Ugubulo 5:12 - Lagano hya

¹² na kulonga kwa izwi kulu, “Mwanangoto achinjigwe awagila kuhokela nguvu na ugoli na umanyi na udahi ntunyo na ukulu na ntogozi!”

Ugubulo 5:12 Iomraidhean Croise

Matayo 28:18

Akaheza Yesu niyo awasogeila, na awagamba, “Sinkigwa udahi wose wa kwembingu na mwe isi.

Yohana 1:29

Zuwa dikutimila, Yohana amwona Yesu akamwizila. Niyo agamba, “Yuno nuyo Mwanangoto ywa Chohile ikusa masa ya wantu we isi!

Yohana 17:2

Kwaviya nakumwinka udahi mwa wantu wose, chani awenke ujima wa mazuwa yose wadya wose umwinkile.

2 Wakolinto 8:9

Kwaviya, nyuwe mmanya mbazi za Zumbe dyetu Yesu Kulisito, uyo, hata hegu ana chila chintu, naketenda mchiwa kwachausa chenyu, chani kwa uchiwa wakwe, awenkeni ugoli.

1 Timoseo 1:17

Haluse kwa Seuta hena udumo, hekudaha kuwona ubanasi, hekuwoneka na Chohile ichedu hekubanika, uyo enkigwe ntunyo na ukuka mazuwa yose! Taile.

Ugubulo 1:6

naho kachitenda walavyantambiko wa useuta chani chimsankanile Chohile Tati yakwe, kwakwe Yesu Kulisito utende ukulu wa Chohile na nguvu unauyo mazuwa yose! Taile.

Ugubulo 13:8

Wantu woseni wekazi wa mwe isi nawadifikile madi idyo, ukausa wadya mazina yawo yawandikwe kukongela kumbwa kwe isi mwe chitabu cho ujima cha Mwanangoto achinjigwe.

Ugubulo 15:3

Nendile wakachema wila wa Musa mndima ywa Chohile, na wa Mwanangoto wakagamba, “Weye Zumbe Chohile Mkulu mta Udahi, ntendwa zako ni nkulu na za kwehela vitendese! Weye Seuta ywa si zose, sila zako zichuma naho ni chindedi!

Ugubulo 19:1

Vikaheza ivyo, neva lwasu lukulaila kwembingu enga lwasu lwa fyo kulu dya wantu dikagamba, “Zumbe atogolwe! Wambulwa na ukulu wakwe na nguvu ni vya Chohile ywetu!

Ugubulo 4:11

“Zumbe dyetu na Chohile! Wawagila kuhokela ukulu na ntunyo, na nguvu. Kwaviya kuumba vintu vyose, na kwa kunga kwako vintu vyose na vyumbwa naho viyaho.”

Ugubulo 5:13

Niyo neva chila chumbe chi kwembingu na mwe isi na hasi heisi na kwe bahali, heye vyumbe vyose vimwe isi vyagamba vino, “Uyo ekale mwe chigoda cho uzumbe na Mwanangoto, ntogozi na ntunyo, na ukulu na udahi na uzumbe mazuwa yose”

Ugubulo 5:6

Niyo nawona hadya hagati he chigoda cho uzumbe Mwana Ngoto kachimala, akazungulukwa chila ntende ni wadya vyumbe wane wata ujima na wadalahala. Uyo Mwana Ngoto kawoneka enga achinjigwe. Nendile ana mahembe mfungate, na meso mfungate, ziya zendile ni myuye mfungate ya Chohile yendaga igalwe chila hantu mwe si.

Ugubulo 5:8

Eze aguhe du chiya chitabu, wadya vyumbe wata ujima wane hamwenga na wadya wadalahala milongo midi na wane wafika madi kulongozi kwa Mwana Ngoto. Chila yumwenga ana chisindamgunda na mabakuli ya zahabu yamemile ubani, ayo ni malombezo ya wantu wa Chohile.

Ugubulo 5:9

Elo niyo wachema wila uno mhya, “Weye wawagila kuchiguha icho ichitabu nakuvugula mahula yakwe. Kwaviya weye wachinjagwa, na kwe isakame yako kumkombwela Chohile ywetu, wantu kulaila mwe chila kabila chila longa naho chila lukolo naho chila si,

Ugubulo 6:1

Niyo nawona Mwanangoto atula hula dimwenga mwa yadya mahula mfungate. Niyo neva yumwenga mwe wadya vyumbe wata ujima wane akagamba saviya izwi dya mbala “So!”

Ugubulo 7:12

wakagamba, “Taile! Ntogozi na ukulu na umanyi na hongezi na ntunyo na udahi na nguvu vitende na Chohile ywetu mazuwa yose! Taile!”