Matthew 27:4 - Zo Bible

⁴ Ama in, “Maw nei lo sisan ka lebawl ziehin ka khiel zo hi,” a ci hi. Ahi vangin amate in, “Tuami ko tawh bang kisai ahei? Na law theithei kilaw ta’n,” a ci uhi.

LAISIENGTHOU CL Bible (BSI)

⁴ “Mawna neilou sisan ka matsah khu ka khielta hi,” ava chi hi. Tualeh amaun “Kou a dingin bang akhoh diei? Nang na lawlaw kilawin achisanta uhi.”

Zokam International Version

⁴ "Ka mawh zo hi; mawhpeng sisan ka lehhek zo hi," a ci hi. Amaute in, "Tua leh ko bang kisai ahi hiam? Tua pen nangma thu hi hen," ci-in a dawng uh hi.

Matthew 27:4 Iomraidhean Croise

1 Kumpite 21:27

Ahab in tua thu teng a zah ciengin ama in a puonte botkeh a, a pum tungah la-ip puon silin an tangin la-ip puon tungah lum hi; ama cimaw lungkia-in a vaiva hi.

2 Kumpite 24:4

Tuale mawna nei lo mite’ sisan a luonsahnate zosie zieh zong ahi hi. Ama in mawna nei lo mite’ sisan tawh Jerusalem a kidimsah ziehin Topa in ama’ mawna maisah nuom lo hi.

Job 13:4

Note in ahile zuouthu tawh na melh uhi; na unpi-un kimanna a nei lo zatote na hi uhi.

Job 16:2

“Tua bang thute ka zaza zo hi; na unpi-un mi gimsah bep mi henemte na hi uhi.

Phatna-late 94:21

Midihte’ hinna a do dingin amate a kikhawm vua, tuale amate in maw nei lote tha dingin thu a khen uhi.

Paikhiatna 12:31

Tua ciengin ama in Moses le Aaron a zan thuta a, ama gel kungah, “Ding un, ka mite lah panin noma ni le Israel-te peikhie ta un! Pei unlen na gen bangun Topa bie un.

Paikhiatna 9:27

Tua ciengin Pharaoh in mi sawlin Moses le Aaron a hlansah a, ama gel kungah, “Tun-in ahile kei ka khiel zo ta hi; keima le ka mipite ka khiel vua, Topa a dih hi.

Paunakte 12:8

Mi khat a ngaisut hoina hang tawh ama kigenpha a, lungsim letat mite kisimmaw hi.

Jeremiah 26:15

Kei nei tha vua ahile, note in no mama tung, tam khuopi, le a sunga teng zosie tungah maw nei lo sisan a tungsah ding na hi lam uh kitelcien beh ta un, bangzieh ahei cile note in na bil mama utawh na zah dingun tam thute mantaha a gen dinga Topa in keima ei sawl ahi hi,” a ci hi.

Jonah 1:14

Tua ciengin amate Topa kungah kiko-in, “Topa aw, kang thum uhi, tam mipa sina ziehin kote ei mangthaisah sin, ci-in kang thum uhi. Maw nei lo mi khat’ sisan luonna ziehin mawna ei puosah sin; azieh pen Topa aw, na lungkimna banga na bawl ahi hi,” a ci uhi.

Matthew 27:19

Thukhenna topha tungah a to laitahin a zinu in ama kungah kam vaihlah a, “Tuzan ka mangah ama ziehin nahpi tahin gimna thuoh ka hi ziehin mawna nei lo tua mipa bangma na law sin,” a ci hi.

Matthew 27:54

Jesu a cing galkapmangpa le a ompite in zil kiling le tua thupiengte a mu ciengun a zausi vua, “Tampa, Pasien’ tapa lah ahi tahpi mawh in!” a ci uhi.

Luke 23:22

Amate kungah a thumveina thu gen a, “Ama in bang sietna a bawl zieha ka khailia ding ahei? Sina ding za-in khielna ama sungah ka mu sih hi; tua ahi ziehin ama satin, tua zaw ciengin ka hla ding hi,” a ci hi.

Luke 23:41

Ei gel pen a man banga thu ei kikhen ahi a, i gamtatna tawh kituoha thaman nga i hi hi, ahi vangin tampa in khielna bangma bawl lo hi,” ci-in a phawhsie hi.

Luke 23:47

Galkapmangpa in thupieng teng a mu ciengin Pasien’ min phatin, “Tam pa pen mawnei lo tahtah khat ahi hi,” a ci hi.

John 19:7

Jew mite in ama kungah, “Kote in thukham khat ka nei vua, ama Pasien’ Tapa a kici ziehin thukham dung zui-in a si dinga kilawm ahi hi,” a ci uhi.

Nasepte 13:28

Amate in sina thukhenna ding za-in ama tungah thu mu sih nan ule Pilat kungah a kitha thei nading a na ngen paupau uhi.

Rome-te 3:19

Kam kici zosie a kihum thei nading le leitung mi vannuoi in Pasien mai-ah sittelna a thuoh thei nadingin, thukham in a gen popo pen thukham nei-a om mite kunga a gen ahi lam tu-in eite in i thei uhi.

1 Timothy 4:2

Tam banga thuhilna pen sia-emsa tawh a lungsim uh a kihalgawsa zuou thugente’ kineitawmna tungtawna ang pieng ahi hi.

Titus 1:16

Pasien thei a kinei vua, ahi vangin a gamtatna utawh ama a nuol uhi. Amate pen a mudahuoi, thu mang lo, nasep hoi khatpo sem dinga a kilawm lo mite ahi uhi.

Hebrews 7:26

Bangzieh ahei cile a siengtho, paubanna a nei lo, a buabang lo, mawneite lah panin a kikoicing, vantungte tunga a kitawisang tua bang siempu lien pa khat nei ding pen a kilawm mama ahi hi.

1 Peter 1:19

mapawn nei lo le nuolbang lo tuuno tawh a kibang a manpha Khris’ sisan tawh ang kitan ahi lam na thei uhi.

1 John 3:12

Gilopa kung pana ang pei a naupa a that Cain i bang sih ding uhi. Tuale bang dinga a sanggam pa a tha ahiei? Azieh pen ama gamtat sie-in a sanggampa a gamtat a dih zieh ahi hi.

Kilaakna 11:10

Tami kamsang nite in leitunga tengte tungah bawlsietna a tunsah ziehun ama’ gel sina hangin leitunga tengte thangpha-in pawi bawlin khatlekhat letsong a kipie ding uhi.

1 Samuel 15:24

Saul in Samuel kungah, “Kei ka khiel zo hi; bangzieh ahei cile mite giingin a thu uh ka man khah ziehin Topa’ thupiehna le nangma’ thute ka palsat zo ta hi.

1 Samuel 15:30

Tua ciengin Saul in, “Kei ka maw zo ta hi; hinanle tu-in ka mi upate mai le Israel mai-ah ei patawi inlen, Topa na Pasien ka bieh thei nadingin kei ei zuikia ta’n,” a ci hi.

1 Samuel 19:5

Philistine-pa tawh a kido lai-in ama’ khut sungah a nuntahna a kham ziehin Topa in Israel-te zosie adingin guolzawna lienpi piengsah hi. Nangma in tam thu na mitin na mu a, na lungdam hi; tua ahi ziehin thu om lopi-in bang dingin David thana tawh maw nei lo mipa tungah maw ding na hei?” a ci hi.