Jeremiah 11:7 - Zo Bible

⁷ Bangzieh ahei cile Egypt gam panin ka peipi lai-in na pu na pate uh nasietahin ka na hugiih a, tuni cieng nangawnin ka thu mang un, ci-in ka hugiih ngitnget hi.

LAISIENGTHOU CL Bible (BSI)

⁷ Aziehpen Izipt gam a kipata ka puidoh ni akipat tuni dongin, Ka aw ngaikhie un chi’n matah a thou in, phatuomngai tahin, napu napate uh kungah thuhil kawm in ka phuut zing hi.

Zokam International Version

⁷ Na pute uh Egypt pan ka paikhiatpih a kipan tuni dong, "Ka thu hong mang un," ci-a ka vauhilh kikkik ahi hi.

Jeremiah 11:7 Iomraidhean Croise

2 Kumpite 17:13

Hizongle Topa in kamsang zosie le thumu zosie tungtawnin Israel le Judah hilkhol a, “Na pu na pate uh ka thupiehsa thukhamte le ka nasem kamsangte tung tawna na kung vua thu kang puoh tawh kituohin na tatsietnate uh panin kihei-in ka thupiehnate le ka thukhamte zui un,” a ci hi.

2 Khangthute 36:15

Ama in a mite le a tenna mun tungah lainatna a nei ziehin a pu a pate uh’ Pasien, Topa in amate kungah a kamtaite a sawlkia ngitnget hi;

Paikhiatna 15:26

Ama in, “Topa na Pasien uh’ aw limtah ngai-in ama muna-ah a manin na semin a thupiehte na thudon vua, a thukhamte na zui uleh note tungah Egypt gama ka tunsah natnate khat zong kang tungsah sih ding hi; bangzieh ahei cile kei khu note ang damsah Topa ka hi hi,” a ci hi.

Jeremiah 11:4

Tami thuciemna pen na pu na pate uh, sia haltuina meikhuh ahi Egypt gam panin ka peipi lai-a ka thupieh ahi ta bo hi. Ka thu ngai unlen kang thupieh zosie sem un, ci-in gen in. Tuaci’n note pen keima’ mi hi-in kei pen note’ Pasien ka hi ding a,

Jeremiah 25:3

Judah kumpi Amon’ tapa Kumpi Josiah a kumpi suo zaw a kum sawm le thum pan tuni dongin kum sawmni le kum thum sung vilvel Topa’ thu ka kungah ang tung a, na kung vuah kang gengen vangin na ngai nuom sih uhi.

Jeremiah 25:4

Topa in na kung vuah a nasem kamsangte zosie ang sawl den vangin note in ngai loin na bil zong na daw sih vua,

Jeremiah 31:32

Tua pen Egypt gam panin ka peipi thei nadingin amau’ khut tawh ka kaih hun lai-a a pu a pate utawh ka na bawl thuciemna tawh kibang nawn lo ding hi. Kei amau’ pasal ka hi vangin amate in tua thuciemna a palsat uhi, Topa in ci hi.

Jeremiah 32:23

tuale amate lutin tam gam a luo uhi. Ahi vangin amate in na thu mang loin na thukham zong zui loin, bawl dinga na thupiehte zosie a bawl sih uhi. Tua ahi ziehin nangma in amate tungah tam gimna zosie na tungsah hi.

Jeremiah 34:14

“No kunga ang kizua, na na uh kum guh sung a semsa Hebrew mi kici poma kum sagina a cin sielin na hla ding uhi; noma’ na a sepna uh panin amate na hla valon ding uhi,” a ci hi. Ahi vangin na pu na pate un ka thu ngai loin a bil ei daw sih uhi.

Jeremiah 35:14

Rechab’ tapa Jonadab in a suonlehlahte kungah lenggazu a dawn lo ding uh a thupiehna kizui hi; tuni dongin amate in bangma a dawn sih uhi, azieh pen amate in a pu uh’ thupieh a mang uhi. Ke’n na kung vuah kang gengen vangin ka thu na mang sih uhi.

Jeremiah 35:15

Ka nasem ka kamsang zosie na kung vuah kang sawl ngitnget a, ‘Tu-in na gitlona uh panin mi vannuoi kihei unlen, na gamtatnate uh kipuopha un. Amau’ na sem dingin pasien dangte nua zui sih un, tua hile noma le na pu na pate uh ka piehsa gamah note na teng ding uhi,’ a ci hi. Ahi vangin na bil nei daw sih vua, ka thu na ngai sih uhi.

Jeremiah 7:13

Tu-in zong tam silte zosie na bawl vua, na kung vuah kang gengen vangin ngai tuon loin kang hlat hlat vangin ei dawng lo na hi ziehun

Hosea 4:1

Israel mite aw, Topa’ thugen ngai un; azieh pen Topa in gam sunga a tengte mawmatna khat nei hi. Gam sungah citahna, dihna le Pasien theina om lo hi.

Hosea 5:1

Siempute aw, tam thu za un! Israel innkuonte aw, tami thu ngai un! Kumpi innkuonte aw, ngai un! Azieh pen note tawh kisai-in thu kikhen ahi hi. Mizpah ah note in thang sie-in, Tabor ah ngen na hlung vua,

Zechariah 1:4

Nidanga kamsangte in, “Na gitlona lampite ule na gitlo gamtatnate uh panin kilekia un,” ci-a a genna uh na pu na pate bang sih un. Ahi vangin amate in ka thugen za loin thusim lo uhi, Topa in ci hi.

Ephesa-te 4:17

Tu-in keima in tami thu sukipin Topa sunga kang paugen ahi hi: Kimanna a nei lo amau’ lungsim bangin Gentile-te a nuntah bangun note nungta nawn sih un.

Thupiakkikna 12:32

Kang thupieh zosie limtahin na zui ding uhi; tua khu belap loin zong na lakhie sih ding uhi.

Thupiakkikna 30:20

Topa na Pasien uh itin a thu mangin, ama tukip un; azieh pen Topa in na pu na pate uh Abraham, Isaac, le Jacob tungah a pieh dinga a ciemsa gamah na ten thei nadingun note adingin tua khu nuntahna le khansauna ahi hi.

Thupiakkikna 4:6

Limtahin tuate zui un, azieh pen tami in mite tungah na pilna ule na thu khinkhai theina uh ang talang ding a, amate in tam thukham zosie a zah ciengun, “A tahtahin tam minam liente pen a pil le thu khinkhai thei mite hi bo vuoi!,” ang ci ding uhi.

Thupiakkikna 5:29

Amate le a suonlehlahte uh a nopsah tawntung thei nadingun keima ei giingin ka thupieh zosie zui den nopna tam bang lungsim puo den tave ule izaw!

Thupiakkikna 6:2

tuaci’n na hinkhuo uh a sawt thei nadingin note, na tate ule na tute un na hin sung tungtawnun Topa na Pasien uh zatahin, kei ei hil sawnsah a thukhamte le a thupieh zosie na zui ding uhi.

Thupiakkikna 8:6

Tua ahi ziehin ama’ lampi zuina le ama zatahna tawh Topa na Pasien uh’ thupiehte zui un.

2 THESSALONIKA 3:12

Tu-in tua bang mite in a anneh ding uh thalaw-in, a na uh a sep khinkhian nadingun kote in Topa Jesu Khris minin thu pie-in ka hanthawn uhi.

1 Samuel 8:9

Tua ahi ciengin tu-in a thugen uh ngai in; amate lipkhaptahin na hilkhol beh ding hi. Amate tunga a uh ding kumpipa’ sepzie ding teng lah in,” a ci hi.