Matthew 20:21 - Zo Bible

²¹ Tuale ama in tua nu kungah, “Bang dei na hei? a ci hi. Tua nu in ama kungah, “Na gam sungah tami ka tapa tegel khat na zietlamah, khat na veilamah a to nadingin thu pie in,” a ci hi.

LAISIENGTHOU CL Bible (BSI)

²¹ Tuachi’n Aman amanu kungah, “Bang ahiei na dei?” achi hi. Amanu’n akungah, “Tam ka tapate gel na leenggam ah khat na ziet langah khat na veilang a tou dingin deisahna pie in,” achi hi.

Zokam International Version

²¹ Jesu in, "Bang deih na hi hiam?" ci-in a dong hi. Amah in, "Na gam sungah hih ka tapate gel khat na taklamah khat na veilamah a tut theih nadingun thu hong pia in," a ci hi.

Matthew 20:21 Iomraidhean Croise

1 Kumpite 2:19

Tuaci’n Adonijah tangin ama tungah thu gen dingin Kumpi Solomon kungah Bathsheba a pei hi. Tua nu dawn dingin kumpipa ding a, tuale ama mai-ah a kun hi; tua ciengin a kumpi topha tungah ama to a, tuale kumpipa’ nu to nadingin kumpi topha khat lasahin ama’ zietlamah tua nu a to hi.

1 Kumpite 3:5

Gibeon ah zanlai a mangin Solomon kungah Topa kihil hi; tuale Pasien in, “Kang pieh ding khat ngen in,” a ci hi.

Esther 5:3

Kumpipa in tua nu kungah, “Kumpinu Esther aw, bang thu ahei? Na nget nop bang pen ahei? Nang tungah kumpi gam a phalkhat cieng nangawn ang kipie ding hi,” a ci hi.

Phatna-late 110:1

Topa in ka pu pa kungah, “Na galte na keng ngahna ka hisah masangsie, ka ziet lamah to in,” a ci hi.

Phatna-late 45:9

na numei thupite lahah kumpite’ tanute a om uhi; nangma’ zietlamah Ophir kham tawh a kizem kumpi nu a ding hi.

Jeremiah 45:5

Nangma dinga na lienpi sui na hi amah? Tuate sui da in; bangzieh ahei cile keima in mi zosie tungah gimna ka tungsah ding hi, Topa in ci hi; hizongle nang pen na peina muncin tengah galvan lah bangin na hinna kang pie ding hi,” a ci hi.

Matthew 18:1

Tua hun laitahin Jesu kungah nuazuite pei-in, “Vantung gamah koi lien pen ahei?” ci-in dong uhi.

Matthew 19:28

Jesu in amate kungah, “A tahtah a kang ci-in, na zosie a kibawltha hun, a minthanna mang topha tungah Mihing Tapa ang to hun ciengin, keima ei zui note zong kumpi topha sawm le nite tungah to-in Israel minam sawm le nite tungah thu na khen ding uhi.

Matthew 20:22

Ahi vangin Jesu in, “Na nget uh na theisiem sih uhi. Ka dawn ding hai na dawn zo ngel ding vuoi mah?” ci-in a dawh ciengin ama kungah, “Dawn zo na va ung,” a ci uhi.

Matthew 20:32

Jesu khawlin ama gel hlan a, “Bang hing bawlpieh leng na dei vuoi?” a ci hi.

Mark 10:51

Tua ciengin Jesu in ama kungah, “Bang kang bawlpieh ding na dei ei?” a ci hi. Mittaw pa in ama kungah, “Ka siepa aw, khuo ei musahkia in,” a ci hi.

Mark 16:19

Topa Jesu in amate kungah tua banga a gen zaw ciengin vantungah ama kilato a, Pasien’ zietlamah a to hi.

Mark 6:22

A tanu Herodias sungtumin a lam ciengin tua nu in Herod le a zinte a lungkimsah mama hi; tuale kumpipa in ngahnu nu kungah, “Na dei popo ngen in, kang pie ding hi,” a ci hi.

Luke 18:41

“Bang hing bawlpieh leng na nuom ei?” ci-in dong hi. Ama in, “Topa aw, khuo ei musahkia in,” a ci hi.

Luke 19:11

Jerusalem ah Jesu a tung dihtah a, amate in Pasien’ manggam ang tung pai dingin ngaisun uh ahi ziehin, a thugente a na ngai laitahun ama in a ban zomin thugentena khat a gen hi.

Luke 22:24

Amate lahah koi lienpen ding ahei, ci-in a nuazuite khatlekhat a kisel uhi.

John 15:7

Keima sungah na op vua, note sungah ka thu a op leh na dei popo ngen locin note adingin ang kibawlpieh ding hi.

Nasepte 1:6

Tuaci’n amate a kikhop ciengun ama kungah, “Topa aw, Israel-te tunga kumpi’ gam na piehkia ding tuhun a ta amah?” ci-in dong uhi.

Rome-te 12:10

khatlekhat na ki-it tuoh unlen ki-zatah bawlna lamah khatlekhat a sangzaw-in na kidem un.

Rome-te 8:34

Mawsah thukhen ding koi pen ahiei? Sina a thuoh beh tham loin sina panin thokia a, Pasien’ zietlamah a om, eite adinga thu ei ngetpieh pa khu Khris Jesu ahi hi.

Colosse-te 3:1

Tuaci’n Khris tawh a thoto zo na hi tah uleh, note in Pasien’ zietlam kumpi topha tunga a to Khris opna mun ahi tunglam nate sui-in nei un.