San Juan 15:5 - Zoque Copainalá New Testament

⁵ Ʌjte' te' uva-a'ŋucu, y mijta'mde' te' aŋmaŋda'm. Iwʌ itjojcʌtʌcpa ʌs ndzoco'yojmo, y ʌj ñe' choco'yojmo, yʌ'wʌ jene maŋba tyʌ'maju. Pero iwʌ'sʌj ca'ŋdzacpa yajtiyʌ ja'n ñʌwʌ'ay.

San Juan 15:5 Iomraidhean Croise

Filipenses 4:13

Mumutiyʌ'ʌs muspa ndzʌjcu Cristoji'ŋ, porque ñe'cʌ'sʌj cotzoŋba.

Colosenses 1:10

Y nwa'que'tpatʌs Dioscʌsi wa'mij ñdyu'ŋajtamu pyʌcpašej wa'mis nyajtzocopyactamu tʌ Ngomi mumutiyʌcʌsi. Te'šej maŋbamis nyajwʌ'aŋjamyaju te' eyata'mbʌ pʌn mis oyeta'mbʌ ndzʌquipit y maŋbamis a'ŋʌyjojcʌtʌctamu mista'm Dioscʌsipʌ nʌctʌ'yoquiuy.

San Juan 15:16

Ja'nmisʌjte' mis ŋgopiŋdamu'ʌj sino que ʌsmijte' ŋgopiŋdamu mijta'm. Y ŋgottamu'ʌsmij wa'mis maŋu ndzʌcjaytyamu ʌs Ndata's yoscuy, y uy chaquiaju te' wʌ'aŋja'moquiuy jujche'ŋ wyʌ'aŋjamyajpapʌ's. Te'šejpʌ yoscuy ʌste' sunba. Y tiyʌta'm mis nwa'cjaytyamba ʌs Ndataj ʌs nʌquiʌsi, ñe'cʌ'smij maŋba ñchi'tamu.

Gálatas 5:22

Pero te' Espíritu Santopit našunʌtʌjtambatʌ, oma'oma y sʌ'mnayu'ctʌ ittamba. Nʌmaŋjayajpatʌ paciencia ndʌwʌ, itpatʌ wʌpʌ-pʌ'najcuy, to'ya'ŋʌ'oquiuy y ñempetiyʌcʌsitʌ nijamʌtʌjtamba.

2 Corintios 13:8

Tʌs ndzoco'yis ja'ndʌj tzaque wa'ytyʌs nʌquijpu wiyuŋbʌ tiyʌ sino que ŋgoquijpatʌs wiyuŋbʌ tiyʌ.

San Juan 5:19

Pijche'ca 'yaŋdzoŋyaju Jesujsis y ñʌjayaju: Wiyuŋše'ʌsmij nwiyuŋdzamjaytyamba: Ʌjte' te' 'Yune y ja'ʌs musi ndzʌjcu yajtiyʌ ne' su'noquiupyit, sino que ŋguengʌspʌcpa'ʌs Ndatajcʌsi. Porque tiyʌ chʌcpa ʌs Ndata's, te'še'ʌs ndzʌjque'tpa ʌs.

Santiago 1:17

Tʌ Ndata Diojsistʌ tzi'papʌ tiyʌ, oyeta'mbʌ tiyʌte'. Y ñe' chi'ʌtʌjcuy cota'nupʌ tiyʌte'. Te' Diojsis chʌquiajupʌ sʌ'ŋgʌ' ijtu tzi'muŋba'c y ijtu ja'n chi'muwi'c. Pero ñe'cʌ Diojsis ja'n quiʌcacpʌ'i quipsoquiuy ni ja'ndʌ toyjay yajtiyʌ.

2 Pedro 3:18

Tzʌcme'tzjojcʌtʌctamʌ wa'mis ispʌctamu oye'c te' yajcotzojcopyapʌ Ngomi Jesucristo, y tzʌcme'tztamʌ wa'y 'ya'ŋʌyu mista'm ndzoco'yojmo te' ñe' yajya'moquiuy. Mʌja'ŋgotzamda'mitʌy yʌtij tʌ Ngomi Jesucristo hasta que nu'cpa te' aŋsʌŋ ja'na yajujche'c yayepʌ. Amén.

San Juan 12:24

Wiyuŋše'ʌsmij nwiyuŋdzamjaytyamba juca te' trigo-puj ja'n quiuni najsojmo wa'y quia'u, ñaytyumʌ tzʌ'pya. Pero juca ca'apa, maŋba pyucsu wʌwʌ eyata'mbʌ tʌmbu.

Romanos 7:4

Te'šejtijque' mij atzita'm, porque ca'u Cristo ca'uwʌšejta'mamij, wa'mis jana mato'ŋoyjaytyame te' aŋgui'mguy. Te'cotoya ja'namij ittame aŋgui'mguquiʌ'mʌ, sino que Cristocʌ'mʌ, te' Diojsis yajwinsa'upʌ ca'yajupʌ'ojmoc, wa'mis nyosjaytyamu Dios.

Filipenses 1:11

Y Jesucristo maŋba itjojcʌtʌjcu mista'm ndzoco'yojmo wa'mij ñdyu'ŋajtamu mumu jama masa'najcu'yojmo. Te'šejmis maŋba nyajquejaytyamu Diojsis myʌja'ŋajcuy, y maŋbamis nwʌcotzamdamu.

San Juan 9:33

Juca inʌc ja'n Diojsis quiʌ'weju, ja'n inʌc musi chʌjcu yʌ'šejta'mbʌ tiyʌ.

Filipenses 4:17

Ja'nde' juca nʌ'ʌs sunu wa'misʌj ndzi'tamu yajya'moquiuy, sino que sunba'ʌs wa'y jyo'ʌyu mista'm ndzocoy Diojsis yajya'moquiupyit.

Romanos 6:22

Pero yʌtij ŋguiotzoctamumij te' cowa'ojmoc, y quioyosašejmij ñʌ'ittamba Diojsis. Nʌwʌ'ajtamumis porque te'wʌ'smij nyajmasa'najtamba, y ñe'cʌpit mba'ttambamis ja'n yayepʌ quenguy.

Hechos 4:12

Y eyawʌ's ja'ndʌ musi yajcotzojcu, porque na' ñe' ñʌquiʌsi cotzoquiajpa najsacopajcʌsita'mbʌ pʌn.

1 Corintios 12:12

Jujcha'nde' tʌ ŋgüerpo tumʌpʌtijte' y ijtu sone tiyʌta'm, y ñempe sone tiyʌta'm ijtu tʌ ŋgüerpo's, tumo'pyʌ cuerpote'. Te'šejtijque' te' Cristo's cuerpo.

1 Pedro 2:4

Jujcha' tʌctzʌcpapʌ's quiopiŋba tza', te'šej Diojsis quiopiŋu sa'sa aŋguinʌ jejcupʌ Tza' quenbapʌ. Wiyuŋšej pʌ'nista'm jašunʌ pyʌjcʌchoŋya. Yʌ'wʌte' te' Cristo wʌwʌ coyowapʌ tza'. Yajto'mʌytyamʌ mista'm ndzocoy ñe' wyi'naŋdʌjqui.

1 Corintios 12:27

Pues mijta'mde' te' Cristo's cuerpo, y tumduma'ŋbʌn te' cuerpo's tyiyʌ'iwʌ.

Efesios 5:9

(Porque juca ñdyu'ŋajtambamij sʌ'ŋgʌ'ojmo, maŋbamis ŋgo'ŋdamu wʌpʌ-pʌ'najcuy y justo'ajcuy y maŋbamij nwyiyuŋdzamdamu.)

2 Corintios 9:10

Te' Dios, chi'papʌ's tʌmbu te' maŋba ñijpupʌ, y sunba quiu'tupʌ chi'pa cu'tcuy, te'wʌ's maŋba chi'u y yajpucsjayu mista'm nipi, y maŋba yajwʌwa'jayu mis oyeta'mbʌ ndzʌqui mis nwʌ'ajcupyit.

Colosenses 1:6

Yʌ' evangelio nʌ tyʌjcʌyu entero najsacopac y wʌwʌ pʌ'nis nʌ wyʌ'aŋjamyaju jujcha' wina nu'cu mi'aŋʌta'm. Y wʌwʌ mi'ojmota'mbʌ's wyʌ'aŋjamyaju y quiacpʌ'yaju itcuy myatoŋyaju'c y ñʌctʌ'yaju'c oye jutzmij wiyuŋšej nyajyamdamu Diojsis.

Romanos 12:5

te'šej tʌta'm, jujche'ŋdʌ nwʌ'aŋjamdamba Cristo, wʌwʌta'mdʌ, pero tumʌpʌ cuerpošejtʌ, y tumduma'ŋbʌn yospa tiyʌ'iwʌcʌsi.

1 Corintios 10:16

Nʌjaytyamu'candʌ Dios yʌscotoya, mbʌcpatʌ te' nicomasa'nʌyupʌ vaso, ¿y ja'nsʌ'ŋdʌ nicomasa'nʌytyame muma'ŋgʌ'y Cristo's te' ñʌ'pinbit? Y nwe'nbʌ'tamu'candʌ te' pan y ŋgu'ttamu'candʌ muma'ŋgʌ'y, ¿ja'nsʌ'ŋdʌ nicomasa'nʌytyame muma'ŋgʌ'y Cristo's te' ñe' cuerpopit?

San Mateo 13:21

Pero te' choco'yojmo ja'n wyatzipʌqui te' tzame, uša'ŋ horacotoyatij wyʌ'aŋjamyajpa. Quiengʌ'yajpa'c toya o qui'nisoquiuy te' Diojsis chamecotoya, pijche'ctij ja'na šuñay, y chaquiajpa.