San Lucas 12:4 - Zoque Copainalá New Testament

⁴ Amigota'm, ʌsmij nʌjaytyamba: Uy na'tztame yajca'jayajpapʌ's mista'm ŋgüerpo, y jʌsa'ca ja'namij yajtiyʌ musi ñchʌcjatʌjtamu.

San Lucas 12:4 Iomraidhean Croise

San Mateo 10:28

Uy na'tztame yajca'jayajpapʌ's mista'm ŋgüerpo, pero mista'm ŋguenguy ja'n musi yajʌcʌ'jayaju. Pero na'tztamʌ muspapʌ'smij ñdyʌŋdʌjcʌytyamu infierno'ojmo maŋbamʌy tyocoyu mis ŋgüerpo y mis ŋguenguy.

El Apocalipsis 2:10

Pero uy na'tztame te' maŋbamis ŋguendamupʌ toya. Yʌtij jeque te' diablo's maŋba yajsomatʌju iwʌjutiwʌ mi'ojmota'mbʌ wa'mij ñchʌjquisatʌjtamu toyapʌjcu'yojmo. Y majca'y jamamij maŋba nyacsnutzʌcʌtʌjtamu. Paquic ittamʌ nwʌ'aŋjamgu'yojmo hasta que ŋguia'tambamij, y ʌsmij maŋba ndzi'tamu jujcha' corona te' iscuy-quenguy wa'yʌsmij nyajmʌja'ŋajtamu.

Filipenses 1:28

Y umis na'tztamu te' qui'nišajpapʌ's te' evangelio. Te'šej qui'nisoyajpapʌ's yajquejyajpa que maŋbapʌte' tyocoyaju. Y mijta'm maŋbamij ŋguiotzojcoctuctamu. Pero yʌ' cotzojcuy Diojsiste' maŋba chʌjcu.

1 Pedro 3:14

Pero juca jowi'cšejmis ŋguendamba toya nʌ'cmis ndzʌctamu oyeta'mbʌ tiyʌ, dichosota'm mij Diojsis wyi'naŋdʌjqui. Te'cotoya uy pʌcjaytyame maya'cuy ni uy na'tztame juca ñchamna'tzʌtʌjtambamij yempe'iwʌpʌ pʌ'nista'm.

Santiago 2:23

Y te'šej tujcu chambašej te' Totojaye's: Wyʌ'aŋjamu Dios te' Abraha'ŋis y te' wyʌ'aŋja'moquiupyit ñʌcma'yʌyu justopʌšej Diojsis y ñʌjayu: Yʌtij mijte' te' ʌs amigo.

Hechos 20:24

Pero yajtiyʌ'ʌs ja'n ndzʌcjay cuenta ni ja'ʌs ndo'ya'ŋʌy ne' nwin, wa'ytyi'ʌs ndumʌtzocoy y oma'oma nyajcopujtu yʌ' tzamgopuŋguy y yʌ' yoscuy tʌ Ngomi Jesujsisʌj tzi'upʌ wa'yʌs ndzʌcta'nu. Te'wʌte' wa'yʌs ŋgotestigosaju te' evangelio Diojsis yajya'moquiuyji'ŋbʌ.

Hechos 4:13

Pijche'ca quieñaju que ja'n inʌc ña'chay te' Pedro ni te' Juan, y myujšajpa inʌc que ja'nde' inʌc toto-tayuta'm, iwʌjana'iwʌta'mdijte' inʌc, y maya'yaju. Y ispʌquiatʌju que tiju wyijtyaju Jesusji'ŋ.

San Juan 15:13

Juca ŋgoca'yajpatʌ amigota'm te'šejtʌ nyajquejpa que wiyuŋšejtʌ su'nopya.