San Juan 13:5 - Zoque Copainalá New Testament

⁵ Y tyejcʌyu nʌ' cuyawo'mo, y tʌj te' quiʌ'aŋmaye, che'cʌ'yjayaju tʌs ne'ŋbac. Y quiomoctʌtzjayaju te' toallapit ši'nʌyupʌ inʌc ñe'cʌcʌsi.

San Juan 13:5 Iomraidhean Croise

San Lucas 7:44

Y quenwitu'u te' yomo'aŋi y ñʌjayu Simón: ¿Nʌja ŋguenu yʌ' yomo? Tʌjcʌyu'ʌj mis ndʌjcojmo, y jañchi'ʌmisʌj nʌ' wa'yʌs ndze'u ʌs ne'ŋbac, pero yʌ'wʌ's ñitiqui'ʌyjayu ʌs ne'ŋbac wyitʌm nʌ'pit y quiomocjawya'a wyapyit.

1 Timoteo 5:10

Y te' oyeta'mbʌ chʌquipit pyʌcpa wa'y wyʌcotzamyaju pʌ'nista'm juca yajtzojcu une, juca chi'oquia'u jejcuy, juca che'jayu masanbʌ'nista'm ñe'ŋbac, juca quiotzoŋu nʌ quienupʌ's toya, y juca chʌcjojcʌtʌcpa oyeta'mbʌ tiyʌ.

El Apocalipsis 7:14

Aŋdzoŋu'ʌs y nʌjayu'ʌs: Señor, bieŋdijmis muspa. Y te' anciano's nʌjayu'ʌj: Yʌ'ta'mbʌ pujtyajupʌyʌ' te' yacsnutzʌquiatʌjumʌy. Yʌ'ta'mbʌte' te' yajcotocoyatʌjupʌ y quiotze'yatʌjupʌ quiowapit Ñchowambe's ñʌ'pi'nojmo.

Hebreos 10:22

Ngʌnu'cʌytya'mitʌy Dios wa'ytyʌ oto'ŋʌyu tumʌtzocoy, wiyuŋšejpʌ wʌ'aŋjamgupyit, cowajupʌ ndzocopyit, nyajʌcʌ'jayu'c yatzipʌ tʌ ŋguipsoquiuy, y ŋgotze'u'candʌ ŋgüerpo susnʌpʌ nʌ'pit.

Efesios 5:26

Te'šej chʌjcu Cristo's wa'y yajmasa'najyaju te' tu'mʌyajpapʌ ñe' ñʌquiʌsi. Yajcowajayajpa chocoy jujche'ŋ tu'mʌyajpapʌ's, porque wyʌ'aŋjamjayajpa Diojsis chame y nʌ'yʌyajpa nʌ'pit.

1 Corintios 6:11

Y metza tuca'y mi'ojmota'm te'šejta'mbʌ tiyʌmis ndzʌctamba inʌc wina, pero tʌ Ngomi Jesucristo's ñʌquiʌsi ŋguiotze'atʌjtamumij y myasa'najtamumij y njyustococottamwa'mij tʌta'm Diojsis 'Yespiritupit.

Hechos 22:16

Y yʌtij jeque, ¿tiyʌcotoya' ñchʌ'pyamaj? Tzu'cumʌ, ma nʌ'yʌ y cotze'jʌcʌ ŋgowa, y wejwindzoŋja Cristo's ñʌy.

1 Juan 5:6

Yʌ'wʌte' te' Jesucristo te' minupʌ najsacopajcʌsi, y tiju ñʌ'yʌyu. Y yajca'yaju'c cruzcʌsi 'yumbʌ'jayaju ñʌ'pin. Ja'n na' tiju ñʌ'yʌyu, sino que 'yumbʌ'jayaju ñʌ'pin. Y te' Espíritu Santo's quiotestigosajpa, y te' Espíritu wiyuŋdzambapʌte'.

1 Juan 1:7

Juca Diojsis šʌ'ŋgʌ' tʌ nʌtu'ŋajapya, sʌ'ŋjapyašejtʌ ñe'cʌ's, wiyuŋšejtʌ tumʌquipspa Diosji'ŋ, y Diojsis 'Yune's, Jesucristo's ñʌ'pi'nis yajcowajapya mumu tʌ ŋgowa.

San Juan 19:34

Pero tumʌ te' soldado's wyojtzu Jesús che'ŋna'ojmoc lanzapit y jʌnʌj pujtu nʌ'pingʌnʌ'.

San Lucas 7:38

Y 'yucaŋgʌ'mʌc quiʌnu'cʌyu y minu jyʌyu ñe'ŋbajcaŋi y ñitiqui'ʌyjayu ñe'ŋbacta'm wyitʌm nʌ'pit. Y quiomocjayu ñe' wyapyit. Y šu'cjayu te' ñe'ŋbacta'm y jyasjayu te' jajsoquiupyit.

El Apocalipsis 1:5

Te'šejtʌ tzi'que'tpa Jesucristo's, te' jicapyʌ testigujsis, te' winbʌ winsa'upʌ ca'yajupʌ'ojmoc pʌngotoyata'm. Te'wʌte' te' cowi'na najsacopajcʌsita'mbʌ re'yisñe'. Mʌja'ŋgotzamda'mitʌy yʌ' Cristo, te' sundambapʌ'stʌ, te' yajcotocoyjayupʌ's tʌ ŋgowa 'yumbʌ'u'c ñʌ'pin tʌcotoyata'm.

San Juan 13:10

Ñʌjayu Jesujsis: Iwʌ cotze'uwa'a, ñe'ŋbactya'a pyʌcpa wa'y che'u, porque muma' cowaju. Y mijta'm ŋguiowajtamwa'mij ñempe ja'n mumuta'mbʌ.

San Juan 13:8

'Yaŋdzoŋu Pedro's: Nunca ja'nmis maŋu ndze'jayu ʌs ne'ŋbac. 'Yaŋdzoŋgue'tu Jesujsis: Juca ja'nʌs ndze'jay, ja'nmis maŋu mbʌjcʌchoŋu mbarte ʌji'ŋ.

San Juan 13:6

Pijche'ca nu'cu ijtumʌy Simón Pedro, y te' Pedro's ñʌjayu: ¿Señor, misja maŋba ndze'jayu ʌs ne'ŋbac?