San Juan 3:21 - Zoque Copainalá New Testament

²¹ Pero iwʌ's chʌcpa wiyuŋda'mbʌ tiyʌ ca'ŋdʌjcʌpya sʌ'ŋgʌ'ojmo wa'y myusjayaju chʌqui pʌ'nista'm que Diojsiste' nʌ quiotzoŋu.

San Juan 3:21 Iomraidhean Croise

1 Juan 1:6

Juca nʌmdambatʌ que tumʌquipstambatʌ Diosji'ŋ, y witpatʌ tocoquiu'yojmo, nʌtʌte' ŋga'ŋdzactamu, te' wiyuŋbʌ tiyʌ y sutztambatʌ.

3 Juan 1:11

Tʌwʌy, uy tzʌqui chʌquiajpašej yatzita'mbʌ's, sino que tzʌcʌ oyeta'mbʌ pʌ'nis chʌquiajpašej. Te' chʌcpapʌ's oyeta'mbʌ tiyʌ Diojsiste'ñe', pero te' chʌcpapʌ's yatzita'mbʌ tiyʌ ja'n ispʌqui Dios.

Efesios 5:9

(Porque juca ñdyu'ŋajtambamij sʌ'ŋgʌ'ojmo, maŋbamis ŋgo'ŋdamu wʌpʌ-pʌ'najcuy y justo'ajcuy y maŋbamij nwyiyuŋdzamdamu.)

Filipenses 2:13

Y Diojsis pyaquitzi'japya mista'm ndzocoy wa'mis sundamu oyeta'mbʌ tiyʌ, y wa'mis ndzʌctamu šunbašej ñe'cʌ's.

Gálatas 6:8

Iwʌ's chʌcpa ñe' yatzipʌ wyi'nis šunbašej, tyocoquiuytye' nʌ ñimejcʌyu te'šejpʌ wyi'nis chʌquipit. Pero iwʌ's chʌcpa te' Espíritu Santo's šunbašej maŋba pyʌjcʌchoŋu ja'n yayepʌ quenguy te' Espiritupit.

1 Pedro 1:22

Y te' Espíritu Santo's yajcowajayu mista'm ndzocoy wa'mis mato'ŋoyjaytyamu Diojsis wiyuŋbʌ chame. Te'cotoya tumʌtzocoy našunʌtʌjtamʌ ne'co'mo y tzʌcjaytyamʌ bien mista'm atzi wiyuŋšejpʌ y yo'capʌ ndzocopyit.

Hebreos 13:21

Sunba'ʌs wa'mij nyajtziŋi'ajtamu Diojsis, wa'mis ndzʌctamu mumu oyeta'mbʌ tiyʌ šunbašej ñe'cʌ's. Y wa'y yajcota'njayu mista'm ndzoco'yo'c nʌctʌ'yoquiuy Jesucristopit wa'mis nyajtzocopyactamu Dios. Y ma'ndʌ nwʌcotzamjojcʌtʌctamu ñe'cʌ. Amén.

Colosenses 1:29

Te'cotoya nʌ'ʌj je'ecaju-co'ŋaju nyojsu porque Cristo'sʌj maya'aŋ pʌmitzi'pa wa'yʌj te'šej nyojsu.

Filipenses 1:11

Y Jesucristo maŋba itjojcʌtʌjcu mista'm ndzoco'yojmo wa'mij ñdyu'ŋajtamu mumu jama masa'najcu'yojmo. Te'šejmis maŋba nyajquejaytyamu Diojsis myʌja'ŋajcuy, y maŋbamis nwʌcotzamdamu.

San Juan 5:39

Ndacsoctu'ndambamis te' Totojayeta'm porque nwʌ'aŋjamdambamis que te'wʌcʌsi mba'ttambamis te' ja'n yayepʌ quenguy. Te'wʌ'sʌjte' cotestigosajyajpa ʌj,

San Juan 1:47

Quienu'ctij Jesujsis que nʌ inʌc quiʌ'minu Natanae'lis, chamjayu wyʌpʌpʌ'najcuy: Quena, yʌy nʌ minu tumʌ wiyuŋšejpʌ Israel-pʌn. Yʌ'wʌ ja'n 'yaŋgoma'cʌ'oy.

2 Corintios 1:12

Pero ne'cʌtijtʌs nwʌcotzamba nwin, porque cotestigosajpatʌj ne' ndzoco'yis que tu'ŋajutʌj eyata'mbʌ pʌ'nojmo masa'najcu'yojmo y wiyu'ŋajcu'yojmo Diojsistʌj tzi'upʌ, y nimeque mi'ojmota'm. Tu'ŋajutʌj ja'nde' pʌ'nis myujsoquiupyit sino que Diojsis yajya'moquiupyit.

1 Corintios 15:10

Pero Diojsis yajya'moquiu'yisʌj tzʌjcu yʌti'ʌj ijtušej, y jaquiomeque'ʌj yajyamʌ. Pero ʌj masa'mʌj yojsu que ja'n mumu ñe'cʌta'm, pero ja'nde' ʌj sino que te' Diojsis yajya'moquiuy ʌji'ŋ ijtupʌ.

El Apocalipsis 3:15

Tzamjaquie'ta que muspa'ʌs tiyʌta'm mis ndzʌctamba: Ni ja'nmij nwyitu'tame wa'mis ndzactamu mis nwʌ'aŋja'moquiuy ni ja'nmij ñdyu'ŋa'a'ŋʌy wa'mis a'ŋʌytyamu mis nwʌ'aŋja'moquiuy. Más inʌc oye juca nwyitu'tampapʌmijte', witu'tamʌ, y juca ñdyu'ŋajtambapʌmijte' tu'ŋa'a'ŋʌytyamʌ.

San Juan 3:20

Porque iwʌ's chʌcpa ja'n 'yoyeta'mbʌ tiyʌ, ja'n šuni te' sʌ'ŋgʌ' ni ja'n quia'ŋdʌjcʌy sʌ'ŋgʌ'ojmo uy quiʌme'tzjayu chʌqui sʌ'ŋgʌ's.

San Juan 7:17

Iwʌ's sunba chʌjcu šunbašej Diojsis, maŋba ñʌctʌ'yjayu ʌs aŋma'yoquiuy juca Diojsiste'ñe' o juca ʌste'ne' ŋgo'quips ndzamba.