Misimna 22:12 - Zo Bible

¹² Pasien in Balaam kungah, “Amate na zui sih ding hi; tua mite na samsie sih ding hi, azieh pen amate thupha kipie ahi hi,” a ci hi.

LAISIENGTHOU CL Bible (BSI)

¹² Tualeh Pasian in Balaam kungah, “Akung ua nava haw ding ahi sih; tua mite zong na gausap ding ahi sih: amauh mi hamphate ahi uh” achi hi.

Zokam International Version

¹² Ahi hangin Pasian in Balaam kiangah, "Amaute zui kei in. Amaute thupha kipiasa ahi manun tua mite na hamsiat peuhmah kei ding hi," a ci hi.

Misimna 22:12 Iomraidhean Croise

Piancilna 12:2

Minam lien khatin kang bawl ding a, thupha hing pie-in, na min ka liensah ding a, tuaci’n midangte adingin thupha na hi ding hi.

2 Khangthute 31:10

Zadok innkuon pana siempupi pa Azariah in ama dawng a, “Amate in Topa’ biehinn sungah a silpiehte uh ang peipi vua kipanin kote in neh ding a kiningcing tahin ka nei vua, khol ding tampitah zong ka nei uhi; azieh pen Topa in a mite thupha ei pie a, tuaci’n tam bangin nehval tampi ka nei uhi,” a ci hi.

Phatna-late 144:15

Tam bang thupha a tunna mite thupha nga ahi uhi; Topa pen amau’ Pasien ahi mite thupha nga ahi hi.

Phatna-late 146:5

A panpi dinga Jacob Pasien a nei, amau’ Topa Pasien sunga kinepna a nei mite thupha nga ahi uhi.

Isaiah 61:9

Minamte lahah a suon a hlahte uh kithei ding a, mite lahah a cihlahte uh zong kithei ding hi; amate a mu zosie-in Topa’ thupha piehsa minam ahi lam thei-in a pom ding uhi.

Micah 6:5

Ka mite aw, Moab Kumpipa Balak in bang teng na gel a, Beor’ tapa Balaam in bang na ci dawnkia-in, Topa’ hutdamna nasepte na thei nadingun, Shittim panin Gilgal dongah bang thu na pieng ahei, ci tu-in phawhkia un,” a ci hi.

Misimna 22:11

‘Egypt panin mihon khat ang pei vua, lei maitang tengah a kithezah uhi; tu-in hing pei inlen, tam mite ei samsietpieh in; tua hile keima in amate simin ka notmang zo kha thei ding hi,’ ei ci hi,” ci-in a gen hi.

Misimna 22:13

Tuaci’n zingmawng ciengin Balaam tho a, Balak’ uliente kungah, “Na gam ciet vuah pei ta un, azieh pen Topa in note tawh zawton ding ei phal lo hi,” a ci hi.

Misimna 22:6

Kei sanga a thahat zawh ziehun tu-in hing pei inlen tam mite ei samsietpieh in; tua hile amate ka zo kha thei ding a, khum gam panin ka notmang zo kha thei ding hi; azieh pen na thupha pieh poma in thupha nga a, na samsiet poma samsietin a om hi, ci ka thei hi,” a ci hi.

Misimna 23:23

A tahtahin ci leih Jacob do nading bum a om sih a, Israel-te do nadingin aisanna a om sih hi; tu-in Israel le Jacob tungah, ‘Pasien in a bangci sep ahei mu un,’ kici ding hi.

Misimna 23:3

Tua ciengin Balaam in Balak kungah, “Kei ka va pei kalin tami mun na meihal biehnate gei-ah na om in. Kei ei dawn dingin Topa ang pei kha ding hi. Ama in kei ei lah popo na kungah kang gen ding hi,” a ci hi. Tua ciengin muolvum pawn gawta tung khatah ama a kato hi.

Misimna 23:8

Pasien in a samsiet lo mite bangci samsiet thei ding ka hei? Topa in a hosiet lo mite bangci hosiet thei ding ka hei?

Misimna 24:9

Humpi apa bangin bawhin a lumsuh hi. Humpi anu bangin ama a lumsuh hi. Koi in ama khu phong ngam ding ahei? Nang thupha ang pie poma in thupha nga hinlen, nang ang samsie poma in samsiet nga taheh,” a ci hi.

Matthew 27:19

Thukhenna topha tungah a to laitahin a zinu in ama kungah kam vaihlah a, “Tuzan ka mangah ama ziehin nahpi tahin gimna thuoh ka hi ziehin mawna nei lo tua mipa bangma na law sin,” a ci hi.

Rome-te 11:29

Bang ding ahei cile Pasien’ letsongte le Pasien’ hlatna pen a kikhel thei ahi sih hi.

Ephesa-te 1:3

Khris sungah vantung munte sunga om hlagau thupha namcin tawh eite thupha ei pie, i Topa Jesu Khris’ Pa Pasien in thupha nga ta hinlen,

Thupiakkikna 2:7

Na sepna zosie vuah Topa na Pasien un thupha ang pie valon ding hi; ama in tam senel gam lienpi na peina uh ang thei hi. Tam kum sawmli sungin note tawh Topa na Pasien uh ang omton hi; bangma na kisam sih uhi,” ei ci hi.

Thupiakkikna 23:5

(Hinanle Topa na Pasien un Balaam’ thu a mang sih hi; Topa na Pasien un note ang it ziehin, Topa na Pasien un tua samsietna pen no adingin thupha-in ang heipieh hi.)

Thupiakkikna 28:6

Na sungtum uh ciengin thupha na nga ding vua, na pusuo ciengun zong thupha na nga ding uhi.

Thupiakkikna 33:29

Israel aw, nang mi nuomsa na hi hi! Nang ang kipanpina lum le na guolzawna namsau ahi, Topa in nang banga a hutdam mi koi om ahei? Na galte in hing mai-etin, na kung ang pei ding vua, tuaci’n note in a elzang uh na tuoncil ding uhi.

Thupiakkikna 7:14

Mi zosie lahah thupha nga pen minam na hi ding vua, noma lahah ahi a, na ganhonte lah vuah ahi zongin ta nei lo a ciing a om sih ding hi.