Matthew 15:28 - Zo Bible

²⁸ Tua bepin tua nu kungah, “Numei aw, na upna lien mama ei! Na deina bangin nang adingin pieng taheh,” ci-in a dawng hi. Tuale thakhatthu-in a tanu a dam pai hi.

LAISIENGTHOU CL Bible (BSI)

²⁸ Tuachi’n Jesu’n adawnga, amanu kungah, “Numei aw, na ginna thupi hina va-ia e, na lunggul bang tahin na tungah umta heh,’” achi hi. Tuachi’n atanu khu tua hun mama in adamta hi.

Zokam International Version

²⁸ Tua ciangin Jesu in, "Numei aw, upna lian na nei hi! Nong nget bangin kong pia hi," ci-in a dawng hi. Tua hun lianin a tanu a dampah hi.

Matthew 15:28 Iomraidhean Croise

Job 13:15

En vawi, ama in kei ei that ding hi; keima in kinepna ka nei sih hi; ahi vangin ama’ maitangah ka kihunna thu ka gen veve ding hi.

Job 23:10

Ahi vangin ama in ka zawi teng ei thei hi; ama in kei ei zelah ciengin kham bangin ka pawtkhie ding hi.

Phatna-late 145:19

Ama a zatah mi zosie’ deina ama in tangtungsah hi; ama in amau’ kikona zong za-in, amate a hundam hi.

Tamlawhna 3:32

Ama in ei lungkhamsah nanle ama’ ei itna kip dung zui-in lainatna ei nei ding hi;

Matthew 14:31

Jesu in thakhatin a khut tawh zamin man phei pai a, ama kungah, “Upna neu mipa aw, bang dinga lunghimaw na hei?” a ci hi.

Matthew 15:27

Tua nu in, “Hi ma hi, Topa aw, ahi vangin uite nangawn in a pute’ sabuoi pana a kie annengte a ne uhi,” a ci hi.

Matthew 8:10

Jesu in a thugen a zah ciengin lamdangsa a, tuale ama a zuite kungah, “A tahtah a kang ci-in, Israel-te sungah tam bang upna a nei koima ka mu sih hi.

Matthew 8:13

Tuale Jesu in galkapmangpa kungah, “Pei in; na upna bangin na tungah kibawl taheh,” a ci hi. Tua hun ma-in a nasempa a dam pai hi.

Matthew 9:22

Jesu zong kinuahei-in tua nu a mu ciengin ama in, “Ka tanu aw, lungmuongin om in; na upna in ang damsah zo ta hi,” a ci hi. Tuale thakhatthu-in numei nu a dam pai hi.

Mark 5:34

Ama in tua nu kungah, “Ka tanu aw, na upna in nang ang damsah zo hi; na natna pan dam inlen lungnuomtahin na pei ta’n,” a ci hi.

Luke 17:5

Sawltahpite in Topa kungah, “Ka upna uh hing khangsah in!” a ci uhi.

Luke 7:50

Tuale Jesu in numei nu kungah, “Na upna in nang ang hundam zo hi; lungmuong tahin pei in,” a ci hi.

Luke 7:9

Jesu in tami thu a zah ciengin lamdang sa a, ama a zui mipite lamah kihei-in, “Note kungah kang ci-in, Israel-te lah nangawnah zong tam bang upna ka mu ngai nai sih hi,” a ci hi.

2 THESSALONIKA 1:3

Sanggamte aw, na upna uh nahpi tahin khangin khatlekhat na ki-itna uh zong khang semsem ahi ziehin, note adingin Pasien tungah lungdam ka ko zing ding uh a kilawm ahi hi.

1 Samuel 2:30

Tua ziehin Israel-te’ Pasien Topa in a tangko hi: ‘Na innkuonpi le na pu na pate’ innkuonpite ka mai-ah a sungtum a pusuoh thei zing ding uhi,’ a ci hi; ahi vangin tu-in Topa in a tangko hi: ‘Tua bang hi thei nawn lo ding hi; bang ding ahei cile kei ei patawite ka patawi ding a, kei ei simmawte ka simmaw ding hi.