Matthew 27:25 - Zo Bible

²⁵ Tua ciengin mipi zosie in, “Ama’ sisan kote tung le ka suonlehlahte uh tungah tu taheh!” ci-in a dawng uhi.

LAISIENGTHOU CL Bible (BSI)

²⁵ Tuachi’n mipite zousie in, “Asisan pen kouma leh ka tate uh tung ah tu heh,” achi uhi.

Zokam International Version

²⁵ Mipite khempeuh in, "Ama sisan kote tung le ka suan ka khakte uh tungah tu ta hen!" ci-in a dawng uh hi.

Matthew 27:25 Iomraidhean Croise

2 Samuel 1:16

David in ama kungah, “Na sisan na lutungah tu taheh; bangzieh ahei cile na kamham in nangma langkhatah teci pang a, ‘Topa’ sathau nu pa ka that zo ta hi,’ na ci hi,” a ci hi.

1 Kumpite 2:32

Topa in ama’ sisan luonsahna pen ama’ lu tung ma-ah a tusahkia ding hi. Azieh pen ka pa David’ thei lo kalin ama in ama sanga a thumanzaw le a hoizaw mi ni, Israel galkapmang Ner’ tapa Abner le Judah galkapmang Jether’ tapa Amasa a busim a, namsau tawh that hi.

Paikhiatna 20:5

Tuate mai-ah na kun sih ding vua, tuate na bie sih ding uhi; bang ding ahei cile kei pen note’ Topa Pasien, a thangsie Pasien ka hi a, kei ei nuolte tungah a pate uh’ khielna, a khang thumna le a khang lina dongin, a tate uh tungah dan a pie Pasien ka hi hi,

Misimna 35:33

Na tenna uh leitang na buasah sih ding uhi, sisan in leitang buasahin a sisan suohsah pa’ sisan longal tua leitang siensuo thei ding adang om lo hi.

Matthew 21:44

Tami suong tunga a kie poma guoicim ding a, a tungah tami suong kie-in a denkhah popo a tepaal ding hi,” a ci hi.

Nasepte 18:6

Amate in ama langpangin a gensiet ciengun Paul in a puon tunga leivui bangte thingin amate kungah, “Na lutung vuah na sisan uh tu taheh! Kei maw ka peng hi. Tu-a kipanin Gentile-te kungah ka pei ta ding hi,” a ci hi.

Nasepte 5:28

“Tam pa’ min tawh thu na hil nawn lo nadingun khautahin thu kang pieh hi napi na thuhilna un Jerusalem khuo sung teng na dim zo ta vua, ko tungah tam pa’ sisan ang tun nadingin zong na hanciem uhi,” a ci hi.

Nasepte 7:52

Na pu na pate un a bawlsiet lo kamsang koi om ahei? Amate in Midih Pa pei nadinga thu magente a that vua, tu-in note pen tua pa a lehehte le a thatte na suoh ta uhi.

Thupiakkikna 19:10

Tuaci’n Topa na Pasien un na luo ding vua ang pieh ding leitang tungah maw baang lo mi khat’ sisan luong loin, na tung vuah tua sisan mawna ang tun lo nading ahi hi.

Thupiakkikna 19:13

Ama na khuotuo sih ding uhi; note na nopsah thei nadingun Israel-te sung panin maw baang lote’ sisan luonsahna zieha khielna na hemkhie ding uhi.

Joshua 2:19

Na inn sung kotkhah panin mi khatpo pusuohin lam dungah a vahkawi a, sina a tuo leh ama’ sina tungtangah ama in maw puo ding a, ko maw ka peng ding uhi; ahi vangin inn sunga na ompi uh mi khatpo tungah a khut hlangkha ang op leh ama sina tungtangah maw ka puo ding uhi.