Matthew 9:6 - Zo Bible

⁶ Ahi vangin Mihing Tapa in leitungah mawmaisah thei nading thu nei hi, ci note in na thei nadingun,” a ci zaw ciengin ama in phal si mipa kungah, “Tho in, na lupna puo inlen na inn ah pei in,” a ci hi.

LAISIENGTHOU CL Bible (BSI)

⁶ Hinanleh Mihing Tapa’n leitung ah khelnate ngaidam theina anei chi na theina ding un, (zeng a damloupa kungah) thou inlen, nalupna la inlen na inn ah peita’n,” achi hi.

Zokam International Version

⁶ Ahi hangin Mihing Tapa in hih leitungah mawhnate maisak theihna thu nei hi, cih na theih nadingun...." a cih khit ciangin pumzawpa kiangah, "Tho in, na phek la inla ciah in," a ci hi.

Matthew 9:6 Iomraidhean Croise

Isaiah 43:25

Keima ka kikhuolna-in na khielnate ang phietpieh pa kei, keima khu Ama ka hi a, keima in na mawnate ka ciemte sih ding hi.

Micah 7:18

Nangma’ neisa a omlai teng’ khielna maisahin, amau’ thupalsatnate a maisah thei nang bang Pasien a om amah? Hepina lah ding ama dei lam ahi ziehin, kumtawnin ama a lungthah zing sih hi.

Matthew 4:24

Tuaci’n Syria gam sung zosie-ah a minthanna kizel a, mi cina zosie, natna le dammawna tuomtuom a thuohte, dawi’ matte, a sibupte, khut le keng zawte, ama kungah a peipi vua, ama in tuate a damsah sieng hi.

Matthew 8:20

Tuale Jesu in ama kungah, “Ngiete in kuo nei a, vana leng vate in bu a nei uhi; ahi vangin Mihing Tapa in a lu ngah nading mun a nei sih hi,” a ci hi.

Matthew 9:2

Tua zaw lien ciengin mi pawlkhat in lupna tunga a lum phalsi khat a zawng uhi. Jesu in a upna uh a mu bepin ama in a pumzawpa kungah, “Ka ta aw; lungmuongin om in, na mawna mai zo hi,” a ci hi.

Matthew 9:5

Azieh pen, ‘Na mawnate kimaisah zo hi,’ ci ding le, ‘Tho inlen pei in,’ ci ding koi baizaw ahei?

Matthew 9:7

Tuale tua pa tho-in a inn ah a pei hi.

Mark 2:10

Ahi vangin Mihing Tapa in leitungah mawnate maisah thei nading thu a nei lam note in na thei nadingun ama in phalsi mipa kungah,

Mark 2:7

“Bang dinga tam mipa hici ham mawh ahei? Pasien gensie ahi hi! Pasien khat beh longal koi in mawna maisah thei ahei?” ci-in a ngaisun uhi.

Luke 5:21

Tua ciengin thukham hil siete le Pharisee-te a kiho vua, “Pasien a gensie tam pa koi ahei? Pasien longal koi in mawna maisah thei ahei?” ci-in thudawh ding a kipan uhi.

John 10:28

Keima in kumtawn hinna amate ka pie a, amate a kisie ngai nawn sih ding uhi. Ka khut sung panin koima in ka tuute ei lahpieh zo sih ding hi.

John 17:2

bangzieh ahei cile ama na piehsa mi zosie tungah ama in nuntah tawntungna a pieh thei nadingin mi zosie tungah thuneina ama na pie zo hi.

John 5:27

Ama Mihing Tapa ahi ziehin Pa in ama tungah thukhen thei nading thuneina a pie hi.

John 5:8

Jesu in tuapa kungah, “Ding in, na lupna la inlen pei in,” a ci hi.

Nasepte 5:31

Pasien in Israel-te tungah kisiana le mawmaina a pieh nadingin a zietlamah Lamkai pa ding le Hundam pa dingin ama a tawisang zo hi.

Nasepte 9:34

Peter in tua pa kungah, “Aeneas aw, Jesu Khris in ang damsah zo ta hi; tho inlen na lupna ziel in!” a ci hi. Tuale thakhatin ama a tho pai hi.

2 Corinth-te 2:10

Note in maw na maisah popo uh ke’n zong ka maisah hi. Mawna ka maisahte zong nomate zieha Khris’ min tawh ka maisah ahi hi.

2 Corinth-te 5:20

Tuaci’n kote pen Khris adingin palaite ka hi uhi; Pasien tawh na kilem un, ci-in Pasien in kote tungtawnin ang thum ma bangin kote in zong Khris tangin kang thum uhi.

Ephesa-te 4:32

Khatlekhat kihepi-in lainatna na kinei unlen, Pasien in Khris sungah note’ mawna ang maisah bangin note zong khatlekhat na kimaisah un.

Colosse-te 3:13

Mi khatpo in adang khat tungah mawsah nading a nei leh khatlekhat kithuoh zo-in na kimaisah un. Topa in note’ mawna ang maisah bangin note zong khatlekhat maw na kimaisah un.