Apocalipsis 18:3 - Zapotec Coatecas Altas

³ Minu rë men xa' nzë kwansa plo, por mitse'd bixa' kwa'n nak una' re', mbaino por kwa'n mike'd una' re' rë men, rë rey ngwachibyek lo kwa'n gat lë', no rë xa' nile' xbi'. Ngok rrik bixa' por nguzi' una' le'n kai (kwa' gal) re' rë kwa'n ngokla una', par mile' una' dike kwa'n ngokla kwerp che'n una'.

Apocalipsis 18:3 Iomraidhean Croise

Apocalipsis 17:2

Rë rey yizhyuo, por una' re', mile' bixa' kwa'n nayi' lo Dios, no más rë men yizhyuo minu bixa' por kwa'n mike'd una' bixa'.

Apocalipsis 14:8

Orze' ñë'dkë xtu ganj tich ganj galo, xa' nzhab se': ―¡Milox la, milox la yezh ro kwa'n lë Babilonia!, porke yezh re' mike'd rë kwa'n nakap che'ne lo más rë yezh kwa'n nzhin lo yizhyuo; lë' kwa'n nakap che'n yezh Babilonia nak nela vin ga' kwa'n milizuzh más rë yezh ze'.

Apocalipsis 18:9

No rë rey yizhyuo mia'n bixa' gat lë' lo Dios por una' re', lë' bixa' go'n, mbaino win laxto' bixa' or ne bixa', zhen kwa'n zë'k Dios una'.

Apocalipsis 18:23

No nayotra' ne men ni xtu ki lol, mbaino ni nayora' gon men, chi xa' nzhak jwandang che'n, kun una' xa' gak tsa' xa', porke rë men che'nal xa' mile' xbi' lol, ngok rë xa' más tsak dub lo yizhyuo. No kun yalbruj che'nal, mikidel rë men, xa' nzë kwantsa rë lazh men,

San Lucas 7:25

No chi gat lë't kuba' une go, ¿kwan ska une go orze'? ¿Chi une go tu miyi' nak lar wen? Per nane ka go, cho rë xa' kwa'n nzhak lar wen, rë xa' ze' nzho lizh rë rey, plo nzho bixa' mod nzhakla bixa'.

1 Timoteo 5:11

Per nazobtal lë rë una' xa' xi, xa' ngut xmiyi', napa' gakla bixa' le' bixa' rë kwa'n nzhakla kwerp che'n bixa', orze' lë' bixa' ya'l laxto' kwa'n mia'n bixa' di'zh lo Jesukrist por kwa'n bixa' xtu miyi',

Apocalipsis 18:7

Nela xmod mile' una' le'n kai (kwa' gal) ba' haxta plo ngokla kwerp che'n xa', mile' xa' kwa'n yizhyuo re'. Se'ska bizakzi go xa' haxta plo nagakra'i. No por mis lë' xa', midi'zh dox tsak xa', no mizi xa' marian. Mile' xa' xigab, le'n laxto' xa': “Na, nzo'b nela tu rey ga', nayot gak da tu una' ngut xmiyi', mbaino nayot zakzi da.”

Apocalipsis 18:19

No chob bixa' yuo yek bixa', no go'n bixa' por yalnawin, no se' kuzhië bixa': ¡Ay, ay! ¡Dox nalats mia'n yezh ro ba'!, porke por yezh ro ba', ngok rrik rë xa' kinu bark le'n nitsdo', mbaino, ¡tu rratsa miloxe!