Joshua 1:5 - Zokam International Version

⁵ Na nuntak sung teng nang langkhat ah kuamah a pang zo kei ding hi. Moses ka ompih bangin nang kong ompih ding hi; nang kong nusia kei dinga kong taisan ngei kei ding hi.

LAISIENGTHOU CL Bible (BSI)

⁵ Na damsung siein koima mawngmawng in ahing nang zou sih dinga, Mosi kunga ka um bangin, nang zong ka hing umpi dinga, ka hing zuousan sih dinga, pei zong ka hing peisan sih ding hi.

Zo Bible

⁵ Na hin sung tungtawnin koima in ang langpan zo sih ding hi. Moses tawh ka opton bangin nang tawh zong kang om ton ding hi; kang tamasah sih ding a, zong kang nuasie sih ding hi.

Joshua 1:5 Iomraidhean Croise

Piancilna 39:2

TOPA in Joseph ompih a, amah daupai-in a pu Egypt-pa’ innah a om hi.

1 Kumpite 1:37

TOPA in ka to kumpipa a ompih bangin Solomon ompih in ka topa Kumpipa David tokhom sang nangawnin a tokhom liansakzaw ta hen!" ci-in a dawng hi.

1 Kumpite 11:38

Nang in kong sawl peuhpeuh hih a, ka lampite tawnin ka nasempa David hih bangin ka ngeina kipte le ka thupiakte zuihna tawh ka mit muhna ah amaanin na gamtat leh nang kong ompih ding hi. David adingin ka kipsak bangin na ukna ka kipsak dinga, nang tungah Israel kong pia ding hi.

1 Kumpite 6:13

Tuateh Israel-te lakah tengin ka mi Israel ka nusia kei ding hi," a ci hi.

1 Kumpite 8:57

TOPA eite Pasian in i pate a ompih bangin eite hong ompih ta hen; eite hong nusia-in hong taisan kei hen.

1 Khangthute 28:20

David in a tapa Solomon kiangah zong, "Hat inla hangin na sem in. Pasian, TOPA keima Pasian in nang hong ompih ahi manin kihta kei inla lungkia kei in. Amah in TOPA biakinnpi sep a kizawh matengin hong lawhsamsak loin hong taisan kei ding hi.

Phatna-late 46:11

Thahatpen TOPA in eite hong ompih a; Jacob Pasian eite kulh muanhuai ahi hi.

Paikhiatna 3:12

Tua ciangin Pasian in, "Nang kong ompih ding hi. Nang hong sawl keimah ka hina na theih nading lim hih ahi hi: Tua mite Egypt panin na paikhiatpih khit ciangin hih mual tungah Pasian na a bia ding hi," a ci hi.

Isaiah 42:16

Keimah in mittawte a theih ngei lohna munah ka pi dinga, a tawt nai lohna lampi ah lam ka hilh ding hi; amaute mai-ah khuamial khuavak ka suaksak dinga, aham lampite ka nelsak ding hi. Ka sep ding nate hihte ahi hi; amaute ka nusia kei ding hi.

Jeremiah 1:8

Amaute kihta kei in, nang kong ompih dinga kong hu ding hi," TOPA in cikhia hi.

Daniel 11:16

Gal va simpa in a ututin bawl dinga ama langah a nangzo kuamah a om kei ding hi. Gam Melhoih ah amah le amah kikipsakin a suksiat nading hatna a nei ding hi.

Matthew 28:20

kong thupiak khempeuh a zuih nadingun na hilh un. Khanghun a bei tektek dong a tawntungin note kong ompih taktak ding hi," a ci hi.

Rome-te 8:31

Tua ahileh hih thu dawn nadingin bang i gen ding hiam? Pasian eite lamah a pan leh ei langah kua pang zo ding ahi hiam?

Rome-te 8:37

Hong khenkhia zo kei ding hi. Hihte khempeuh ah eite hong it ama tungtawnin gualzote sang i gualzo zaw hi.

Thupiakkikna 20:1

Na galte uh sim dingin kuana, note sangin a lianzaw galte, sakolte le lengte na muh uh ciangin lau kei un, bang hang hiam cih leh Egypt pana hong paikhiatpih to TOPA note Pasian in hong ompih ding hi.

Thupiakkikna 20:4

Ahang in, TOPA note Pasian in na galte uh hong zosak dingin amaute langkhatah pangin note hong dopih dingin hong tonpih hi," a ci ding hi.

Thupiakkikna 31:23

TOPA in Nun’ tapa Joshua tungah hih thupiak pia a: "Keimah kiciama amaute ka khapsa gamah Israel-te tunpih ding na hi manin hat inla hang in, keimah in kong ompih ding hi," a ci hi.

Thupiakkikna 4:31

Bang hang hiam cih leh TOPA note Pasian in mi a lainat Pasian ahi manin amah in note hong nusia lo dinga hong susia loin kiciamna tawh a kipsak uh, na pute uh tawh a thukhun a mangngilh kei ding hi.

Thupiakkikna 7:24

Amau kumpite note khut sungah hong pia dinga, van kikhupsin nuai panin amaute min na phiatkhia ding uh hi. Note langah mi khat beek pang zo lo dinga; amaute na susia ding uh hi.

2 Timothy 4:17

Ahi hangin ka gei-ah Topa dinga, kei tungtawnin Gentile-te khempeuh in tua thupuak a zak nadingun kicingtaka ka tangko theih nading tha hong guan hi. Tua hi-a, humpinelkai kam panin kei hong hukhia hi.

Hebrews 13:5

Pasian in, "Nang kong nusia kei dinga nang kong taisan ngei kei ding hi," e ci ahi manin sum iplahluatna panin kikem unla, na neih zahzah uh tawh lungkim un.

Joshua 1:17

Moses thu khempeuh ka man bang tektekun nang thu kong mang ding uh hi. TOPA na Pasian in Moses a ompih bangin nang zong hong ompih tapeuh hen.

Joshua 1:9

Thu hong pia khin hi lo ka hi hiam? Hat inla hang in. Lauthawng kei in; na paina peuhah TOPA note Pasian in hong ompih ding ahi manin lungkia kei in," a ci hi.

Joshua 10:8

TOPA in Joshua kiangah, "Amaute kihta kei in; na khut sungah kong pia khin hi. Amaute khat beek in hong nang zo kei ding uh hi," a ci hi.

Joshua 21:44

TOPA in a pute uh tunga a ciamsa bang tektekin a kimkot panun gal a vengsak hi. A galte uh khat beek amau langah pang zo lo-a, a galte khempeuh uh TOPA in amaute khutah a pia hi.

Joshua 3:7

Tua ciangin TOPA in Joshua kiangah, "Moses ka ompih bangin nang kong ompih lam Israel-te in a theih theih nadingun tuni-in amaute muhna ah nang kong tawisangna ka kipan ding hi.

Joshua 6:27

Tua bangin TOPA in Joshua ompih a, ama minliatna gam khempeuhah a kizel hi.

Thukhente 2:18

A nuainette bawlsiatna nuai-ah amaute a tau uh ciangin TOPA in khuatuah ahi manin amaute adingin thukhente a khansak simin TOPA in thukhente ompih a, thukhente a nuntak laiteng a galte uh khut panin amaute a honkhia hi.

Thukhente 6:16

TOPA in, "Nang kong ompih dinga, mihing khat bangin Midian-te na sattuk ding hi," ci-in a dawng hi.

1 Samuel 10:7

Hih limte a tangtun khit hun ciangin Pasian in nang hong ompih ahi manin na tuah peuhpeuh hih in.