Matthew 4:10 - Zo Bible

¹⁰ Jesu in ama kungah, “Satan aw, kihemkhie in! Azieh pen Topa na Pasien bie inlen, ama’ na beh sem in,’ ci-in kigiel hi,” a ci hi.

LAISIENGTHOU CL Bible (BSI)

¹⁰ Tuachi’n Jesu’n akungah, “Tana kipat in peimang in Setan, Mangpa na Pasian na be dinga, Ama nna bou nasep ding ahi, chi gel ahi,” achi hi.

Zokam International Version

¹⁰ Jesu in, "Satan, paikhiamang in! ‘Na Topa Pasian bia inla, ama na bek sem in,’ f ci-in kigelh hi," a cih san hi.

Matthew 4:10 Iomraidhean Croise

1 Khangthute 21:1

Israel-te do dingin Satan ding a, tuale Israel mi phaza sim dingin David hantawh hi.

Job 1:12

Topa in Satan kungah, “Hoi pai e, a neisa zosie nangma’ thu hi taheh; a tung behah na khut hlang sih po lacin!” a ci hi. Tuaci’n Topa kung panin Satan a pusuoh hi.

Job 1:6

Ni khat Topa mai-a kilah dingin van mite a pei vua, amate lahah Satan zong kihal hi.

Job 2:1

Ni khat Topa kungah van mite a kilah dingin a tung vua, Topa mai-a kilah dingin Satan zong amate lahah a pei hi.

Phatna-late 109:6

Amate in, “Ama do dingin migilo khat koi un; ama’ ziet lamah a mawsah ding mi khat dingsah un.

Paikhiatna 23:25

Topa na Pasien uh na bie ding vua, keima in na an ule na tui uh thupha ka pie ding hi; keima in note lah panin natna ka lamang ding hi.

Isaiah 30:22

Tua ciengin note in ngun tawh a kizut na milimte ule kham tawh a kizem na milim sunte uh na buasah ding uhi. Tua teng pen a nieh puonsiete bangin kithezah ding hi; note in amate kungah, “Peimang dawh un,” na ci ding uhi.

Matthew 16:23

Ahi vangin Jesu kihei-in Peter kungah, “Satan, ka nua lamah kihem vawi! Pasien’ nate tungah na lungsim na koi sih a, mihing’ nate tungah na koi zawh ziehin kei adingin kipalpuana na hi hi,” a ci hi.

Mark 1:13

Senel gam sungah ni sawmli sung om a, Satan in ama a ze-et hi; tuale gamsate tawh omton a, vantung mite in ama kem hi.

Luke 10:18

Ama in amate kungah, “Keima in vantung panin keh kie bangin Satan ang kiehsuh ka mu hi.

Luke 11:18

Satan zong ama le ama kido-in kikhenkeh leh a gam bangci kip thei ding ahei? Bang ding ahei cile note in Beelzebul suonga dawite a deldawh hi bo nei ci uhi.

Luke 13:16

Satan in kum sawm le kum giet sung a na hencip Abraham’ tanu ahi tami numei nu khu sabbath ni-in a kihencipna panin sutdawh dingin kilawm hi lo amah? a ci hi.

Luke 22:3

Tua ciengin sawm le nite lahah khat ahi Judas Iscariot kici pa sungah Satan a lut hi;

Luke 22:31

“Simon, Simon aw, ngai vawi! Satan in buhum zoi banga ang zoi thei nadingin ang ngen zo hi.

Luke 4:8

Jesu in ama kungah, “’Topa na Pasien bie inlen ama’ na beh sem in,’ ci-in kigiel hi,” ci-in a dawng hi.

John 13:27

Ama in khomun halkhat a san zaw ciengin a sungah Satan a lut pai hi. Jesu in ama kungah, “Na bawl dingte nawbawl ta’n,” a ci hi.

Nasepte 26:18

Khuomiel sung panin khuovah sung le Satan’ vanglietna panin Pasien lamah Gentile-te a kihei ziehun a mawnate uh a kimaisah thei nading le, keima sunga om a upna ziehun amate in a kisiensuosa mite lahah mun a nga thei nadingun, a mit uh a honpieh dingin nangma kang sawl ding hi,’ ei ci hi.

Nasepte 5:3

Peter in, “Ananias aw, Hlagau Siengtho sol ding le na logam zua man sum pawlkhat a hendap dingin Satan in bang dingin na lungsim kizosah na hei?

1 Corinth-te 5:5

Topa’ ni ang tun ciengin ama’ hlagau in hutdamna a nga thei nadingin Satan’ khut sungah suhsiet dingin tuami tahsa na pie ta un.

1 Corinth-te 7:5

Thungen dinga na kipumpieh thei nadingun na thukimna utawh kideh hun ding tawmno khat na bawl khah uleh ci simlo, khatlekhat lupton lo ding po na kideh sih un. Na pumpi kidehlana zieh vua Satan in note ang ze-et zo lo nadingin tua zaw ciengin na lumtonkia pai un.

2 Corinth-te 11:14

Tua pen lamdang sah ding ahi sih hi! Azieh pen Satan nangawn khuovah vantungmi khat bangin a kipangtawm thei hi.

2 Corinth-te 12:7

tua a lamdang kilahna dante nangawn ngaisutin ka nei sih hi. Tua ahi ziehin ka kisahthei luot lo nadingin ka tahsa sungah ei bawlsie ding Satan’ kamtai ahi ling khat ei kipie hi.

2 Corinth-te 2:11

Satan in ei nop neh lo nadinga eite in tamte i bawl ahi hi; azieh pen satan’ gelnate a thei lo i hi sih uhi.

Thupiakkikna 10:20

Topa na Pasien uh na zatah ding uhi; ama beh na bie ding uhi; ama na tudet ding vua, ama’ min tawh na kiciem ding uhi.

James 4:7

Tua ahi ziehin noma ma in Pasien’ thu na mang un. Dawimangpa na do un, tua hile na kung panun a taimang ding hi.

Joshua 24:14

“Tua ahi ziehin tu-in Topa zatah unlen, lungsim tahpi le thumanna tawh ama’ na sem un; na pu na pate un Gun gal le Egypt gam sungah a na a seppieh uh pasien-te koi dawh ta unlen, Topa’ na sem ta un.

1 Peter 5:9

Leitung mun zosie-a om na sanggamte un zong note thuoh banga a thuoh ahina thu thei na hi ziehun, ama do unlen na upna vuah kip un.

1 Samuel 7:3

Tua ciengin Samuel in Israel innkuon zosie kungah, “Na lungsim zosie utawh Topa lamah a kiheikia na hi uleh, gamdang pasien-te le note lah panin Astartes-te paimang un. Na lungtang uh Topa lam ngatin ama’ na beh sem un, tua hile ama in Philistia-te’ khut sung panin ang hunkhie ding hi,” a ci hi.