3 Yohana 1:11 - Lagano hya

¹¹ Mbuyangu, use kwigiliza wihi, mna wigilize wedi. Mntu akudamanya yedi ni ywa Chohile, akudamanya yehiye hammanyize Chohile.

3 Yohana 1:11 Iomraidhean Croise

Yohana 10:27

Ngoto zangu zategeleza izwi dyangu, miye sizimanya, nazo zanitimila.

Yohana 12:26

Akunga anisankanile aungwa anitimile, ivyo nuko kugamba hohose hadya na nitendeke miye naho no mndima ywangu natende. Na Tate namtunye mntu yoyose akunisankanila.

Yohana 3:20

Chila yumwe akudamanya wavu ehiwa ung'azi naho haunge kwiza ko ung'azi, kwaviya hakunga wavu wakwe ulangazwe.

1Wakolinto 11:1

Nitimilani miye saviya humtimila Kulisito.

1Wakolinto 4:16

Ivyo, nawalombezesani mnitimile viya hudamanya.

Waefeso 5:1

Ivyo, mtimilizeni Chohile, kwaviya nyuwe mwi wanawe akunga.

Wafilipi 3:17

Walukolo weyangu timilani mligano wangu. Chiwenkani mligano wedi, ivyo wategelezeni wadya wakwikala na kutimila mligano uwo chiwenkileni.

1 Wasesalonike 1:6

Nyuwe namtimila mligano wetu, niyo mwamtimila Zumbe. Hata hegu namsulumizwa vidala, muuhokela ulosi wa Chohile kwa chinyemi chikulaila kwa Muye Ukukile.

1 Wasesalonike 2:14

Walukolo, mbuli iziya ziwalaile nyuwe nizo ziyalaile amabunga ya wamzumile Chohile ya Yudeya ya kulungana Yesu Kulisito, nizo ziwalaileni nyuwe nanywi. Kwaviya nyuwe msulumizwa ni wikazi wenyu saviya wowo wasulumizwe ni weyawe Wayahudi.

2 Timoseo 3:10

Mna weye kutimila mahinyo yangu na lujendo lwangu na viya hunga mo wikazi wangu na uzumizi wangu na ujijimizi wangu na kunga kwangu na kugoja kwangu,

Waebulaniya 6:12

Ivyo msekuhitukila kutenda wabwa, mna mtimile mliganyo wa wadya wakuzumila na kujijimiza. Kwe sila iyo wahokela yadya Chohile alongaga.

1 Petulo 3:11

Aleke yehiye, na adamanye yedi, Alonde utondowazi kwa moyo wakwe wose.

1 Petulo 3:13

Ni yuhi akudaha kuwalumiza uneva mwahikiliza kudamanya yedi?

1 Yohana 2:29

Mmanya kugamba Kulisito amuwagila Chohile vitendese, iviya mwaungwa mmanye kugamba chila mntu akudamanya mbuli zedi natenda mwana ywa Chohile.

1 Yohana 3:10

Mna yoyose hekudamanya mbuli zedi, hegu hekumunga mlukolo ywakwe, uyo suyo mwana ywa Chohile. Uko nuko kwesimana kwa wana wa Chohile na wana yudya Mwavu.

1 Yohana 4:1

Wambuya zangu msekumzumila chila mntu akugamba alongozwa ni Muye wa Chohile, mna mjezeni muone hegu mntu uyo alongozwa ni Muye wa Chohile hegu bule, kwaviya kuna wawoni wadanti walozize mwe isi.