Mark 8:12 - Zo Bible

¹² A lumgsim tawngah nahpi-in khuisa-in, “Bang dinga tam khang mite in lim a nget uh ahei? A tahtah a kang ci-in, tam khang mite tungah bangma lim a kipie poma sih ding hi,” a ci hi.

LAISIENGTHOU CL Bible (BSI)

¹² Hinanleh Ama khu alungsim in anah huoi a, “Bangding a tulai khangthaten chiemtena sui ahi uoi? Chitahtah in ka hing hil ahi, tulai khangthate kungah chiemtena mawngmawng akipesih ding hi,” achi hi.

Zokam International Version

¹² Amah nakpi in khuisa-a, "Bang hangin hih khang mite in lim lamdang ngen uh ahi hiam? Thutak kong geninah, amaute tungah lim bangmah a kilak kei ding hi," a ci hi.

Mark 8:12 Iomraidhean Croise

Isaiah 53:3

Midangte in ama simmaw-in a nuol uhi; gimna a thuoh mipa le natna tawh kilawi lo pa ahi hi; tuale mite in mu nuom loin midangte in a mai uh a humsan mipa bangin ama kisimmaw a, eite in zong bangma-in i sim sih hi.

Matthew 12:38

Tua ciengin thukham hil sie pawlkhat le Pharisee-te in ama kungah, “Siepa aw, “Nang tung panin lim lamdang khat ka mu nuom uhi,” a ci uhi.

Matthew 16:4

A gilo le angkawm khang mite in lim lamdang ngen uhi, ahi vangin amate tungah Jonah’ lim longal bangma lim kipie lo ding hi,” a ci hi. Tua ciengin amate nuasie-in a peikhie hi.

Mark 3:5

Ama in lungthah mai tawh amate a en kawikawi hi; a lungtang uh a khauh ziehin ama da mama a, tua mipa kungah, “Na khut zah vawi,” a ci hi. Ama in a khut a zah leh a khut a dam pai hi.

Mark 6:6

Amau’ up lona pen ama in lamdang a sa hi. Tua ciengin ama in khuotate lahah thuhilin a zin kawikawi hi.

Mark 7:34

Tua ciengin ama in van lam ento a, khuisa-in tua pa kungah, “Ephphatha,” a ci hi. Tua pen, “Kihong in,” a cina ahi hi.

Mark 8:13

Tuale amate nuasie-in gunkuong tungah katokia a, galkhat lamah a pei hi.

Mark 9:19

Ama in a kung vuah, “No upna nei lo khang mite aw, note lahah bang tanvei hing om nalai ding ka hei? Note bang tanvei hing thuoh zo lai ding ka hei? Ka kungah ama hing peipi un,” a ci hi.

Luke 19:41

Jerusalem a tun kuon, khuopi a mu ciengin ama in tua khuopi kaa a,