Jeremiah 7:8 - Zo Bible

⁸ En un, kimanna a nei lo zuouthu kigente na tahsang talawm uhi.

LAISIENGTHOU CL Bible (BSI)

⁸ “En un, phattuomna neilou zuouthute na tahsang uhi.

Zokam International Version

⁸ Ahi hangin en un, kimanna a nei lo zuau kammalte na muang uh hi.

Jeremiah 7:8 Iomraidhean Croise

Isaiah 28:15

Azieh pen note in, “Sina tawh thuciem khat i bawl zo ta vua, Misikhuo tawh thukimna khat i nei zo ta uhi; sietna tuihuol in ei nawkhah ciengin ei ban loding hi; azieh pen eite in i bel dingin zuouthu i bawl vua, zuouna le nalna sungah i kibu uhi,” na ci uhi.

Isaiah 30:10

amate in thumute kungah, “Mu sih un,” a ci uhi; kamsangte kungah, “Thuphuon a man ei gen sih un; thunuom lam le kisolna mangmuna po ei genzaw un,

Isaiah 59:4

Thutang tawh koima in mi heh ngai lo a, citah tahin koima thukhen zumah pei lo hi; amate, bangma lo thusunnate tungah kinga-in zuouthu a gen vua, amate in nau bangin hahsatna paai-in mawna a suoh khie hi.

Jeremiah 13:25

Tam pen nang dinga ka tesa satanh, nangma’ tanh ahi hi, Topa in ci hi. Azieh pen kei nei mangngil ta a, zuouthute na um ta hi.

Jeremiah 23:26

Zuouthute hilin a lungsim sung vua a suoh misolna po a gen kamsangte ang kiheikia nading bang tanvei sawt ding ahei?

Jeremiah 23:32

En un, Topa in kang ci-in, ka sawl lopi le thu ka pieh lopi-in zuou mang genin amate thu hil a, a zuouna ule khawhsah ci a nei lona uh ziehin ka mite lam a puikhiel kamsangte ka langpang hi; tuaci’n tam mite in amate a phattuompi vawt sih uhi, Topa in ci hi.

Jeremiah 28:15

Kamsang Jeremiah in kamsang Hananiah kungah, “Ngai vawi, Hananiah, Topa in nang ang sawl lopi, tam mite zuouthu na umsah hi.

Jeremiah 4:10

Tua ciengin keima in, “Kadei, Topa Pasien, ka lawl vua namsau a kiphu laitah na ngawnin, ‘Nohaw adingin ang hoi na ding hi,’ ci-in tam mite le Jerusalem-te sol citahin na sol hi!” ka ci hi.

Jeremiah 5:31

Kamsangte in zuouthu a gen vua, kamsangte’ thupieh bangin siempute vaihawm hi. Ka mite in tua bang dante a dei lai vaset vua, hinanle a tawpna ang tun ciengin bang na bawl ta ding vuoi?

Jeremiah 7:4

Tam bang zuouthute tahsang sih un: “Tami Topa’ biehinn ahi hi, Topa’ biehinn ahi hi, Topa’ biehinn ahi hi,” a ci uhi.

Jeremiah 8:10

Tua ahi ziehin a zite uh midangte ka pie ding a, a logamte uzong galzote ka pie ding hi. Azieh pen mi zosie a neupen pan a lienpen dongin thuman lo-a sum ngana lamah a duhop ciet uhi. Kamsangte a kipan siempute dongin mi zosie zuouthu-in a gamta uhi.