Ugubulo 5:6 - Lagano hya

⁶ Niyo nawona hadya hagati he chigoda cho uzumbe Mwana Ngoto kachimala, akazungulukwa chila ntende ni wadya vyumbe wane wata ujima na wadalahala. Uyo Mwana Ngoto kawoneka enga achinjigwe. Nendile ana mahembe mfungate, na meso mfungate, ziya zendile ni myuye mfungate ya Chohile yendaga igalwe chila hantu mwe si.

Ugubulo 5:6 Iomraidhean Croise

Luka 1:69

Kachinka suwe Mwambula mta nguvu, kulaila mo lukolo lwa Daudi, mtumwa ywakwe.

Yohana 1:29

Zuwa dikutimila, Yohana amwona Yesu akamwizila. Niyo agamba, “Yuno nuyo Mwanangoto ywa Chohile ikusa masa ya wantu we isi!

Yohana 1:36

Eze amwone Yesu akajinka, agamba, “Kaulani! Yuno nuyo Mwanangoto ywa Chohile.”

Ntendwa 8:32

Mawandiko nakasoma nayakagamba, “Saviya ngoto ikunga ichinjwe, saviya mwanangoto anyamale akumonywa mazoya, hasimwile ulosi.

Ugubulo 1:4

Miye Yohana nayawandikila mabunga mfungate ya wamzumile Kulisito mwe isi ya Asiya. Wedi na utondowazi kwa mabunga mfungate vikulaila kwa Chohile vitende nanyuwe, kwa uyo eyaho na endaga aho, na akunga eze, kulaila kwa myuye mfungate ikulongozi kwe chigoda chakwe cho uzumbe,

Ugubulo 12:11

Walukolo wetu wamhuda kwa nguvu ya sakame ya Mwanangoto na kwa ulosi waukule kwa viya hawatunyize wikazi wawo kugamba ni chintu, wemalanya kubanika.

Ugubulo 13:8

Wantu woseni wekazi wa mwe isi nawadifikile madi idyo, ukausa wadya mazina yawo yawandikwe kukongela kumbwa kwe isi mwe chitabu cho ujima cha Mwanangoto achinjigwe.

Ugubulo 14:1

Niyo nawona Lugulu lwa Sayuni na Mwanangoto kachimala mlanga mwake, hamwenga naye nana wantu laki imwenga magana mane milongo mine elufu wadya idizina dya mwanangoto ne idizina dya Tati ywakwe nendile yawandikwa mwe vinengo vyawo.

Ugubulo 17:14

Nawatowane na Mwanangoto, mna Mwanangoto hamwenga na wadya etange na kuwasagula awo wakanuni wakumtimila nawahude, kwaviya Mwanangoto ni Zumbe ywa mazumbe na Seuta ywa maseuta.”

Ugubulo 21:22

Siwone nyumba nkulu ya Chohile mo mzi uwo, kwaviya Zumbe Chohile Mkulu mta Udahi na yudya Mwanangoto weyumo hantu hakwe.

Ugubulo 21:23

Umzi udya haukunga zuwa hegu mnenge kuumulikila, kwaviya ukulu wa Chohile waumulikila, na Mwanangoto nuyo ita yakwe.

Ugubulo 22:1

Naho mndima ywa kwembingu kanilagisa mto wa mazi ya ujima, yakumweka saviya chelole, yakajuluzika kulaila kwe chigoda cha uzumbe cha Chohile na Mwanangoto.

Ugubulo 22:3

Hakutende na chintu chochose chiligitwe nachitende mo umzi uwo. Chigoda cho uzumbe cha Chohile na Mwanangoto navitende mo umzi na wandima wakwe nawamsankanile.

Ugubulo 4:8

Chila chumbe chimwenga mwe wadya wata ujima wane na mawawa mtandatu, yamemile meso hasi na mlanga mwakwe. Hawalekile kuchema chilo na msi. “Mkuka, mkuka, mkuka, Zumbe Chohile Mkulu mta Udahi, endaga eyaho, naho eyaho, naho akwiza.”

Ugubulo 5:11

Umo hakaula, niyo neva izwi dya wandima wa kwembingu walozize hewekuwazika! Wendile wekala kuzunguluka chigoda cho uzumbe, wadya vyumbe wata ujima wane na wadya wadalahala,

Ugubulo 5:12

na kulonga kwa izwi kulu, “Mwanangoto achinjigwe awagila kuhokela nguvu na ugoli na umanyi na udahi ntunyo na ukulu na ntogozi!”

Ugubulo 5:13

Niyo neva chila chumbe chi kwembingu na mwe isi na hasi heisi na kwe bahali, heye vyumbe vyose vimwe isi vyagamba vino, “Uyo ekale mwe chigoda cho uzumbe na Mwanangoto, ntogozi na ntunyo, na ukulu na udahi na uzumbe mazuwa yose”

Ugubulo 5:14

Vyumbe wata ujima wane niyo wagamba, “Taile!” Na wadya Wadalahala niyo wafika madi wakavika.

Ugubulo 6:16

Wakayagambila amagulu na mayuwe ayo, “Chigweleni nakuchifisa chisekuwonwa mwa meso ya yudya ekale mwe chigoda cho uzumbe na maya ya Mwanangoto!