San Juan 21:16 - Zoque Copainalá New Testament

¹⁶ Chamwʌtzʌcjaquie'tu myetza naco'mo Jesujsis: Simón, Jonajsis 'yune, ¿sunbaja'ʌj? 'Yaŋdzoŋgue'tu Pedro's: Jʌ'ʌ, Señor, muspatijmis que sunba'ʌsmij. Ñʌjaquie'tu Jesujsis: Pʌ'nʌyjaya ʌs ñchowambeta'm, porque ñchowambeše'ʌs ujchajpa te' wʌ'aŋjamyajpapʌ'sʌj.

San Juan 21:16 Iomraidhean Croise

Hechos 20:28

Te'cotoya coquendamʌ ne' nwin y mumu wʌ'aŋja'moye-tu'mʌquiuy te' Espíritu Santo'smij ŋguiottamumʌy jujcha' coque'nopyapʌ. Aŋmayjaytyamʌ te' Diojsis tyu'mʌquiuy, te' jyuyupʌ ñe' ñʌ'pinbit.

1 Pedro 5:2

Mijta'm ancianota'm, nwa'cjaytyamba'ʌsmij wa'mis ŋgoquenjaytyamu oye'c te' Diojsis tyu'mʌquiuy. Sa'sa'c yajtu'ŋajtamʌ porque ñchowambešejta'm Diojsis wyi'naŋdʌjqui. Umij ya'iwʌ's ñchi'tamu pena yʌ'šejpʌ yoscu'yojmo sino que ndumʌtzocoy ne'ta'm su'noquiupyit wa'mis ndzʌctamu, y ja'n wa'mij jyepecoyowatʌjtamu'ŋmʌjcʌ sino que mista'm ndzoco'yis wya'cpašej wa'mis ndzʌctamu.

1 Pedro 2:25

Wina tuŋdocoyajupʌ ñchowambešejta'm mij inʌc Diojsis wyi'naŋdʌjqui, pero yʌtij ŋgʌwitu'ʌytyamumis Cristo te' co'aŋgui'moye, ŋguioquendambapʌ'smij Diojsis wyi'naŋdʌjqui.

Hebreos 13:20

Diojsis yajwinsa'u tʌ Ngomi Jesucristo ca'yajupʌ'ojmoc. Yʌ'wʌte' te' mʌja'ŋbʌ ñchowambe-coque'noye, y ñe' ñʌ'pinbit tujcu te' ja'na yayepʌ trato. Yʌ' Dios, yajwinsa'upʌ's Jesús, yʌ'wʌ'ste' šajpa sʌ'mnaquiuy.

San Juan 18:25

Tepyʌ aŋgo'oyj jequete' inʌc tenayu Pedro nʌ šamumʌy. Y ñʌjayaju: ¿Y mij, ja'njamijyʌ' ñe' quiʌ'aŋmaye? Y nʌmu Pedro: Ja'nʌjyʌ'pit.

San Juan 18:17

Pijche'ca te' puerta-coquenbapʌ coyomo's ñʌjayu Pedro: ¿Ja'njamijyʌ' yʌ' pʌ'nis quiʌ'aŋmaye? Pedro nʌmu: Ja'nʌjyʌ'pit.

San Lucas 19:10

Porque ʌs, te' Pʌ'nis 'Yune's, minu'ʌs me'tzu wa'yʌs nyajcotzojcu te' tocoyajupʌ.

San Mateo 26:72

Y pijche'c Pedro's myetza naco'mo chambʌcjayu Diojsis ñʌy wa'ytyij ñʌmu: Ja'ʌs ŋgo'ispʌqui te' pʌn.

San Mateo 25:32

Y maŋba'ʌs nyajtu'mʌyatʌju ʌs nwi'naŋdʌjqui mumu naswindumʌ ijtyajupʌ pʌn. Y maŋba'ʌs mbiŋwe'ñaju oyeta'mbʌ, jujcha' coque'noye's pyiŋwe'nba quiopʌnda'm.

San Mateo 2:6

Y mij, Belén, Juda-najsojmopʌ, ja'n yʌ' más quiʌmaŋda'm mis cowi'nata'm que ja'nde' eyata'mbʌ co'aŋgui'moye yʌpyʌ najsoyj, Porque mi'ojmoc maŋba quieju te' aŋgui'mbapʌ. Y yʌ'wʌ's maŋba quioquenjayu ʌs mbʌnda'm, y yʌ'ta'mbʌte' te' Israel-pʌnda'm.

El Apocalipsis 7:17

porque te' Ñchowambe Jesucristo te' Diojsis 'yaŋgui'mʌtʌjcuy-pyocscu'yis wyi'naŋdʌjqui ijtupʌ, te'wʌ's maŋba quioqueñaju y ñʌmaŋyaju wombamʌy nʌ' yospapʌ ja'n yayepʌ quenguquiotoya. Pijche'c maŋba tyʌjtzu mumu pʌ'nis wyitʌm-nʌ'.

San Juan 21:17

Ñʌjaquie'tu Jesujsis tyuca'y ñaco'mo: Simón, Jonajsis 'yune, ¿sunbaja'ʌj? Tuyuquiʌñe'cu Pedro tyuca'y ñaco'ma' quiʌ'aŋwa'cu'ŋmʌjcʌ Jesujsis: ¿Sunbaja'ʌj? Aŋdzoŋgue'tu Pedro: Señor, bieŋdijmis muspa mumutiyʌ. Muspamis que sunba'ʌsmij. Ñʌjayu Jesujsis: Pʌ'nʌyjaya ʌs ñchowambeta'm ʌs ndzamepit.