Waebulaniya 2:9 - Lagano hya

⁹ Mna chamwona Yesu yudya atendagwa mdodo kujinka wandima wa kwembingu kwa chipindi chidodo, chani kwa wedi wa Chohile abanike kwachausa cha wantu wose. Kwachausa cha masulumizo kubula kubanika kwakwe mna haluse chamwona kavikwa chilemba cha ukulu na ntunyo.

Waebulaniya 2:9 Iomraidhean Croise

Matayo 16:28

Nawagambilani chindedi, hana wantu mgati mwa wano wachimale hano, hawabanike, kubula wamwone Mwana ywa Mntu akeza no Uzumbe.”

Matayo 6:28

“Naho ni mbwani kwevinya mwe suche? Kaulani viya maluwa ya kumbago yakukula, hayakudamanya ndima hegu kwesumila suche.

Mako 9:1

Yesu kalonga naho, “Chindedi kuna wantu watuhu hano hawabanike kubula wawone Useuta wa Chohile ukeza na nguvu nkulu.”

Luka 9:27

Nawagambilani chindedi, watuhu hano hawabanike kubula wauwone Useuta wa Chohile.”

Yohana 1:29

Zuwa dikutimila, Yohana amwona Yesu akamwizila. Niyo agamba, “Yuno nuyo Mwanangoto ywa Chohile ikusa masa ya wantu we isi!

Yohana 10:17

“Tate anunga kwaviya nalavya ujima wangu chani niuhokele vituhu.

Yohana 12:32

Miye nami naninulwe kulanga kulaila hasi he isi nanimkwese chila yumwenga kwangu.”

Yohana 3:16

Kwaviya Chohile kaungisa isi vilekile amlavye Mwanawe ywe ichedu, chani chila mntu namzumile asekwaga mna enkwe ujima mazuwa yose.

Yohana 8:51

Nawagambilani chindedi, mntu yoyose akutozesa mahinyo yangu habanike mazuwa yose.”

Yohana 8:52

Wayahudi wagamba, “Weye una mpepo! Bulahimu abanikaga, na wawoni nawo wabanikaga. Nawe wagamba, akutozesa mahinyo yangu habanike mazuwa yose!

Ntendwa 2:33

Kenulwa koudahi wa Chohile, Tati yakwe, naho kahokela Muye Ukukile kwakwe saviya Chohile alongaga. Vino mkuwona na kwiva haluse nivyo Muye Ukukile awajuluzize.

Ntendwa 3:13

Chohile ywa Bulahimu, Isaka na Yakobo, Chohile ywa wadalahala wetu, kamtunya mtumwa ywakwe Yesu. Mna mumwinkiza mwe mikono ya maseuta, naho mumlemela mwa meso ya Pilato, hata Pilato eze ajise kanto dyakwe dya kufungulwa.

Walumi 5:18

Elo, ni saviya masa ya mntu yumwenga yawegaila wantu wose nkanto, seivyo ntendwa ya wedi wa mntu yumwenga iwalekeila na kuwenka ujima.

Walumi 5:8

Mna Chohile kalagisa pwilili kwetu ungi wakwe, hadya chendaga china masa niyo Kulisito abanikaga kwachausa chetu!

Walumi 8:3

Mbuli idya Sigilizi ya Musa enkigwe ni Chohile idunduge kuidamanya kwachausa cha usokezi wa chimntu, Chohile kaidamanya, Kwa kumsigila mwanawe mwenye akatenda na mwili wa masa kwachausa cha masa, chani akantile masa mo mwili.

Walumi 8:32

Chohile hamng'ang'anile Mwanawe we ichedu, mna kamlavya kwachausa chetu woseni. Uneva kadamanya ivyo, togola, mwafanyanya hachinke vyose bule?

2 Wakolinto 5:15

Abanikaga kwachausa cha wantu wose, chani wakwikala wasekwikala kwachausa chawo wenye, mna kwachausa cha uyo abanike, niyo auyuka kwachausa chawo.

2 Wakolinto 5:21

Kulisito nendile hana masa, mna Chohile kamtenda ejelwe masa kwa chausa chetu, chani suwe kwa kulungana nauyo, chihangane mwe kusagula yedi hegu yehiye kwakwe kwa Chohile.

Wagalatiya 4:4

Mna chipindi chikigwe chize chichinte, Chohile amsigilaga Mwanawe elekwe ni mvyele, na kwikala mwe ulongozi wa Sigilizi idya Chohile amwinkile Musa,

1 Timoseo 2:6

elavize mwenye chani kukombola wantu wose. Chaukula ichindedi mwe chipindi chiwagile kugamba Chohile aunga chila mntu ambulwe.

Waebulaniya 1:9

Weye waunga yadya yakumuwagila Chohile, na kwihiwa wavu. Nivyo vikuleka Chohile, Chohile ywako kakusagula na kukujidila mavuta kwa chinyemi chikulu na ntunyo nkulu kujinka weyawo.”

Waebulaniya 10:5

Kwa chausa chino, chipindi Kulisito umo ezaga mwe isi, agambaga, “Weye hukunga ntambiko hegu malavyo. Mna kunikiya mwili.

Waebulaniya 11:5

Kwa uzumizi, Henoko aguhagwa ni Chohile, ivyo habanike. Hawoneke vituhu kwaviya Chohile kamguha. Hadya henati kuguhigwa Mawandiko yakukile yagamba Henoko nandile akamuwagila Chohile.

Waebulaniya 12:2

Chimkaule Yesu akongile uzumizi wetu, naho nauchintize. Uyo Kwachausa cha chinyemi nendile chikamgoja, nakajijimiza file kuno akabela soni yo kubanika mo msalaba. Haluse ekala ntendele ya kulume ye chigoda cho useuta cha Chohile.

Waebulaniya 2:7

Kamtenda mdodo hadodo kujinka wandima wa kwembingu, kumvika chilemba cha ukulu na ntunyo,

Waebulaniya 7:25

Kwaviya adaha kuwambula awo wakwiza kwa Chohile kwa sila yakwe, kwaviya ekala mazuwa yose akawagombela kwa Chohile.

Waebulaniya 8:3

Chila Mlavyantambiko Mkulu kasagulwa amlavize Chohile majeleko na ntambiko. Elo, Mlavyantambiko ywetu Mkulu ongigwa atende na chintu cha kulavya.

1 Petulo 1:21

Kwa sila yakwe, nyuwe mwamzumila Chohile amuyuse na kumtenda atende mkulu, elo ukanuni no msuhi wenyu wi kwa Chohile.

1 Yohana 2:2

Kulisito nuyo alavigwe ntambiko chani ause masa yetu chinanayo mna siyo masa yetu du mna na masa ya wantu wose we isi.

Ugubulo 19:12

Meso yakwe ye saviya moto ukwaka, naho nakavala vilemba vilozize mo umtwi wakwe. Nakawandikwa zina hedimanyigwe ni mntu yoyose mna mwenye ichedu.

Ugubulo 5:9

Elo niyo wachema wila uno mhya, “Weye wawagila kuchiguha icho ichitabu nakuvugula mahula yakwe. Kwaviya weye wachinjagwa, na kwe isakame yako kumkombwela Chohile ywetu, wantu kulaila mwe chila kabila chila longa naho chila lukolo naho chila si,