San Juan 13:1 - Zoque Copainalá New Testament

¹ Maŋba'cmaj ñu'cu te' pascua-sʌŋ, myuspa inʌc Jesujsis que nu'cuwa'nde' te' hora wa'y chu'cumu yʌ' najsacopajcʌsi wa'y myaŋu Tata Diosaŋʌ. Como jene šunu te' ñe'ta'm najsacopajcʌsi ijtyajupʌ, maŋba inʌc yajqueñaju jutz inʌc šuñajpa.

San Juan 13:1 Iomraidhean Croise

San Mateo 26:45

Pijche'ca quiʌ'miñajque'tu Jesujsis te' quiʌ'aŋmayeta'm, y ñʌjayaju: Ʌŋdama'a, y sapʌctamʌ. Yʌtij nu'cwa'nde' hora wa'yʌj tzi'oquia'yaju ʌj, te' Pʌ'nis 'Yune, cowatzʌquita'mbʌ's quiʌ'ojmo.

San Mateo 28:20

Y aŋmaytyamʌ te' pʌnda'm wa'y quiojamyaju mumu ʌsmij aŋgui'mdamušej. Y mustamʌ que ʌj, maŋba'ʌj itjojcʌtʌjcu miji'ŋda'm hasta que yajpa najsacopac. Amén.

San Lucas 22:53

Tumdumʌ jama inʌjcʌj itpa miji'ŋda'm te' templo'ojmo y jañuctamʌmisʌj. Pero yʌtijte' te' hora wa'y yojsu miji'ŋda'm te' pi'tza'ŋajcu'yis quiomi.

San Lucas 9:51

Cuando nʌ inʌc ñu'cu te' aŋsʌŋ wa'y qui'mu Jesús tzajpojmo, paquitzoco'yaju wa'y myaŋu Jerusale'ŋojmo.

San Juan 11:55

Nʌ inʌc tyo'mʌyu te' pascua-sʌŋ judio'sta'mñe'. Tzu'cumyaju wʌwʌ pʌn te' najsoyj y qui'myaju Jerusalén wa'y maŋu quiowajyaju cʌna'tzʌ'oquiu'yojmo, maŋba'cmaj cho'tzu te' pascua-sʌŋ.

San Juan 12:23

Pijche'c Jesujsis 'yaŋdzoŋyaju: Nu'cwa'nde' aŋsʌŋ wa'yʌj yajmʌja'ŋaju Diojsis ʌj, te' Pʌ'nis 'Yune.

San Juan 13:29

Wenepʌn ŋguipsutʌs que ñʌjayu te'šej Jesujsis wa'ytye' maŋu jyuyu tiyʌ'iwʌ sʌŋgotoya, o wa'y maŋu chi'yaju tiyʌ'iwʌ pobreta'm. Te'šej tʌs ŋguipsu porque Judajsiste' inʌc quioquenba te' tumin-dzunu.

San Juan 13:3

Y myuspa inʌc Jesujsis que ñe'cʌ quiojtu Tyata's wa'y 'yaŋgui'mu, y que Diosaŋʌc minu y Diosaŋʌtij maŋgue'tpa.

San Juan 13:34

Jomepʌ aŋgui'mgu'yʌsmij ndzi'tamba. Yʌ'wʌte': Wa'mij našunʌtʌjtamu ne'co'mo. Jujcha' ʌsmij sundamušej, te'šejmij wa'y našunʌtʌjtaŋgue'tu ne'co'mo.

San Juan 14:28

Matoŋdamwa'mis jutzʌsmij ndzamjaytyamu: Maŋba'ʌj Ndata Diosaŋʌ, y mingue'tpati'ʌj mi'ojmota'm. Juca wiyuŋšej misʌj sundamba nʌ'omdambamis inʌc, porque nʌtzamdamwa'mʌsmij que maŋba'ʌj Ndata'ŋʌ. Porque ʌs Ndataj más mʌja'ŋ que ja'n ʌj.

San Juan 14:31

Pero ʌs ndzʌcpa'ʌs aŋgui'muše'ʌj Ndata's wa'y myujšaju te' ja'n wyʌ'aŋja'moyapyʌ's que ʌs sunba'ʌs Ndata Dios. Tzu'cumdamʌ, y ma'nta'm.

San Juan 16:28

Tzu'cumu'ʌj Ndata'ŋʌc y minu'ʌj najsacopajcʌsi. Pero maŋbati'ʌs ndzajque'tu yʌ' najsacopac y maŋba'ʌj Ndataŋʌ.

San Juan 17:1

Yʌ'šejta'mbʌ tiyʌ chamu Jesujsis, y quengui'mu'c tzajpojmo, nʌmu: Tatay, nu'cwa'nde' hora, yajqueña te' pʌnda'm ʌs mʌja'ŋajcuy, porque misʌjyʌ' Une. Te'še'ʌs wa'y ʌs nyajqueñajque'tu pʌnda'm mis mʌja'ŋajcuy.

San Juan 17:16

Nwyʌ'aŋjamyajpamij jeque ñe'cʌ'sta'm, jujcha' ʌsmij nwʌ'aŋjamba.

San Juan 17:26

Y ʌs nyajmujšajwa'mʌs iwʌmijte', y maŋbama'ʌs nyajmujsa'ŋʌyaju. Te'šej maŋba ijtu ñe'ta'm choco'yojmo misne' su'noquiuy, wa'y šu'noyaju jujcha' misʌj ʌj sunba. Y ʌj maŋba'ʌj ijtu ñe'ta'm choco'yojmo.

San Juan 17:5

Yʌtij jeque, Tatay, yajqueña pʌnda'm tʌ mejtzji'ŋgʌ'pyʌ mʌja'ŋajcuy. Te' mʌja'ŋajcuy nʌ'ijtupʌ'ʌs inʌc miji'ŋ tzajpojmo, maŋba'cmaj tyujcu yʌ' najsacopac.

San Juan 18:4

Pero Jesujsis myuspatya' inʌc mumutiyʌta'm maŋba chʌcjayaju. Y ñe'cʌ's maŋu choŋyaju, y ñʌjayaju: ¿Iwa'nde' nʌ me'tztamu?

San Juan 19:28

Pijche'ca Jesujsis ñʌctʌ'yu que chʌcta'nbʌ'wa'a ñe' yoscuy najsacopajcʌsi, y wa'y tyujcu te' chambašej te' Totojaye's, pijche'ca nʌmu: Yoctʌtzpa'ʌj.

San Juan 2:13

Nʌte' inʌc tyo'mʌyu te' pascua-sʌŋ, te' judio'sta'mñe', y qui'mu Jesús Jerusale'ŋojmo.

San Juan 6:4

Nʌ inʌc tyo'mʌyu te' pascua-sʌŋ, quiosʌ'ŋajyajpapʌ inʌc judio'sta'm.

San Juan 7:30

Pijche'ctij chʌcme'chaju cowi'na'sta'm wa'y ñuquiaju. Pero ya'iwʌ's jañipi'cʌ porque jañu'cʌ'cmajte' hora wa'y quia'u.

San Juan 7:6

Pijche'ca ñʌjayaju Jesujsis: Jañu'cʌmaj te' aŋsʌŋ wa'yʌs nyajqueju ʌs nwin iwʌ'ʌjyʌ'. Pero mista'm aŋsʌŋ tepyʌtijte' tiyʌ mis sunba ndzʌctamu.

San Juan 8:20

Yʌ'šejta'mbʌ tiyʌ chamu Jesujsis te' quiojtyajumʌy tzi'oquiuy, nʌ'c 'yaŋma'yoyu te' judio-templo'ojmo. Y ya'iwʌ's jañucʌ, porque jañu'cʌ'cmajte' hora wa'y quia'u.

Romanos 8:37

Pero como ijtu iwʌ'stʌ sunba, ñe'cʌpit matzcomʌ'ndambatʌ mumu yʌ'šejta'mbʌ tiyʌ.

1 Corintios 1:8

Yʌ'wʌ'ste' maŋba pyaquitzi'jayu mista'm ndzocoy hasta co'yajcu'yojmo, wa'y jana ijtu tiyʌcʌsimij wa'y ŋguionoquiatʌju te' jamo'oyj minba'ca Ngomi Jesucristo.

Hebreos 3:14

Juca nite'tzʌytyamba Dios hasta ŋguendamba ñe'cʌ, y nwʌ'aŋjambatʌ jujcha'nde' mbʌjcʌchoŋdamu'cšejtʌ, maŋbatʌ nʌpʌctamu Cristo's jujche'ŋ ñe'cʌ's quiowindzʌmba.

Hebreos 3:6

Pero Cristo myato'ŋoyjayu Dios mumutiyʌcʌsi yojsu'c te' Diojsis pyʌ'nojmocta'm, y ñe'cʌte' te' pʌ'nista'm Quiomi, porque Diojsiste' 'Yune. Y te' pʌnda'm tʌta'mde', juca tumʌtzocoytyʌ nite'tzʌyjojcʌtʌctamba ñe'cʌ, y oma'omatʌ njo'ctamba.

Hebreos 6:11

Pero sunbatʌs wa'mis te'šejtijque' muma'ŋgʌ'y tumʌtzocoy nite'tzʌytyamu Dios hasta que mbʌjcʌchoŋdambamis nʌmis njo'ctamupʌ tiyʌ. Tzʌctamʌ te'šej hasta co'yajcu'yojmo.

1 Pedro 1:13

Te'cotoya paquic ittamʌ nʌctʌ'yoquiu'yojmo y aŋgui'mdamʌ ne' nwin, y tumʌtzocoy nite'tzʌytyamʌ Dios te' maŋbapʌ'smij ñchi'tamu ñe' yajya'moquiuy maŋba'camis ŋguendamu Jesucristo.

1 Juan 4:19

Tʌta'm sundambatʌ Dios, porque ñe'cʌ'stʌ wina sundamu.

El Apocalipsis 1:5

Te'šejtʌ tzi'que'tpa Jesucristo's, te' jicapyʌ testigujsis, te' winbʌ winsa'upʌ ca'yajupʌ'ojmoc pʌngotoyata'm. Te'wʌte' te' cowi'na najsacopajcʌsita'mbʌ re'yisñe'. Mʌja'ŋgotzamda'mitʌy yʌ' Cristo, te' sundambapʌ'stʌ, te' yajcotocoyjayupʌ's tʌ ŋgowa 'yumbʌ'u'c ñʌ'pin tʌcotoyata'm.