Luke 7:12 - Zo Bible

¹² Khuopi tunkot a tun kuon ciengun vui dingin mi sisa khat na kizawng hi. Ama pen a nu in tapa khat tanga a nei ahi mel a, ama zong meigong khat ahi hi; tua khuopi panin tua nu tawh mi honpite a om uhi.

LAISIENGTHOU CL Bible (BSI)

¹² Tualeh khopi kotpi kung ahing tunin, Ngai vawi, mishi khat ahing zawngkhie ua, anu tapa neisun ahi a, amanu meithai ahi a, tua khuo a mipi tampi akungah a um uhi.

Zokam International Version

¹² Amah tua khuapi kongpi a tun kuan ciangin meigongnu khat tapa khat neihsun a sisa in a kizawngkhia hi. Tua khuapi panin mihonpi in tua meigongnu a zui uh hi.

Luke 7:12 Iomraidhean Croise

Piancilna 22:12

Ama in, “Naupangpa tungah na khut nga sin. Ama bangma law sin. Azieh pen tu-in Pasien na giin lamtah ka thei ta hi, bangzieh ahei cile na tapa, na tapa khat na neisun kei adingin na it lo lam ka thei hi,” a ci hi.

Piancilna 22:2

Ama in, “Na it na tapa, na tapa neisun Isaac zawpi inlen Moriah gamah pei in. Khum muna nang kunga kang lah ding muoltung khatah meihal biehna-in ama ei pie in,” a ci hi.

2 Samuel 14:7

Tu-in a innkuon buppi-un na nasem nu’ langkhatah a ding uhi. Amate in, ‘Ama in a tha a sanggampa’ hinna tangin ama ka tha thei nadingun a sanggampa a satpua pa ei pie in, gamhluo pa nangawn zong ka susie ding uhi,’ ei ci uhi. Amate in a omlai ka kinepna pa tua bangin ei suhsietpieh vua, leitungah ka pasal’ min le a suonlehlah themkhat zong a om lo dingin ei bawl uhi,” a ci hi.

1 Kumpite 17:12

Ahi vangin tua nu in, “Topa na Pasien a hing ahi ma bangin bangma moh emsa ka nei vawt sih hi, beel sungah annel khutdim khat le um sungah sathau halkhat beh ka nei tabo hi; tu-in inn ah pei-in keima le ka tapa adingin tuate bawlin ka neh thei nadingun singkang ni hawkhat a tom dinga ang kuon ka hi a, tuate ka neh zaw cieng gel le a si ding ka hi mai gel hi,” a ci hi.

1 Kumpite 17:18

Tua zaw ciengin tua nu in Elijah kungah, “Pasien’ mipa aw, bang dinga nei langpan ahei? Ka mawna ei phawhsah ding le ka tapa sisah dinga ka kunga hing pei na hi hi!” a ci hi.

1 Kumpite 17:23

Elijah in tua naupangno la-in, innkhan tungnung panin a inn sungah zawpi a, a nu kungah tut hi; tua ciengin Elijah in, “En in, na tapa hing zo hi,” a ci hi.

1 Kumpite 17:9

“Tu-in Sidon mite’ khuo Zarephath ah pei inlen khumnah va teng ta’n; azieh pen nang ang va dingin meigong numei khat thu ka pie zo hi,” a ci hi.

2 Kumpite 4:16

Ama in, “Khuovei tu bang hun ciengin tapa khat na tawi ding hi,” a ci hi. Tua nu in dawng a, “Hi lo hi, ka pu Pasien’ mipa aw; na nasemnu sol sin,” a ci hi.

2 Kumpite 4:20

Ama in domin a nu kungah peipi hi; a nu’ phei tungah sunkim dongin to a, tuale ama a si hi.

Job 29:13

Keima tungah mi lungkhamte’ thupha ang tung a, keima in meigongte lungnuomin la ka sasah hi.

Zechariah 12:10

Keima in David innkuon le Jerusalem-a tengte tungah lainatna le thungetna lungsim ka sungsuh ding a, tuaci’n a sutpailetsa uh mipa khat enin a tapa neisun kaa bangin a kap ding vua, a tapa masapen kaa bangin nasie tahin a kaa ding uhi.

Luke 7:11

Tua zaw a sawt loin Nain kici khuo ah ama pei a, a nuazuite le mihonpi zong ama tawh a zawhton uhi.

Luke 7:13

Topa in tua nu a mu bepin a khuotuo nah mama a, ama kungah, “Kap sin,” a ci hi.

Luke 8:42

Bangzieh ahei cile ama in kum sawm le kum ni bang a pha tanu khat beh nei a, tua nu cina-in si dihtah hi. Ama a pei laitahin a kimvelah mipite a kiphul valuh uhi.

Luke 8:52

Amate a unpi-un kap le mau-in a na om uhi; ahi vangin ama in, “Kap sih un; azieh pen ama a si ahi sih a, a kimu ahi bo hi,” a ci hi.

John 11:19

a sanggampa uh a si ziehin ama gel hlai dingin Mary le Martha-te kungah Jew mite tampi a haw uhi.

Nasepte 9:39

Tuaci’n Peter zong dingin amate tawh a zawhton pai hi; ama a tun ciengin amate in inndan tungnungah ama a zawpi uhi. Peter gei-ah meigong zosie a ding vua, a kaa kawmun Dorcas tawh a opton lai vua a gat songkholte le puontuolte ama a ensah uhi.

Nasepte 9:41

Ama in tua nu a khut hlahin a dingsah hi. Tua ciengin misiengthote le meigongte hlan a, tua a hing numei nu a ensah hi.

James 1:27

Pa Pasien mai-ah a siengtho le a buabang lo biehna i ci in: Tagate le meigong meithaite’ hahsatnate ah va kep va khoi ding le leitung’ buana panin kikoicing ding ahi hi.