Matayo 5:9 - Lagano hya

⁹ Chinyemi china waivanyi, kwaviya nawetangwe wana wa Chohile.

Matayo 5:9 Iomraidhean Croise

Matayo 5:45

chani mkatende wana wa Tate ywa kwembingu. Kwaviya alangaziza zuwa dyakwe kwa wantu wavu na wantu wedi, naho anyesa fula kwa wadya wakuwoneka wedi na hewekuwagila.

Matayo 5:48

Mwaungwa mchinte, saviya Tati yenyu wa kwembingu achintile!

Luka 20:36

Naho hawabanike vituhu, kwa viya na watende saviya wandima wa kwembingu, na watende wana Chohile. Kwa viya wauyuka.

Luka 6:35

Mna nyuwe waungeni wankondo wenyu naho wadamanyizeni yedi, wakopesheni naho msekwika fanyanyi za kuvuzizwa. Mkaheza namwinkigwe jeleko kulu, na mtende chindedi wana wa Chohile Mkulu ywa kwembingu Kwaviya uyo ni ywedi kwa wantu wehiye hewena ntogozi.

Ntendwa 7:26

Zuwa ditimile awona Waizulaeli waidi watowana, niyo ajeza kuwalamwila na kuwagamba, ‘Wagosi tegelezani, nyuwe mwi wamwe, ni mbwani mkudamanyizana yehiye?’

Walumi 12:18

Damanyani chila chikudahika mwenyu kutenda na utondowazi kwa chila mntu.

Walumi 8:14

Elo wadya wakulongozwa ni Muye wa Chohile ni wana wa Chohile.

Walumi 8:16

Muye wa Chohile aukula nemyuye yetu kugamba suwe chi wana wa Chohile.

Walumi 8:19

Elo vyumbe vyoseni vyagoja wana Chohile wagubulwe.

1Wakolinto 6:6

Mna mwalahana, mlukolo na mlukolo naho walamuzi nawo hawezumile.

2 Wakolinto 13:11

Hakomeleza, walukolo, mwikale mpeho, mchume, tozani milosi yangu, mtende wamwenga, ikalani kwa utondowazi. Chohile ywa ungi na utondowazi na atende hamwega na nyuwe.

2 Wakolinto 5:20

Elo, suwe chachimala kumlongela Kulisito. Chohile naye mwenye achijeseza suwe kuwalombezani nyuwe. Chawalombezani kwa hantu ha Kulisito, mwivanywe na Chohile.

Wagalatiya 5:22

Mna ulailo wa kulongozwa ni Muye Akukile ni ungi, chinyemi na utondowazi na ujijimizi chisekwesekwe na wedi na uzumizi,

Waefeso 4:1

Elo, miye mfungwa kwaviya namdamanyiza Zumbe, naweilani mwikale wikazi ukuligana nevyo mwitangilwe.

Wafilipi 4:2

Naweilani nyuwe Euodiya na Sintike mwikale mwe wivano mwa Zumbe.

Wakolosai 3:13

Jijimizanani naho mlekeilane uneva yumwenga ywenyu ana mbuli yoyose mwa mnyawe. Mwaugwa mlekeilane saviya Zumbe awalekeileni.

Waebulaniya 12:14

Hikilizani mwikale mwe utondowazi na wantu wose, naho mwikale mwe ukuka, kwaviya hahana mntu namwone Zumbe hena wikazi sauwo.