John 5:10 - Zo Bible

¹⁰ Tuaci’n Jew mite in damna nga pa kungah, “Tuni pen Sabbath ni ahi hi; na lupna puoh pen thukham tawh kituoh lo hi,” a ci uhi.

LAISIENGTHOU CL Bible (BSI)

¹⁰ Tuaziehin Judaten suhdam a umpa kungah, “Khawlni ahia, na netpha na puoh dan ahi sih hi,” achi uhi.

Zokam International Version

¹⁰ Tua ahitak ciangin Jew-te in a kidam sakpa kiangah "Sabbath ni ahi hi, thukham in phek na puak ding kham hi," a ci uh hi.

John 5:10 Iomraidhean Croise

Isaiah 58:13

Sabbath thuse lona pan le keima’ ni siengtho ni-a note’ deilam na sepnate panun na kikoicing zo vua, sabbath ni dei huoi sa-in, Topa’ ni siengtho pen note in patawi huoi na ci vua, noma’ lampi ciet zui loin, noma’ phattuom nading beh sem loin, noma’ vai beh na sep sih vua, na patawi uleh,

Jeremiah 17:21

Topa in tam bang ci hi: Na hin nadingun Sabbath ni-in van na puoh lo nading ule Jerusalem tunkotte ah tuate na lutpi lo nadingun kidawm un.

Jeremiah 17:27

Ahi vangin Sabbath ni sienthosah ding le Sabbath ni-in Jerusalem tunkotte ah van puo-in lutpi lo ding hi, ci thute ah ka thu na man sih uleh keima in a tunkotte ah mei ka tawkuong ding hi; tua mei in Jerusalem kumpi innte katumin kiphel zo nawn lo ding hi, Topa in ei ci hi.

Matthew 12:10

tua tahah a khutzaw mi khat om a, amate in a mawsah thei nadingun ama kungah, “Sabbath ni-in cina damsah ding a kilawm ma amah? ci-in a dong uhi.

Mark 2:24

Pharisee-te in ama kungah, “En in, bang dinga amate in Sabbath ni-a bawl dinga kilawm lo nate bawl uh ahei?” a ci uhi.

Mark 3:4

Tua ciengin ama in amate kungah, “Sabbath ni-in a pha bawl ding le a sie bawl ding, mihing hinna hutdam ding le mi tha ding koi pen thukham tawh a kituoh ei?” a ci hi. Ahi vangin amate a sip dide uhi.

Luke 13:14

Ahi vangin Jesu in Sabbath ni-in cina a damsah ziehin kikhopna inn uhpa lungthah a, mihonpite kungah, “Nasep hun ding ni guh tah a om hi; a kidamsah dingin tuami hun sungin hing pei unlen, sabbath ni-in hing pei sih un,” a ci hi.

Luke 23:56

Tua ciengin amate kinuale kia-in panamtui le sathaute a baisa-in a koi uhi. Thukham dung zui-in sabbath ni-in amate a toi-om uhi.

Luke 6:2

Ahi vangin Pharisee-te pawlkhat in, “Sabbath ni-a bawl dinga kilawm lo nate bang dinga na bawl uh ahei?” a ci uhi.

John 1:19

Jew mite in, “Nang koi na hei?,” ci-in John a dong dingin Jerusalem panin siempute le Levi-te a sawl lai-un, John’ teci panna tam bang ahi hi.

John 5:11

Ahi vangin ama in amate kungah, ‘Kei ei damsah pa in na lupna la inlen pei in,’ ei ci hi,” ci-in a dawng hi.

John 5:15

Mipa pei-in ama a damsah pa Jesu ahi hi, ci-in Jew mite kungah a gen hi.

John 5:16

Sabbath ni-in Jesu in tam bang nate a sep ziehin Jew mite in ama bawlsiet ding a kipan uhi.

John 7:23

Moses’ thukham a kipalsat lo nadingin sabbath ni-in mi khat’ tep kitan thei ahileh sabbath ni-in mi khat’ pumpi ka damsah ziehin bang dingin kei tungah lungthah na hi uh ahei?

John 9:16

Pharisee-te pawlkhat in, “Tam mipa in Sabbath ni tang lo ahi ziehin Pasien kung pan hi lo ding hi,” a ci uhi. Ahi vangin adangte in, “Mawnei mi khat in tam bang lim lamdangte bangci bawl thei ding ahei?” a ci uhi. Tuale amate lahah kikhenna a om hi.