Joshua 11:3 - Zo Bible

³ nisuona le nitumna lama om Canaan-te, Amor-te, Hit-te, Periz-te, muoltung gama om Jebus-te, Mizpah gam Hermon nei-a om Hiv-te kungah thu a puoh hi.

LAISIENGTHOU CL Bible (BSI)

³ Suolam leh tumlam a um Kanaan mite kungah, tanggam aum Amormite leh Hitmite, Perizmite, Jebusmite leh Mizpah gam Hermon muol nuoi a um Hivmite kungah mi asawl a.

Zokam International Version

³ nisuahna le nitumna a om Canaan-te; mualtung gama teng Amor-te, Hit-te, Periz-te, le Jebus-te kiang; le Mizpah kuala om Hermon nuai lama teng Hiv-te kiangah thu a puak hi.

Joshua 11:3 Iomraidhean Croise

Piancilna 31:49

a khuom pen Mizpah ci hi. Azieh pen Laban in, “Ei tegel khatlekhat i opton lo ciengin Topa in nang le kei kikalah ei cing tuoh taheh.

2 Samuel 24:16

Ahi vangin Jerusalem a susie dingin vantungmi in a khut a zah laitahin Topa in sil hoi lo bawl ding ki-awi loin mite lahah sietna bawlpa vantungmi kungah, “Pha zo ta; tu-in khawl ta’n,” a ci hi. Tua ciengin Jebus-te Araunah’ ancilna gei-ah Topa’ vantungmi a om hi.

2 Samuel 24:7

tuale Tyre kulpi, Hiv-te le Canaan-te’ khuopi zosie-ah a amate tung uhi; tuale khum panin Judah-te’ Negeb lam Beer-sheba ah a pei uhi.

1 Kumpite 15:22

Tua ciengin kumpi Asa in Judah gam sung zosie-ah koima a pelem om loin tangtawhna khat a bawl hi: Amate in Baasha in khuo lamna-a a zah Ramah-a sing le suongte a nawn sieng uhi; tuate tawh Kumpi Asa in Benjamin-te’ khuo Giba le Mizpah a lam hi.

1 Kumpite 9:20

Israel mi ahi lo Amor-te, Hit-te, Perez-te, Hiv-te, le Jebus-te sung panin a omlai mi zosie,

Phatna-late 133:3

Tua pen Zion muolte tunga a kie, Hermon daitui tawh kibang hi. Bang ding ahei cile Topa in hin dendenna ama’ thupha tua munah a pie hi.

Phatna-late 89:12

Leilu lam le leitaw lam, nangma’ piensah ahi hi; Tabor le Hermon muolte in kipahtahin na min a phat uhi.

Zailate’ Zaila 4:8

Keima’ angkawi ding nu aw e, Lebanon pan kei tawh zawh vai. Lebanon pan kei tawh zawh vai. Sangsa limlien humpi zalna kuo le sangsa kamkei sawl bang heina a lenmuolte, lenmuol Amana aw, Amana kuivum lenmuol Senir, Hermon-te khu nungsie inlen macieng suon in.

Jeremiah 40:10

Kei ka hi leh eite kunga ang pei ding Chaldea-te mai-ah note tanga a ding dingin Mizpah ah ka om ding hi; ahi vangin note na hi uleh lenggazu, khal singgate le sathaute khawmin na beel sung vuah koi unlen, na lahsa uh khuote ah teng un,” a ci hi.

Jeremiah 40:6

Tua ciengin Ahikam’ tapa Gedaliah’ opna Mizpah ah Jeremiah pei a, ama tawh gam sunga kinuasie mite lahah a teng hi.

Jeremiah 41:14

Tuaci’n Ishmael in Mizpah panin sal dinga a mat mi zosie kinuahei-in Kareah’ tapa Johanan kungah a peikia uhi.

Jeremiah 41:3

Ishmael in Mizpah ah Gedaliah tawh a omton Judah mi zosie le tua sunga a om Chaldea galkapte zong that hi.

Misimna 13:29

Negeb gamah Amalek-te a teng uhi; muoltung gamah Hit-te, Jebus-te, le Amor-te teng uhi; tuipi gei le Jordan gun dungah Canaan-te a teng uhi,” ci-in a gen uhi.

Thupiakkikna 4:48

Arnon Lui monga om Aroer panin Sirion Muol dong (khum pen Hermon kici) kihlungsuh a,

Thupiakkikna 7:1

Topa na Pasien un na luo ding uh gamah hing puohin na lut ciengun, na mai vuah no sanga a thahatzaw le a tamzaw minam sagite ahi Hit-te, Girgash-te, Amor-te, Canaan-te, Perez-te, Hiv-te, le Jebus-te delmangin,

Joshua 11:17

Seir lama kihlungto Halak Muol panin Hermon Muol nei Lebanon kuoma om Baal-gad cieng dong a la hi. Ama in a kumpi zosie uh man a, vat gawpin a that hi.

Joshua 11:8

Topa in Sidon Lien le Misrephoth-maim cieng dong, le nisuona lam Mizpeh kuom dong amate a del Israel-te’ khut sungah amate a pie hi. A suohta khat beh a om nawn lo dongin a that gam uhi.

Joshua 13:11

Gilead le Geshur-te’ gam le Maacath-te’ gam, le Hermon Muol zosie, le Salecah dong Bashan gam zosie;

Joshua 13:5

le Gebal-te’ leitang, le Lebanon gam zosie, nisuona lamah Hermon Muol nei-a Baal-gad panin Lebo-hamath cieng dong,

Joshua 15:38

Dilan, Mizpah, Jokthe-el,

Joshua 15:63

Ahi vangin Judah mite in Jerusalem-a teng Jebus-te a notkhie zo sih uhi, tuaci’n tuni dongin Jebus-te pen Judah mite tawh Jerusalem-ah a tengton uhi.

Joshua 18:26

Mizpah, Chephirah, Mozah,

Joshua 3:10

Joshua in, “Na lah vuah a hing Pasien omin ama in na mai panun pel loin Canaan-te, Hit-te, Perez-te, Girgash-te, Amor-te, le Jebus-te a nawkhietna tami thu tawh na thei ding uhi:

Thukhente 20:1

Tua ciengin Israel-te zosie, Dan panin Beer-sheba dong, Gilead gam zong a kihal, a kuon vua, Topa mai Mizpah ah kengkhatkhai bangin mihonpi a kikhawm uhi.

Thukhente 21:5

Tua ciengin Israel-te in, “Israel minamte zosie sung panin Topa kunga kikhopna ah koi teng hing pei lo ahei?” a ci uhi. Bangzieh ahei cile Topa kunga a pei lo mite tawh kisai-in Mizpah ah kiciemna lienpi khat a bawl vua, “Tua mipa kithat ding hi,” a ci uhi.

Thukhente 21:8

Tua bepin amate in, “Topa kung Mizpah ah Israel minamte ang pei lo a om ei?” a ci uhi. Amate in Jabesh-gilead panin kikhopna giephuolah koima khat beh a pei lo lam a phawh uhi.

Thukhente 3:3

Philistia gamuh mi ngate, Canaan-te zosie, Sidon-te, le Baal-hermon Muol panin Lebo-hamath lutna cieng dong Lebanon Muol tunga teng Hiv-te ahi hi.

Thukhente 3:5

Tuaci’n Canaan-te, Hit-te, Amor-te, Periz-te, Hiv-te, le Jebus-te’ lahah Israel-te a teng uhi;

1 Samuel 10:17

Samuel in Mizpah-a Topa kungah mite khawm a,