Joshua 1:6 - Zokam International Version

⁶ "Hih mite in a luah dingun amaute piak dinga a pute uh tunga ka ciamsa gamah amaute makaih ding na hi manin hat inla hang in.

LAISIENGTHOU CL Bible (BSI)

⁶ Hattah leh hangsantahin umin, apulepate u’kunga pieh dinga kana chiemsa gam khu agoutan dingun na hawm pieh ding ahi.

Zo Bible

⁶ Thahat inlen hang in; azieh pen na pu na pate uh pieh dinga ka ciemsa leitang tam mite na luosah ding hi.

Joshua 1:6 Iomraidhean Croise

Piancilna 12:7

Abram kiangah TOPA kilanga, "Nang suante a tungah hih gam ka pia ding hi," a ci hi. Tua ciangin amah in ama tunga kilang TOPA ading biakna-tau khat dawh hi.

Piancilna 26:3

Hih gamah tawmvei sung teng in; nang tawh omkhawm in thupha kong pia ding hi. Ahang in nang le na suan le khakte tungah hih gamte hong pia-in na pa Abraham tungah tomlo a ka ciamna ka kipsak ding hi.

2 Samuel 10:12

Kihatsak unla i mite le eite Pasian khuapite adingin hangtakin do ni. TOPA in ama mita hoih a sak bangin hong sem ding hi," a ci hi.

1 Kumpite 2:2

Amah in, "Leitung mi khempeuh lampi zui-in a paikuan ta ka hi hi. Tua ahi ciangin kihatsak inla, kipasalsak in.

1 Khangthute 22:13

Tua ciangin Israel adingin TOPA in Moses tunga a piak thukipte le thukhamte limtaka na zuih leh na ma a vang ding hi. Hat inla hang in. Lau kei inla lungkia kei in.

1 Khangthute 28:10

Tu-in TOPA in mun siangtho ding biakinnpi khat lam dingin nang hong teel khin ahi manin ngaihsun in. Hat inla na sem in," a ci hi.

1 Khangthute 28:20

David in a tapa Solomon kiangah zong, "Hat inla hangin na sem in. Pasian, TOPA keima Pasian in nang hong ompih ahi manin kihta kei inla lungkia kei in. Amah in TOPA biakinnpi sep a kizawh matengin hong lawhsamsak loin hong taisan kei ding hi.

2 Khangthute 15:7

Ahi hangin nang na hileh na pahtakman sang ding na hi manin hat inla tawpsan peuhmah kei in," a ci hi.

2 Khangthute 20:11

En in, kote in luah a ka neih dingun nong piaksa panin kote hong nawhkhiatna tawh hong thuk dingin amaute hong kuan uh hi.

2 Khangthute 20:7

Kote Pasian aw, nang in na mi Israel mite mai panin hih gama teng mite hawlkhia-in na lawmpa Abraham suante neih den dingin na piaksa hi lo ahi hiam?

Phatna-late 27:14

TOPA ngak in; kihatsakin kilungkhauhsak inla TOPA ngak in.

Daniel 10:19

"A kithupi sim mahmah mipa aw, lau kei in, lungnuam in! Kihatsak in; tu-in kihatsak in," hong ci hi. Amah in kei hong hopih ciangin ka tha hat a, "Nong hatsak khin hi topa aw, thu hong gen ta in," ka ci hi.

Haggai 2:4

Ahi zongin tu-in Jerubbabel aw, kihatsak in, ‘TOPA in ci hi.’ Jehozadak tapa tulpi Joshua aw, kihatsak in, no gamsunga tengte khempeuh aw, kihatsak unla na sem un, ‘TOPA in cikhia hi. Ahang in, keimah in kong ompih hi,’ Thahatpen TOPA in cikhia hi.

Zechariah 8:9

Thahatpen TOPA gen hih ahi hi: "Thahatpen TOPA inn ding abul kiphuh hun lai-a om kamsangte thugen tu-a a za note aw, biakinnpi kilam theih nadingin na khut uh khauhsak un.

Misimna 26:53

"Amau min phazah bulphuhin a gouluah ding uh amau tungah leitang kihawm ding hi.

Misimna 33:53

Note neih dinga kong piak ahi manin leitangte tang unla teng un.

1 Corinth-te 16:13

Note kikem un, upna-ah kiptakin ding un; pasal hangte hi un, thahat un.

Ephesa-te 6:10

A nunung penin, Topa sung le ama thahat vangliatna sungah thakhauh un.

Thupiakkikna 1:21

TOPA note Pasian in tua gam note hong pia khin hi. Pai to unla TOPA na pate uh Pasian hong gensa bangin la un. Lau kei unla lungkia kei un," kong ci hi.

Thupiakkikna 1:8

En un hih gam note kong pia khin hi. Lut unla TOPA in na pate uh - Abraham, Isaac le Jacob le amaute nunga a suante uh tungah piak dinga a khapsa gam va la un," hong ci hi.

Thupiakkikna 11:8

Tua ahi ciangin note Jordan kantanin pai-a, tua gam na lak zawh nading uh, hatna na neih theih nading un tuni-a kong thupiakte khempeuh zui un,

Thupiakkikna 31:23

TOPA in Nun’ tapa Joshua tungah hih thupiak pia a: "Keimah kiciama amaute ka khapsa gamah Israel-te tunpih ding na hi manin hat inla hang in, keimah in kong ompih ding hi," a ci hi.

2 Timothy 2:1

Tua ahi ciangin nang ka tapa aw, Christ Jesu sunga om hehpihna hangin thahat in.

Joshua 1:18

Na kammal a lehdo peuhmah, le na thupiak mang lo-a, na thupiak dingte a mang lo peuhmah kithat ding hi. Hat inla hang in!" ci-in a dawng uh hi.

Joshua 1:7

Hat inla hang mahmah in. Ka nasempa Moses in nang hong piak thukham khempeuh limtakin mang in; na paina peuhah na gualzawh theih nadingin veilam ahi-a taklam ahi zongin pialsan kei in.

Joshua 1:9

Thu hong pia khin hi lo ka hi hiam? Hat inla hang in. Lauthawng kei in; na paina peuhah TOPA note Pasian in hong ompih ding ahi manin lungkia kei in," a ci hi.

Joshua 10:25

Joshua in amaute kiangah, "Lau kei un; lungkia kei un. Hat unla hang un. Mailam a na do ding uh galte khempeuh TOPA in a hicih ding hi," a ci hi.

Joshua 13:6

"Mualtung kuala tengte adingin Lebanon pan Misrephoth Maim ciang, tua muna teng Sidon-te khempeuh kei mahmah in Israel-te mai pan ka nawhkhia ding hi. Keimah in nang kong lamlahsa bangin a luah dingun hih gam tuam khenkhiat inla,

Joshua 18:3

Tua ciangin Joshua in Israel-te tungah: "TOPA na pate uh Pasian in note hong piaksa gam na lak ding uh bang tanvei ngak lai ding na hi uh hiam?

Joshua 21:43

Tuaci-in TOPA in a pute uh tunga a khapsa gam khempeuh Israel tungah pia-a, amaute in a neih dingun a lak khit uh ciangin tua lai-ah a teng uh hi.

Joshua 5:6

Israel-te in TOPA thu mang lo uh ahi manin Egypt a nusiat khit uh galkap dinga kum cingsa khempeuh a sih khit dong kum sawmli sung sehnel gamah a kilehkawikawi uh hi. Ahang in, TOPA in eite hong piak dingin i pate tungah limtaka a ciamsa bawngnawi le khuaizu luanna gam a muh loh nadingun amaute tungah amah kiciam khin hi.

1 Samuel 4:9

Philistia-te aw, thahat un! "Kipasalsak un, tua hi kei leh amaute ei nasem a suah bangun Hebrew-te nasem na suak kha ding uh hi. Kipasalsakin do un!" a ci uhhi.