1 Juan 4:1 - Zoque Copainalá New Testament

¹ Tʌwʌy, sundamba'ʌsmij. Uy wʌ'aŋjamdame ñempe'iwʌ pʌn nʌmbapʌ que Diojsis 'Yespiritupit aŋma'yopya. Tzʌjquistamʌ winac juca Diojsiste' 'Yespiritupit aŋma'yopya. Porque sone nʌ wyijtyaju sujchajpapʌ tza'maŋwa'oye yʌ' najsacopajcʌsi.

1 Juan 4:1 Iomraidhean Croise

1 Tesalonicenses 5:21

Mumu'c tacscʌme'tzpʌ'tamʌ. Mis ndzoco'yojmo coquendamʌ mumu oyepʌ.

2 Pedro 2:1

Pero ijtyajque'tu inʌc Israel-pʌ'nojmota'm sujchajpapʌ tza'maŋwa'oyeta'm. Y te'šej maŋba ijtyajque'tu mi'ojmota'm sujchajpapʌ aŋma'yoye. Maŋba ñu'mdʌjcʌyaju mi'ojmota'm wa'y ñʌtʌjcʌyaju ja'n 'yoyepʌ aŋma'yoquiuy. Y yʌ' sujchajpapʌ aŋma'yoye maŋba ñʌmyaju que ja'nde' ñe' Quiomi te' yajcotzoquiajupʌ's. Y te'cotoya ñe'cʌ'stij ñʌcje'csʌyajpa wyin, y ja'n tiyʌ nʌ quipšaju'c maŋba tyocoyaju.

1 Timoteo 4:1

Pero te' Espíritu Santo's quejuqueju'c chamba que te' minbapʌ aŋsʌ'ŋojmo maŋba ijtu maŋba chaquiajupʌ's te' wʌ'aŋja'moquiuy. Y maŋba quiʌmato'ŋʌyaju aŋgoma'cʌ'oyajpapʌ espirituta'm y yatzi-espiritu'sta'm 'yaŋma'yoquiuy.

2 Juan 1:7

Porque jene ijtyajwa'a aŋgoma'cʌ'oyajpapʌ najsacopajcʌsi. Yʌ'ta'mbʌ nʌmyajpa que jaminʌ pyʌ'na jujcha' pʌn te' Jesucristo, te'šej aŋgoma'cʌ'opyapʌte' y qui'nispapʌ's te' Cristo.

1 Corintios 14:29

Te'šejtijque' tza'maŋwa'oyajpapʌ, na' metzapʌ's o yajtya' tuca'pyʌ's yajtzamya, y eyata'mbʌ's yajcoqueña juca oye o juca ja'n 'yoye.

1 Juan 2:18

Tʌwʌy, co'yajcu'yojmotya'ndʌyʌ' nʌ ittamu. Matoŋdamwa'mis que maŋba inʌc quieju te' qui'nispapʌ's te' Cristo. Y yʌtij yʌmʌc teymʌjca nʌ quiejyaju qui'nišajpapʌ's Cristo. Yʌ'šejta'mbʌ tiyʌ'stʌ yajnʌctʌ'pya que co'yajcu'yojmotya'ndʌyʌ' nʌ ittamu.

San Lucas 12:57

¿Y tiyajca'nde' ja'n musi ŋgopiŋdamu ne'cʌtij te' wiyuŋbʌ tiyʌ?

San Lucas 21:8

Pijche'ca nʌmu Jesús: Coquendamʌ cuenta umij ya'iwʌ's 'yaŋgoma'cʌytyamu. Porque maŋba miñaju wʌwʌ pʌn ʌs nʌquiʌsi sujchajpapʌ y nʌmyajpapʌ: Ʌjte' te' Cristo. Y maŋba ñʌmyajque'tu: Nʌ tyo'mʌyu te' aŋsʌŋ. Te'cotoya'ʌsmij nʌjaytyamba, uy co'ŋdame.

2 Timoteo 3:13

Pero te' yatzita'mbʌ pʌn y te' aŋgoma'cʌ'oyajpapʌ, maŋba chʌcjojcʌtʌquiaju yacha'cuy wa'y 'ya'ŋʌyaju yatzipʌ tiyʌ, aŋgoma'cʌ'oyajpa y te'šejtij 'yaŋgoma'cʌyatʌjque'tpa.

El Apocalipsis 2:2

Muspa'ʌs tiyʌta'm mis ndzʌctamba y jutzmij ñchijpana-yostamba y mbʌ'mgopajcʌytyambamis mumutiyʌ. Pero te' ja'n tyu'ŋajyapyʌ oye ja'nmis mbʌ'mgopajcʌytyame y ndzʌjquistamwa'mis te' nʌmyajpapʌ que cʌ'wejta'mde' y ja'nde' pitta'm, y nʌctʌ'ytyamumis que sujchajpapʌte'.

1 Corintios 12:10

Y eyapʌ chi'pa Diojsis wa'y chʌjcu isaŋwʌ'ajcuy, y eyapʌ wa'y cha'maŋwa'oyu. Y eyapʌ wa'y myujsu juca oyepʌ o yatzita'mbʌ espíritu. Y eyapʌ wa'y chamu wi'ni eyata'mbʌ espiritupitpʌ otowe. Y eyapʌ wa'y chamgʌtʌjcu espiritupitpʌ otowe.

Hechos 20:29

Porque muspa'ʌs que maŋu'ca'mʌj maŋba tyʌjcʌyaju mi'ojmota'm lobošej nu'myajpapʌ. Y ja'n maŋu tyo'ya'ŋʌyaju te' wʌ'aŋja'moye-tu'mʌquiuy.

San Marcos 13:21

Pijche'ca juca iwʌjutiwʌ'smij ñʌjaytyamba: Quena, yʌy ijtu te' Cristo, o juca ñʌjaytyambamij: Teymʌ ijtu, ʌsmij nʌjaytyamba: Uy wʌ'aŋjamdame.

Hechos 17:11

Y maste' inʌc nʌctʌ'yoyajpa Berea-pʌn que ja'nde' Tesalonica'ojmota'mbʌ, porque jʌnʌjtij pyʌjcʌchoŋyaju te' Diojsis chame. Y tumdumʌ jama inʌc mye'chajpa Totojaye'ojmo wa'y quieñaju juca te'šejte' nʌšej chamyaju.

1 Tesalonicenses 5:20

Uy menoschʌcjaytyame te' Diojsis cha'maŋwa'oye'sta'm chame.

2 Tesalonicenses 2:2

umis ñempetiyʌcʌsi ŋgacpʌ'tame mista'm ŋguipsoquiuy. Uy jopi'ttame ñempe miña Diojsis ñʌquiʌsi y ñempemij sa'sa ñʌtzamʌtʌjtamʌ, ñempe ñʌmya que tʌsmijte' njayjaytyamu que nʌwa' tyo'mʌyu te' jama que maŋba minu tʌ Ngomi Jesucristo.

1 Juan 2:7

Atzita'm, ja'ʌsmij nʌ njayjaytyamu jomepʌ aŋgui'mguy, sino que te' wina tʌjcʌyupʌ, te' nʌ'ittamupʌmis desde cho'tzcu'yojmo. Te' wina tʌjcʌyupʌ aŋgui'mguy, te'wʌtijte'que' te' tzame mbʌjcʌchoŋdamupʌmis nwʌ'aŋjamdamu'cmis Cristo.

3 Juan 1:11

Tʌwʌy, uy tzʌqui chʌquiajpašej yatzita'mbʌ's, sino que tzʌcʌ oyeta'mbʌ pʌ'nis chʌquiajpašej. Te' chʌcpapʌ's oyeta'mbʌ tiyʌ Diojsiste'ñe', pero te' chʌcpapʌ's yatzita'mbʌ tiyʌ ja'n ispʌqui Dios.