Daniel 8:8 - Zo Bible

⁸ Tua ciengin tua keeltang nahpi tahin ang vanglien hi; ahi vangin a thahat pen laitahin a ki golpi tawngsan a, khum munah leimong li lam kinga-in a lamdang ki li a momkia hi.

LAISIENGTHOU CL Bible (BSI)

⁸ Tuazieh in keltal khu nasatah in ahing khanglien ta a, hinanleh ahing hat laitah in, akilienpi khu atawngta hi, amun ah, van hui lite lam nga in kii lamdang li ahing poudoh uhi.

Zokam International Version

⁸ Keeltal lian mahmah hi, ahi hangin a hatpen hun laitakin a ki lianpi kitan a, a ki pona munah a kilang ki li, van huih lite lamah a khangto hi.

Daniel 8:8 Iomraidhean Croise

2 Khangthute 26:16

Ahi vangin ama a thahat zaw ciengin a manthai na gau dingin a kiphatsahna a khang hi. Bang ding ahei cile Topa a Pasien tungah ama tawnkhiel a, namtui maitam tungah biehna pie dingin Topa’ biehinn sungah ama a lut hi.

Esther 9:4

Bangzieh ahei cile Mordecai in kumpi’ inn sungah thu nei mama a, a thuneina khang semsem ahi ziehin gamkhen zosie-ah a minthanna kizel hi.

Jeremiah 49:36

tuale keima in Edom tungah van ning li panin hui nam li ka langsah ding hi; tua huite lahah amate kithethangin Elam panin ka delmang mite tun lona gam khat beh a om sih ding hi.

Jeremiah 5:27

Va khumna bawng ah vate a dim ma bangin solna tawh a nga uh van teng tawh a inn uh kidim hi; tua ahi ziehin amate hau-in ang vanglien ta vua,

Ezekiel 16:7

Lozau-a sing bangin khang in,” kang ci leh nangma nang khanglien a, na tun ang sangin ngahnu picing khat nang hi ta hi; na nawite ang baw a, na mul zong ang po ta hi; hinanle puon sil loin na guoh tangin na om hi.

Ezekiel 28:9

Nang ang sat liemte’ khut sungah nang pen pasien hi loin mi maimai khat na hi vangin, “Kei pasien ka hi hi,” na ci lai lai diei mah?

Daniel 11:4

Ama a vangliet laitahin a kumpi gam kehin leimong li lam manaw-in kikhenkhe ding a, ahi vangin ama’ suonlehlahte in vai a hawm nawn sih ding a, aana tawh a vaihawm lai a bang nawn sih ding hi; bangzieh ahei cile a kumpi gam kiphungkal ding a, tam mite simlo midangte kipie ding hi.

Daniel 4:31

Kumpipa’ kam sungah tua kammalte a pusuo laitahin vantung panin aw khat ang ging hi: “Kumpi Nebuchadnezzar aw, nang dinga tami thu ang kigen ahi hi: Nang tung panin kumpi gam a peikhie zo hi!

Daniel 5:20

Ahi vangin a lungsim kisangsahin kisathei tahin a gamtat nadingin a lung a khau ciengin a kumpi topha panin kiladawh a, ama kung panin a vang kihawhmang hi.

Daniel 7:2

Keima Daniel in zan lai-in ka mangmuna sungah tuipi lien a lawhling van ning lite ka mu a,

Daniel 7:6

Tami zaw ciengin keima in ka en leh gamsa adang khat ang kilangkia a, tua pen lutnu tawh kibang hi. Tua gamsa in a elzangah va hla li nei a, lutang li nei hi; tuale ama tungah uhna aana kipie hi.

Daniel 8:22

A ki a tawngsan, tua munah adang ki li a pote ahi uleh, ama’ gam sung panin kumpi gam li khang ding cina hi a, ahi vangin kumpi gam masa pen bangin hat zo lo ding hi.

Daniel 8:5

Keima in ka et laitahin nitumna lam panin keeltang khat ang kilang a, lei tuon loin leitung buppi a kansan hi. Tua keel in a mit tegel kikalah ki khat nei hi.

Daniel 8:7

Tua keeltang in tuutang lam a nai ka mu hi. A lungthah sengin tua tuutang a ki tawh su a, a ki ni a tawngsan hi. Tuutang in ama a nan zawh nading hatna nei lo hi; ama in tua tuutang tuolsena-in nei-in tuoncil a, ama’ hatna panin tuutang a hunkhie zo koima om lo hi.

Matthew 24:31

Ama in a gin ngaih mama pengkul mutna tawh a vantung mite ang sawl ding a, van mong khat pan mong khat dong, lei kiu li panin a teelsa mite a kaikhawm ding hi.

Mark 13:27

Tua ciengin ama in a vantung mite sawlin lei kiu li pan le leimongte panin vanmongte dongin ama’ teelsa mite a kaikhawm ding hi.

Thupiakkikna 31:20

Azieh pen a pu a pate uh kungah kiciemin ka khapsa bawngnawi le khuoizu luonna gamah amate tunpi siengin, tuaci’n amate in an khamtahin ne-in a thau milmel zaw ciengun, pasien dangte lamah kihei-in a na uh semin kei ei simmaw ding vua, ka thuciemna zong a susie ding uhi.

Kilaakna 7:1

Tam zaw ciengin leitung kiuli-a a ding vantungmi li ka mu a, amate in leitung, tuipi tung, le singkung khatpo a mutmang zo lo nadingin tua leitung hui lite a tukon uhi.