2 Samuel 8:4 - Zo Bible

⁴ David in sakol galkap tulkhat le zasagi le lei galkap tul sawmni man hi. David in leengkai sakol zosie a kapzahui vatsan a, hinanle leeng zakhat adingin a kicing a hen hi.

LAISIENGTHOU CL Bible (BSI)

⁴ David in sakolleng tul khat leh sakol tungtuong galkap zasagi tualeh keng apei galkap tul sawmni aman a, tualeh sakollengkai zousie azahui uh asattan pieh a, sakolleng kai ding za khat akhawi hi.

Zokam International Version

⁴ David in a sakolleng tulkhat, sakolleng hawl a tul sagih le khe galkap tul sawmnih a matsak hi. Amah in lengkai sakol za khat longal a zagui a attat khin hi.

2 Samuel 8:4 Iomraidhean Croise

Piancilna 49:6

Amau’ kikhopna-ah ei lutsah ngai sinlen; amate tawh ei kipawlsah sin. Bangzieh ahei cile amate lungthahin mi a that vua, amate in guolnop apmaina-in bawngtangte’ kapzahui a sattan pieh uhi.

1 Kumpite 10:26

Solomon in leengte le sakol tung tuongte khawm hi; ama in leeng tul le zali tuonna sakol tul sawm le tulni nei a, leeng koina khuopite le Jerusalem-a kumpipa’ opna munah tuate koi hi.

1 Khangthute 18:4

David in ama kung panin leeng galkap tulkhat, sakol galkap tulsagi, le lei galkap tul sawmni a la hi. David in leengkai sakolte zosie’ kapzahui a atsanpieh a, hinanle leeng zakhat kai khop ding a hen hi.

Phatna-late 20:7

Mi pawlkhat in lengte kisahtheipi-in, pawlkhat in sakolte a kisahtheipi vua, hinanle eite’ kisahtheipi pen ahile Topa i Pasien uh’ min ahi bo hi.

Thupiakkikna 17:16

Tua nangawn zong ama’ aituomin sakol tampi nei thei lo ding hi. Topa in na kung vuah, “Khum lampi-ah na kilekia ngai sih ding uhi,” ang cisa ahi ziehin, ama in sakol lei be dingin Egypt gamah mite a peisahkia sih ding hi.

Joshua 11:6

Topa in Joshua kungah, “Amate giing sin, azieh pen zing cieng tu hunin amate a unpi-un a sisa-in Israel-te tungah ka pie ding hi; a sakolte uh a kapzahui na vatsan ding vua, a leengte uh mei tawh na hal ding uhi,” a ci hi.

Joshua 11:9

Topa thupiehsa bangin Joshua in amate tungah a bawl hi; ama in a sakolte uh a kapzahui vatsan piehin a leengte uh mei tawh a halpieh hi.