1Wakolinto 9:21 - Lagano hya

²¹ Kwa wadya hewena Sigilizi, nekala saviya wowo, saviya sina Sigilizi, chani niwapate hewena Sigilizi. Kuno suko kugamba miye sikutongela Sigilizi ya Chohile, kwaviya natongela Sigilizi za Kulisito.

1Wakolinto 9:21 Iomraidhean Croise

Ntendwa 15:28

Muye Ukukile na suwe chizumila chisekuwenkani mzigo mtuhu wowose kujinka vino vikungwa,

Ntendwa 16:4

Umo wakatamba kujinka mwemizi, wawagambila wazumile sigilizi zisigilwe ni wasigilwa na wadalahala uko Yelusalemu nakuwagamba watoze isigilizi.

Ntendwa 21:25

Mna kwa sawo Wayahudi wazumile, chiwegaila mawandiko kuwagambila chiviwona wasekudya nkande yoyose ilavigwe majeleko kwe matukulu, hegu sakame yoyose, hegu nyama yoyose ihogotolwe, naho wasekudamanya uchilanga.”

Walumi 2:12

Wadya wakudamanya masa hehena Sigilizi Chohile amwinkile Musa, nawage hehena Sigilizi. Wadya wakudamanya masa kuno walongozwa ni Sigilizi ya Chohile amwinkile Musa nawakantilwe ni Sigilizi.

Walumi 2:14

Uneva wantu sawo Wayahudi hewena Sigilizi Chohile amwinkile Musa, mna wakadamanya vikulongozwa ni myoyo yawo ni sigilizi kwawo hata hegu hahana Sigilizi.

Walumi 7:22

Moyo wangu waibweda sigilizi ya Chohile.

Walumi 7:25

Chohile atogolwe, adamanye vino kombokela Zumbe Yesu Kulisito! Elo, miye umanyi wangu watimila sigilizi ya Chohile, mna umwili wangu watimila sigilizi ya masa.

Walumi 8:4

Chohile kadamanya ivyo chani viya Sigilizi ikunga viwagile vitimilwe vichinte mndani mwetu suwe chikwikala kuligana na Muye Ukukile, mna suko kuligana na mwili una masa.

Wagalatiya 3:2

Naunga nimanye chintu chimwenga du kwenyu. Togolani, namhokela Muye wa Chohile kwa chausa cha kudamanya vikungwa ni Sigilizi idya Chohile amwinkile Musa, hegu kwa chausa cha kuiva na kuizumila Mbuli Yedi?

Wagalatiya 6:2

Ambizanani, mwe ivyo mwaichintiza sigilizi ya Kulisito.

Waebulaniya 8:10

Zumbe agamba dino nidyo lagano nanidamanye na wantu wa mwenyumba ya Izulaeli, mwa mazuwa yakwiza. Nanike Sigilizi zangu mwe zifanyanyi zawo, na kuziwandika mwe myoyo yawo. Miye na nitende Chohile ywawo, nawo nawatende wantu wangu.