San Lucas 3:16 - Zoque Copainalá New Testament

¹⁶ Jua'ŋis 'yaŋdzoŋyaju mumu te' ijtyajuše'ŋ tey: Wiyuŋšej nʌ'ʌsmij nyajnʌ'yʌytyamu nʌ'pit. Pero nʌ minu más mʌja'ŋbʌ que ja'n ʌj, y myasa'najcupyit ja'n pyʌqui ni wa'yʌs mbu'pʌ'jayu wyacasnaca tzay. Ñe'cʌ'smij maŋba nyajnʌ'yʌytyamu Espíritu Santopit wa'y pya'jayu mista'm ndzocoy.

San Lucas 3:16 Iomraidhean Croise

Hechos 1:5

Porque wiyuŋšej, Juan yajnʌ'yʌ'oyu nʌ'pit, pero mijta'm maŋbamij ñʌ'yʌytyamu Espíritu Santopit yʌ'ta'mbʌ jamo'oyj.

San Mateo 3:11

Wiyuŋšej nʌ'ʌsmij nyajnʌ'yʌytyamu nʌ'pit wa'mij ŋguipswitu'tamu. Pero ʌs ucaŋgʌ'mʌc nʌ minu más mʌja'ŋbʌ que ja'n ʌj. Y myasa'najcupyit ja'n pyʌqui ni wa'yʌs nʌmaŋjayu wyacasnaca. Ñe'cʌ'smij maŋba nyajnʌ'yʌytyamu Espíritu Santopit wa'y pya'jayu mista'm ndzocoy.

San Juan 1:33

Y ʌs ja'ʌs inʌc musi juca Mesiaste'. Pero cʌ'weju'ʌj Diojsis wa'yʌj minu nyajnʌ'yʌ'oyu nʌ'pit, y ñe'cʌ'sʌj nʌjayu: Iwʌcʌsi mis ŋguenba nʌ wyanajcu Espíritu Santo y pocspacpa ñe'cʌcʌsi, te'wʌte' yajnʌ'yʌ'opya Espíritu Santopit.

San Juan 1:26

Jua'ŋis 'yaŋdzoŋyajque'tu: Ʌj yajnʌ'yʌ'opya'ʌj nʌ'pit, pero mista'm ŋgucmʌ ijtu tumʌ pʌn mis ja'n ispʌctamepʌ.

1 Corintios 12:13

Porque te' tumʌpʌ Espiritupit tumʌpʌ cuerpo'ajtamutʌ mumu, jujcha' nʌ'yʌ'oquiu'yojmošej, juca judío o juca griego, juca coyospapʌ o librepʌ. Y mumu tʌ jo'ʌytyamu te' tumʌpʌ Espíritu Santo's.

Hechos 2:33

Te'šej jeque, yajmʌja'ŋaju Diojsis ñe' chʌ'na'ŋojmoc. Y Jesujsis pyʌjcʌchoŋu te' Espíritu Santo, Tyata's chamdzi'ušej, y quiʌ'weju yʌ' yʌtijmis nʌ ŋguendamupʌ y matoŋdamupʌ.

San Juan 7:38

Iwʌ'sʌj wʌ'aŋjamba ʌj, te'wʌ's choco'yojmoc maŋba wyomjojcʌtʌjcu mʌja nʌ'šej te' iscuy-quenguy. Te'šej chamba te' Totojaye's.

Hechos 10:44

Yʌ'šejta'mbʌ tzametij nʌ chamu'c Pedro's, wʌwʌ pʌ'nis inʌc nʌ quiʌmato'ŋʌyu te' evangelio. Y wanajcu ñe'cʌcʌsita'm te' Espíritu Santo.

San Mateo 3:12

Quiʌ'ojmo ñʌ'ijtu te' trigo-cosu'oquiuy yajcowajpapʌpit ñe' yojsaŋ. Maŋba yajtu'mʌyu te' trigo ñe' troja'ojmo y maŋba pyoŋbʌ'jayu te' šo'c ja'n tyu'ipʌ jucʌtʌjcojmo.

San Juan 1:27

Yʌ'wʌte' te' nʌ minupʌ ʌs ucaŋgʌ'mʌc, pero más mʌja'ŋbʌte' que ja'n ʌj. Y myasa'najcupyit ja'n pyʌqui ni wa'yʌs mbu'pʌ'jayu wyacasnaca tzay.