Ugubulo 3:15 - Lagano hya

¹⁵ Ntendwa zako zose sizimanya, simanya kugamba weye hwimoto naho hwimpeho. Nanivyedi hegu nawimoto du hegu na wimpeho du!

Ugubulo 3:15 Iomraidhean Croise

Matayo 10:37

“Akumuungisa tati yakwe hegu mami yakwe kujinka miye, hakuniwagila. Akumuungisa mwana chilume hegu mwana chiche kujinka miye hakuniwagila,

Matayo 24:12

Kwa chausa cha kujenyela kwa wihi, uungi wa wantu walozize nauhunguke.

Matayo 6:24

“Hahali akudaha kutenda mtumwa ywa mazumbe waidi, namwihiwe yumwenga nakumunga umtuhu, namtunye yumwenga nakubela umtuhu. Hamkudaha kusankanila woseni Chohile hamwenga na ugoli.

Walumi 12:11

Damanyisani ndima, msekulegela. Msankanileni Zumbe kwa moyo wose.

1Wakolinto 16:22

Yoyose hekumunga Zumbe aligitwe! Zumbe dyetu soo.

2 Wakolinto 12:20

Nogoha, ninase kuwabwilani mwe viya sikunga, nami navinunge nitende mwe viya hemkunga. Nogoha kwadaha kukalaila nkumbizi na finju na ulemanyi na uhigani na kulongana vihiye na kulongana kumpezo na kweduvya na lwasu mwenyu.

Wafilipi 1:9

Lombezo dyangu kwa Chohile nikugamba, ungi wenyu wongezekele mwe umanyi wa chindedi na kwivisa,

2 Wasesalonike 1:3

Walukolo chimhongeze Chohile mazuwa yose kwachausa chenyu. Vichiwagila kudamanya ivyo, kwa viya uzumizi wenyu wongezekela naho kungana kwenyu kongezekelesa.

Yakobo 1:8

kwaviya ni mta kutoza kaisi na kanyaile na mta kuhitukila mo lujendo lwakwe.

1 Petulo 1:22

Elo haluse kwa kwiva ichindedi nyuwe mlenguswa myuye yenyu na kuwaunga wenyu hemwina usongaganyi elo unganisanani kwa moyo wose.

Ugubulo 2:2

Simanya izintendwa zako zose, na kuhikiliza kwako na ujijimizi wako. Simanya kugamba hukudaha kwivana na wantu weihiye, na kugamba kuwabela wadya wakwetanga hambwe ni wasigilwa kumbe sawo, kubunkula kugamba ni wadanti.

Ugubulo 2:4

Mna nina ulosi na weye, kugamba kuleka ukunga kwako kwa nkongo.

Ugubulo 3:1

“Mwandikile vino mndima ywa kwembingu ywe dibunga dya wamzumile Kulisito uko Salidi, “Miye nina Myuye ya Chohile mfungate na ntondo mfungate. Nagamba vino ntendwa zako zose sizimanya. Simanya kumanyika kugamba wimjima, mna kubanika!

Ugubulo 3:16

Mna kwaviya wiluvuguvugu, hwimoto hegu mpeho, nihaguhi na kukutahika kulaila mo mlomo wangu!