San Juan 5:3 - Zoque Copainalá New Testament

³ Y yʌ' setzecʌsita'm yecnayaju inʌc sone ca'eta'mbʌ, to'tita'mbʌ, mʌ'ŋga'ŋyajpawʌ y tʌtzta'mbʌ. Nʌ inʌc jyo'quiaju mumu yʌ'ta'mbʌ's wa'y myi'csu te' nʌ'.

San Juan 5:3 Iomraidhean Croise

San Lucas 7:22

Y aŋdzoŋu Jesús y ñʌjayaju: Ma tzamjaytyamʌ te' Juan tiyʌ mis nʌ ŋguendamu y tiyʌ mis nʌ matoŋdamu. Nʌ šʌ'ŋyaju te' to'tita'mbʌ's wyitʌm. Nʌ quia'ŋyaju oye te' mʌ'ŋyajpapʌ. Nʌ quiowajyaju te' yatziputzi'ʌyajupʌ. Y nʌ 'yaŋwajyaju quiowi cowita'mbʌ'sñe'. Nʌ wyinsa'yaju te' ca'yajupʌ, y nʌ chamgopuŋjayatʌju te' evangelio te' yacsnu'ajcu'yojmo ijtyajupʌ.

San Mateo 15:30

Y quiʌnu'cʌyaju wʌwʌ pʌ'nis ñʌmiñajupʌ's mʌ'ŋyajpawʌ, to'tita'mbʌ, umata'mbʌ, wi'cšajupʌ, y wʌwʌ eyata'mbʌ ca'cuyji'ŋbʌ. Y quiojtyatʌju Jesujsis ñe'ŋbajcaŋi, y yajtzocpʌ'yaju.

Santiago 5:7

Te'cotoya atzita'm, nʌ'ittamʌ paciencia hasta que minba tʌ Ngomi. Ñʌmaŋba paciencia camayospapʌ pʌ'nis jyo'cjapya'c te' cama's tyʌm. Y te'wʌ's peque'cñayu'c jyo'cpa te' winapʌ y jʌsa'cpʌ tuj yajtʌ'majpapʌ's te' cama.

Romanos 8:25

Pero juca te' jañʌ'itʌpʌ tiyʌtʌ njo'cpa, pacienciapittʌ njo'cpa.

San Mateo 4:24

Y copuŋu te' ñe' chamʌtʌjcuy mumu te' Siria-najsojmo. Y ñʌminbʌ'jayaju jujche'ŋ ca'eta'mbʌ, wi'ni eyata'mbʌ ca'cu'yis nʌ inʌc yajtoyapʌquiajuwʌ, y ñʌc'ijtʌyajupʌ yatziwʌ's, tu'yajpapʌ y wocšijta'mbʌ, y yajtzoquiaju mumu Jesujsis.

San Juan 5:2

Y Jerusale'ŋojmo ijtu inʌc tanque tomemʌy ñchowambe'sta'm tyʌjcʌquiuy, judio-otowe'ojmo ñʌjayajpapʌ inʌc Betesda, quiʌne'ŋupʌ mosa'pyʌ setze's.

San Juan 5:4

Porque nu'cpa'c aŋsʌŋ wanacpa inʌc ángeles y yajmi'cspa inʌc te' nʌ' te' tanque'ojmo. Iwʌ wina tʌjcʌpya nʌ'c myi'csu te' nʌ', tzocpa inʌc wempe jutzpʌ ca'cuy.