Luke 18:32 - Zo Bible

³² Azieh pen Gentile mite khut sungah ama ki-ap ding hi; tuale ama kisimmaw-in, kizako-in, kicilphit ding hi.

LAISIENGTHOU CL Bible (BSI)

³² Aziehpen Ama khu Jentelte khuta piehkhieh ahi ding a, chiemmui bawlna’n anei ding ua, zumhuoitahin chil aphit khum ding uhi;

Zokam International Version

³² Gentile-te khutah amah a piakhia ding uh hi. Tuate in amah zahko-in, engbawlin, cilphih-in, satin that ding uh hi.

Luke 18:32 Iomraidhean Croise

Isaiah 50:6

Kei ei vuote ka elzang ka daw a, ka khamul a botkieute ka bieng ka daw hi; zakona le cilphitna panin ka maitang ka phuol sih hi.

Isaiah 52:14

Ama lamdang a sa mi tampi a op ma bangin, a meelpuoh dan pen mi zong sun nawn loin a meel kisiegawp a, mihing bang nawn loin a guong zong kisie hi.

Isaiah 53:3

Midangte in ama simmaw-in a nuol uhi; gimna a thuoh mipa le natna tawh kilawi lo pa ahi hi; tuale mite in mu nuom loin midangte in a mai uh a humsan mipa bangin ama kisimmaw a, eite in zong bangma-in i sim sih hi.

Micah 5:1

Tu-in na kimvelah kul tawh ang ki-im hi; i langkhatah sim dingin ei kikuikhum hi; amate in ciengpum tawh Israel gam uhpa’ pheta a sat uhi.

Matthew 16:21

Jerusalem ah Jesu pei-in ama in upate, siempu liente, thukham hil siete khut sungah gimna lienpi thuoh valon ding a, tuale ama kithatin a ni thum ni-in kithosah ding hi, ci thute khum hun a kipanin a nuazuite a theisah hi.

Matthew 20:19

tua ciengin zako ding, sat ding le singlamte tunga khailia dingin Gentile-te tungah a ap ding uhi; tuale a ni thum ni-in ama kithosah ding hi,” a ci hi.

Matthew 22:6

a omlai teng in ama’ silate manin bawlsie-in na that uhi.

Matthew 26:67

Tua ciengin amate in a maitang cil phi-in a vuo uhi; tuale kimkhatte in a phebeh vua,

Matthew 27:2

Amate in lep-ia sa-in a zawpi vua, gam uhpa Pilat khut sungah a ap uhi.

Mark 14:65

Mi pawlkhat in cilphitin a mai tunpiehin a beng gawp vua, “Hing gen vawi!” a ci uhi. A cingte in zong peipi-in ama a beng gawp uhi.

Mark 15:1

Zingmawng tungin siempu liente in upate, thukham hil siete le vaihawm teng zosie tawh kikupna khat a nei uhi. Amate in Jesu henin a peipi vua, Pilat kungah a ap uhi.

Luke 18:33

Amate in ama a sat gawp zaw uh ciengin a that ding vua, tuale a nithum ni ciengin a thokia ding hi,” a ci hi.

Luke 23:1

Tua ciengin a kikhawm mipite dingin Pilat kungah Jesu a peipi uhi.

Luke 23:11

Herod le a galkapte in simmaw bawlin a ko gawp vua, puontuol hoi mama khat a silsah zaw ciengun Pilat kungah a puohkia uhi.

Luke 23:35

Mipite dingin a en uhi; ahi vangin upate in a zako vua, “Ama in midangte hundam hi; Pasien’ Messiah le a teel pa tahtah ahile ama le ama kihundam taheh!” a ci uhi.

John 18:22

Ama in tam teng a genzaw ciengin a gei-a a ding palihte khat in Jesu phebeh a, “Siempu lien pa tam banga na dawn ding ma amah?” a ci hi.

John 18:28

Tua ciengin amate in Caiaphas inn panin Pilat’ kumpi inn ah Jesu a peipi uhi. Tua hun pen zingmawng phalva pat ahi hi. Biehna ngaina tawh kisai bua bannate tawh kipelin Peisan pawi a neh thei nadingun kumpi inn sungah amate a lut sih uhi.

John 18:30

Amate in, “Tam pa in sietna a bawl lo hi leh na kungah kang ap sih ding uhi,” ci-in a dawng uhi.

John 18:32

(Tam pen bangci banga sina thuoh ding ci, Jesu in a gensa thute a tangtun nading ahi hi.)

John 18:35

Pilat in, “Kei Judah mi ka mah? Na mite le siempu liente in ka kungah nang ei ap zo hi. Bang ahiei na bawl?” ci-in a dawngkia hi.

Nasepte 2:23

Pasien in ama’ ngimna le a theikholna bangin note khut sungah tam pa ang piekhie a, note in singlamte tungah khai-in migilote’ khut tawh ama na that uhi.

Nasepte 3:13

I pupite ahi Abraham, Isaac, le Jacob-te’ Pasien in a nasempa Jesu a minthangsah zo hi. Tua pa pen Pilat in hla dingin a khensat vangin note in ama na niel vua, Pilat mai-ah tha dingin na pie ta uhi.