Hosea 12:4 - Zo Bible

⁴ Vantungmi tawh ama kibuonin zo a, kapin ama’ maipha a sui hi; ama in Bethel ah ama mu a, khum munah ama a hopi hi.

LAISIENGTHOU CL Bible (BSI)

⁴ Ahi, ama’n vansawlsieng abuon a, azouta hi; akap a Ama apat deisahna angen a, Bethel ah Ama amuta a, tualeh khum mun ah Ama’n i kungah thu agen hi.

Zokam International Version

⁴ Vansawltak tawh kilai-a, a zo hi; amah kapin a angvan ding a ngen hi. Amah’n Bethel ah amah mu-a, tua lai-ah amah hopih hi -

Hosea 12:4 Iomraidhean Croise

Piancilna 25:26

Tua ciengin a khutin Esau’ ketul tu kawmin a sanggampa a suoh hi; tuaci’n ama pen a min Jacob kiphuo hi. Ama in tuate a nei hunin Isaac kum sawmguh a pha hi.

Piancilna 32:24

Ama guohin Jacob a om hi; tuale zingmawng khuovah dongin mi khat in ama a buon hi.

Piancilna 32:25

Tua mipa in Jacob a zaw lo lam a thei ciengin, ama in a khelgu a suhpieh hi; tua mipa tawh a kibuon ziehin Jacob’ khelgu a kilawi hi.

Piancilna 32:26

Tua ciengin ama in, “Khuovah ding hi ta, ei hla in,” a ci hi. Ahi vangin Jacob in, “Thupha nei pieh sih leh kang hla sih ding hi,” a ci hi.

Piancilna 32:29

Tua ciengin Jacob in ama dongin, “Hepina tawh na min ei gen in,” a ci hi. Ahi vangin ama in, “Bang dinga ka min nei dawh ahei?” a ci hi. Tua munah ama in Jacob thupha a pie hi.

Piancilna 35:15

Tuaci’n Jacob in Pasien tawh a kihona mun pen a min Bethel, a ci hi.

Piancilna 48:15

Ama in Joseph thupha pie a, “Ka pu ka pa Abraham le Isaac in ama’ mai-ah a na peina Pasien, tuni dong ka hinkhuo vannuoi-ah ka tuucingpa ahi Pasien,

Phatna-late 66:6

Ama in tuipi pen leigaw a suohsah hi; amate a keng utawh tua tuipi na galkai uhi. Khumtah ama sungah eihaw i kipah vua,

Isaiah 63:9

a gentheina zosie vuah a hundampa uh a suoh hi. Kamtaipa ahi sihle vantung mi’ hutdam ahi sih hi; ama’ ompina in amate a hunkhie hi; ama in a itna le a khuotuona tawh amate tankhie a, tanglai hunte zosie-ah amate lamto-in a peipi hi.

Malachi 3:1

En un, ka lampi siel dingin ka mai-ah ka kamtaipa ka sawl ding a, note in na suisui uh Topa a biehinnpi ah thakhatin ang pei ding hi. Note in na hlagul uh thuciemna kamtaipa ang pei ding hi,” Vanglien Topa in ci hi.

1 THESSALONIKA 4:17

Tua zaw ciengin a nungta a omlai eite i hi ule Topa tawh hui lahah a kimu dingin amate tawh meii tungah ei kilato ding a, tuaci’n Topa tawh i omton den ta ding uhi.

Hebrews 5:7

Cilesa tawh ama a op hun lai-in Jesu in sina panin a hunkhie thei pa tungah hlitui tawh thungetnate le thumnate nei-in nahpi-in kiko a, tuaci’n zatahna tawh ama’ ki-apnate Pasien in a za hi.