Daniel 10:6 - Zo Bible

⁶ A tahsa pen beryl suongmanpha bangin vam lihleh a, a maitang tunphe bangin tangin, a mittangte meikuong tawh kibang a, a bante le a kengte sumngo nawtngilsa bangin tee lihlehin, a awging pen mihonpi aa-ul husa tawh kibang hi.

LAISIENGTHOU CL Bible (BSI)

⁶ A tahsa pumpi beril suong mantam abanga, amaitang kilatdan tunphe abanga, amittegel meisel kuong bang ahi a, abante leh akengte sum-eng nawtval bang leh a aw suoh ging khu mitampi aw ging bang ahi.

Zokam International Version

⁶ A pumpi chrysolite tawh kibangin a maitang khuaphialep tawh kibanga, a mitte meisel kuanglai bangin, a bante le a khete sumngo nawtngilsa bangin tee a, a aw mihonpi pau a bang hi.

Daniel 10:6 Iomraidhean Croise

Paikhiatna 28:20

a guol lina, beryl, onyx, le jasper suongte hi ding a, kham geiviel sungah kibul ding hi.

Zailate’ Zaila 5:14

A banzal khu khamkuol kiviel, mantam suongzep dung zil san’g e. A duongsuo khu vuisai halep zunnel tunga sapphires suong tawh kizem bang sa’ng.

Ezekiel 1:14

Tua ganhingte tunphe bangin suhpei topei kawikawi uhi.

Ezekiel 1:16

Tua lengkangte’ lim le mel le a kibawl dan tam bang ahi hi: a hoi dan pen suongmanpha bangin val lihleh hi; a li-in a mel uh kibang ciet a, a kibawl dan ahile lengpei khat sunga lengpei khat kibul tawh kibang hi.

Ezekiel 1:24

Ganhingte a pia uh ciengin a hlaging uh pen tui tampi husa ging, Vanglienpa in van a thinna ging, le galkap honpi’ husa ging tawh a kibang hi; a khawl ciengun amate in a hla a khup uhi.

Ezekiel 1:7

A kengte uh zang zitzet a, a ketawte uh bawngno’ ketaw bangin sumngo kinawtvam bangin te lihleh hi.

Ezekiel 10:9

Keima in ka en leh, cherub-te gei-ah lengkang li om a, cherub khat’ pangah lengkang khat ciet om hi; tuale lengkangte beryl suong bangin a tee dimdiem hi.

Ezekiel 40:3

Ama in khum sungah ei tut ciengin a mel puohdan sumngo-a kisiem tawh a kibang pasal khat na om a, ama in a khut sungah pikhau khat le picieng khat a tawi hi; tuale tunkot lutna lampi-ah ama na ding hi.

Ezekiel 8:2

Keima in ka en a, mihing’ lim tawh a kibang dan khat a om hi; a kawng neisie mei tawh kibang a, a kawng tungsie sumngo tang pimpem tawh kibang hi.

Matthew 17:2

Tuale amate mai-ah a mel kikhelin a mai ni bangin tang a, a puonsilte zong vam lihleh hi.

Matthew 28:3

Ama’ mel pen tunphe tawh kibang a, a puonte vua bangin a ngo hi.

Luke 9:29

Thu a nget laitahin a mel kikhel a, a puon zong a vam lihleh hi.

Kilaakna 10:1

Tuale vantung panin a thahat adang vantungmi khat ang kumsuh ka mu a, ama meiipi-in a kituom a, a lu tung sonah sakhi-guihlung khat a om hi; a maitang ni bangin tang a, a kengte meikuong khuompite tawh kibang hi.

Kilaakna 19:12

A mittangte meikuong bang a, a lutungah kumpi lukhu tampitah khu hi; ama simlo koima in a thei lo min khat ama tungah kigiel hi.

Kilaakna 2:18

“Thyatira hlattuom pawlpi’ vantung mi tungah giel in: Meikuong kileh banga mit nei pa le sumngo banga keng nei pa’ thugen tam bang teng ahi hi:

Kilaakna 21:20

a ngana onyx, a guhna carnelian, a sagina chrysolite, a gietna beryl, a kuona topaz, a sawmna chrysoprase, a sawm le khatna Jacinth, a sawm le lina amethyst suongmanphate ahi hi.