San Lucas 8:10 - Zoque Copainalá New Testament

¹⁰ Y Jesús nʌmu: Diojsismij nyajmustamba mij te' jayajqueyapʌ tiyʌta'm winata'mbʌ tiempo'ojmo, te' chambapʌ's jutz aŋgui'mba ñe'cʌ. Pero te' eyata'mbʌ pʌn ndzamjayajpa'ʌs comparacioŋbit. Te'cotoya ñempe quieña, ja'n quie'nʌyay, y ñempe myatoŋya, ja'n ñʌctʌ'yay.

San Lucas 8:10 Iomraidhean Croise

San Marcos 4:11

Y Jesujsis ñʌjayaju: Diojsismij nyajmustamba te' jayajqueyapʌ tiyʌta'm winata'mbʌ tiempo'ojmo, te' chambapʌ's jutz aŋgui'mba ñe'cʌ. Pero te' eyata'mbʌ pʌngotoya mumu ʌs ndzamba comparacioŋbit.

San Mateo 11:25

Te' aŋsʌ'ŋoyjtyijque' 'yoto'ŋʌyu Jesujsis te' Dios, y nʌmu: Tatay, tzajpis y najsacopajquis Quiomi, mʌja'ŋwʌcotzamba'ʌsmij porque ŋgʌwʌ'numis yʌ'šejta'mbʌ tiyʌ wa'y jana ñʌctʌ'yaju te' mujsoye's y nʌctʌ'yoye's, y nyajnʌctʌ'yajumis te' ja'n myujsoyapyʌ.

Colosenses 2:2

Te'še'ʌj nʌ nwa'coyu porque sunba'ʌs wa'mij Diojsis mbyʌmitzi'tamu ndzoco'yojmo y wa'mis tumʌtzocoy našunʌtʌjtamu ne'co'mo. Y sungue'tpa'ʌs wa'y pyocspajcu mista'm ŋguipsoquiuy y nʌctʌ'yoquiuy wa'mis ispʌctamu oye te' Cristo. Y te'šejmis maŋba mustamu tiyʌte' te' tʌ Ndata Diojsis jayajqueyapʌ tiyʌ wina. Te'wʌte' te' Cristo.

Romanos 16:25

Wʌcotzamda'mitʌy Dios, te' muspapʌ'smij mbyaquitzi'tamu te' evangeliopit, te' yajmuspapʌ'stʌ Cristo. Ndzamgopuŋbatʌs yʌ' evangelio cʌwʌ'nupʌ inʌc ya'acta'mbʌ aŋsʌ'ŋojmo.

San Mateo 16:17

Pijche'ca aŋdzoŋu Jesús y ñʌjayu: Dichoso mij Simón, Jonajsis 'yune, porque jayajquenamij pʌ'nista'm yʌ'šej, sino que tzajpojmo ijtupʌ ʌs Ndata Diojsis.

1 Timoteo 3:16

Tiene que wa'ytyʌ ndzamu que mʌja'ŋbʌte' te' nʌtʌ nwʌ'aŋjamdamupʌ, te' Diojsis jayajqueyapʌ cʌtʌquiajupʌ aŋsʌ'ŋojmo. Yʌ'šejte' tujcu: Minu yajqueju Diojsis te' Cristo pʌnšej, Y chamu que justopʌte' Espíritu Santopit. Y quieñaju ñe'cʌ angelejsista'm. Chamgopuŋyajwa'a pʌ'nista'm te' nacio'ŋojmota'm. Wyʌ'aŋjamyajwa'a najsacopajcʌsita'mbʌ's. Y yajmʌja'ŋajwa'a Diojsis tzajpojmo.

1 Corintios 12:11

Pero chi'pa te' mismopʌ Espíritu Santo's mumu yʌ'šejta'mbʌ tiyʌ, y wye'nbʌ'japya tumduma'ŋbʌn jutz šunbašej ñe'cʌ's.

San Juan 12:40

Diojsis jyajsaŋga'mjayaju wyitʌm, y yajnuyu'ajayaju chocoy, Wa'ytyij jana quieñaju wyitʌmbit y uy ñʌctʌ'yaju choco'yojmo, Wa'yʌj cʌwitu'ʌyaju ʌj, wa'yʌs nyajcotzoquiaju.

San Marcos 4:12

Te'cotoya ñempe quieña, ja'n quie'nʌyay y ñempe myatoŋya, ja'n ñʌctʌ'yay wa'y quiacpʌ'yaju chocoy wa'y quiotocoyaju quiowa.