Joshua 6:17 - Zo Bible

¹⁷ Khuopi le a sunga om zosie Topa tungah biehna-in kisusie ding hi. Ama in i sawl uh kamtaite a na phuol ziehin numei pahtat Rahab le ama tawh a inn sunga om teng beh hing ding uhi.

LAISIENGTHOU CL Bible (BSI)

¹⁷ Tam khopi leh asunga um zousie Mangpa a dinga hamsethuoh leh suhmang thang dinga kipesa ahita, Rahab kizuanu leh a innsunga akunga um zousiete pen, imi sawlte ana phuol ziehin ahing ding uhi.

Zokam International Version

¹⁷ Khuapi le a sunga om khempeuh TOPA tungah ki-ap d ding hi. Numei kizuak e Rahab in ei sawl thukansimte na selsak ahi manin ama inn sunga amah tawh a omkhawm teng bek kihawi ding hi.

Joshua 6:17 Iomraidhean Croise

Piancilna 12:3

Nang thupha ang piete thupha pie-in, nang ang samsiete ka samsie ding hi; nang tungtawnin leitung minam zosie in thupha a ngalaw ding uhi,” a ci hi.

Ezra 10:8

ni thum sunga a tung lo khatpo a op leh uliente le upate’ thupieh dung zui-in a neisa zosie uh kiman ding a, amate mama in saltang mihonte lah panin hawlkhie ding uhi.

Isaiah 34:6

Topa in namsau khat nei hi; tua khu sisan kinoinat hi a, tuuno si le kel si, tuutangte’ a kal thau tawh kizutzol hi. Azieh pen Topa in Bozrah ah biehpiehna khat nei a, Edom gam sungah kithana lienpi om hi.

Jeremiah 46:10

Khum ni pen Vanglien Topa’ ni ahi a, phu a kilahkia ni, a galte tung panin dih tanna a nga ni ahi hi. Namsau in amate valtum ding a, a du ta sih ding hi. A kham dongin a si uh a dawn ding hi. Bang ding ahei cile Vanglien Topa in Euphrates gun gei sah lamah kithoina khat a nei hi.

Ezekiel 39:17

Mihing aw, nangma tawh kisai-in Topa Pasien in tam bangin gen hi: Va namcin le gamsa zosie kungah tam bangin gen in: Hing kikhawm unlen hing pei un. Israel muolte tungah note adinga ka bawl biehpiehna pawi lienpi sim dingin na kimvel zosie panun ang kisutuo-in note in a sa ne-in a si na dawn ding uhi.

Siampi Laibu 27:21

Ahi vangin jubilee hun sungin tua lo a kipieh ciengin Topa tunga ki-apsa lo bangin a siengtho hi ding hi; tua khu siempupa-a’ hi ding hi.

Micah 4:13

Zion tanu aw, tho-in cil in, azieh pen na ki sia-in ahi a, na kephang sumngo-in ahi zongin ka bawl ding hi; mi tampite tuoncilin, Topa tungah amau’ neisate na pie ding a, leitung buppi a uh Topa tungah amau’ hauna teng na pie ding hi.

Matthew 25:40

Kumpipa in amate kungah, ‘A tahtaha kang ci-in, tami ka innkuonpite lahah a neupen khat tunga na bawlte uh kei tunga a bawl na hi uhi,’ a ci hi.

1 Corinth-te 16:22

Topa a it lo a koima po in samsiet thuoh taheh. I Topa ang pei hi!

1 Corinth-te 2:7

Ahi vangin kote in leitung pien masang peha eite minthan nadinga Pasien in a na sekholsa Pasien’ pilna, a thusim le a phuolsel thute ka gen uhi.

Galatia-te 3:10

Azieh pen thukham zuina tunga a kinga mi zosie pen samsietna nei-a om ahi uhi; bang ding ahei cile, “Thukham laibu sunga kigiel thu zosie zui-in a mang lo mi zosie in samsietna a thuoh uhi,” ci-in kigiel hi.

Galatia-te 3:12

Hizongle upna tungah thukham a kinga sih hi; tuale mahin, “Thukham a zui mi poma tuate ma tawh a nungta ding hi,” ci-in kigiel hi.

Thupiakkikna 20:17

Topa na Pasien un thu ang piehsa bang lienin Hit-te le Amor-te, Canaan-te le Perez-te, Hiv-te le Jebus-te na sumaimang ding uhi.

Hebrews 11:31

Numei pahtat nu Rahab in upna tawh thukante hoi tahin zin a na do ziehin, thumang lo mite tawh ama kisieton lo hi.

Hebrews 6:10

Bangzieh ahei cile Pasien a thutang lo ahi sih hi; ama in na nasepna uh, ama hang tawh misiengthote na vana ule na va lai dingte uh tungah itna na lahnate uh ang kitheimaw bawl sih ding hi.

James 2:25

Tua ma bangin numei pahtat Rahab in zong thukante zin tungsahin lampi dang khatah a sawlkhiet hun lai-in, a gamtatna ziehin dih kitangsah hi lo amah?

Joshua 2:1

Tua ciengin Nun’ tapa Joshua in Shittim panin thukan ding mi ni sawl a, “Pei-in gam va en ta unlen, a diehdiehin Jericho khuo va en ta un,” a ci hi. Ama gel zong pei pai-in Rahab kici numei pahtat khat’ inn ah tungin a gieh uhi.

Joshua 2:22

Ama gel dingkhie-in muol tung lamah a pei vua, a delte a kilekia masangsie-in khum munah ni thum sung a om uhi. A delte in lam tungtawnin a sui vua, bangma a mu sih uhi.

Joshua 7:1

Hinanle a ki-ap vante tawh kisai-in Israel-te tam bangin a zuoutat uhi: Judah minam Zerah’ tapa Zabdi, a tapa Carmi, a tapa Achan in a ki-ap vante pawlkhat a la hi; tuale Israel-te tungah Topa’ lungthahna a kuong hi.

1 Samuel 15:3

Tu-in kuonin Amalek-te va sim unlen, a neisa zosie uh va susiemang ta un; amate hinkhawi loin numei le pasal, nausen le nawitep laite, bawngtang le tuu, kalaoh le laa-te that sieng un,’ ci hi,” a ci hi.

1 Samuel 15:6

Saul in Ken-te kungah, “Pei un! Dingdawh un! Amalek-te lah panin kihemkhie un, tua ahi sihle amate tawh kang susie ton ding hi; azieh pen Egypt panin a peito lai-un Israel mi zosie tungah migitna na lah uhi,” a ci hi. Tuaci’n Amalek-te lah panin Ken-te a kihemkhie uhi.