOPA na pate uh Pasian hong gensa bangin la un. Lau kei unla lungkia kei un," kong ci hi.

Thupiakkikna 20:1

Na galte uh sim dingin kuana, note sangin a lianzaw galte, sakolte le lengte na muh uh ciangin lau kei un, bang hang hiam cih leh Egypt pana hong paikhiatpih to TOPA note Pasian in hong ompih ding hi.

Thupiakkikna 31:23

TOPA in Nun’ tapa Joshua tungah hih thupiak pia a: "Keimah kiciama amaute ka khapsa gamah Israel-te tunpih ding na hi manin hat inla hang in, keimah in kong ompih ding hi," a ci hi.

Thupiakkikna 31:28

Na beh upate uh le na ulian khempeuh uh mai-ah hih kammalte ka gen theih nading le amaute langkhatah teci a pang dingin van le lei ka sap theih nadingin ka mai-ah amaute hong kikhawmsak un.

Joshua 1:10

Tua ciangin Joshua in uliante thu pia a:

Joshua 1:17

Moses thu khempeuh ka man bang tektekun nang thu kong mang ding uh hi. TOPA na Pasian in Moses a ompih bangin nang zong hong ompih tapeuh hen.

Joshua 1:18

Na kammal a lehdo peuhmah, le na thupiak mang lo-a, na thupiak dingte a mang lo peuhmah kithat ding hi. Hat inla hang in!" ci-in a dawng uh hi.

Joshua 10:25

Joshua in amaute kiangah, "Lau kei un; lungkia kei un. Hat unla hang un. Mailam a na do ding uh galte khempeuh TOPA in a hicih ding hi," a ci hi.

Joshua 10:8

TOPA in Joshua kiangah, "Amaute kihta kei in; na khut sungah kong pia khin hi. Amaute khat beek in hong nang zo kei ding uh hi," a ci hi.

Joshua 3:7

Tua ciangin TOPA in Joshua kiangah, "Moses ka ompih bangin nang kong ompih lam Israel-te in a theih theih nadingun tuni-in amaute muhna ah nang kong tawisangna ka kipan ding hi.

Joshua 6:27

Tua bangin TOPA in Joshua ompih a, ama minliatna gam khempeuhah a kizel hi.

Joshua 8:1

Tua ciangin TOPA in Joshua kiangah, "Lau kei in; zong lungkia kei in. Galkap buppi kuanpih inla paito in Ai va sim un. Na khut sungah Ai kumpipa, a mite, a khuapi le a gam kong pia khin hi.

Thukhente 6:14

Tua ciangin TOPA ama lamah kihei-a, "Tu-a na neih thahatna tawh pai-in Midian khut panin Israel honkhia in. Nang hong sawl lo ka hi hiam?" a ci hi.

1 Samuel 10:7

Hih limte a tangtun khit hun ciangin Pasian in nang hong ompih ahi manin na tuah peuhpeuh hih in.