2 Samuel 5:2 - Zo Bible

² Hun khat lai, kote tungah Saul kumpi ahi lai-in, Israel a peipi le a tunpi pa khu nangma na hi hi. Topa in na kungah tam bangin a gen hi: Ka mi Israel a cing ding pa na hi a, Israel tungah a uhpa ding na hi hi,” ei ci uhi.

LAISIENGTHOU CL Bible (BSI)

² Tuamabangin, Tumasanga Saul ka tung ua leeng ahi lai in, nangma Israel gam ah puidoh leh puilut tu na hi zel a; tualeh Mangpa’n na kungah, ka mi Israelte na vaa dinga, tualeh Israelte tungah vai nahawm ding hi achi hi,” achi uhi.

Zokam International Version

² A beisa hunin kote tungah Saul kumpi ahi lai-in Israel galsimna ah a makai nangmah na hi hi. Tua hi-a TOPA in nang tungah, ‘Ka mi Israel na cing dinga amaute ukpa na hi ding hi,’ hong ci hi," a ci uh hi.

2 Samuel 5:2 Iomraidhean Croise

Piancilna 49:24

Hinanle a thal nem ngai loin a bante gang mama hi. Jacob’ Vanglien Pa’ khut, Israel Suongpi, Tuucingpa’ min,

2 Samuel 6:21

David in Michal kungah, “Topa’ mi Israel tungah ulien dinga ei koi dingin na pa le a innkuonte zosie tanga kei ei teel Topa mai ahi hi.

2 Samuel 7:7

Israel mi zosiete lahah ka vana mun zosie-ah keima in ka mi Israel a cing dinga ka thupieh Israel minam makai khatpo tungah, “Bang dingin kei adingin taamtah sing inn khat beh ei lampieh lo na hei?” ci-in kam khat beh ka gen ngai amah?” a ci hi.

2 Samuel 7:8

Tua ahi ziehin tu-in ka nasempa David kungah tam bangin na gen ding hi: Vanglien Topa in tam bangin gen hi: Lodawnna mun, tuute na zuina panin ka mi Israel tungah ulien dingin kang la hi;

2 Kumpite 20:5

“Kilekia inlen ka mite makaipa Hezekiah kungah gen in. Na pu David’ Pasien Topa in tam bangin gen hi: Keima in na thungetna ka za zo hi, na hlitui luongte ka mu zo hi; keima in kang damsah tahtah ding hi; a ni thum ni-in Topa’ biehinn ah na peito ding hi.

1 Khangthute 11:2

Bangzieh ahei cile masang lai-in, Saul kumpi ahi sung nangawnin Israel galkapte thu a pie nangma na hi hi. Topa na Pasien in nangma kungah tam bangin gen hi: Nang pen ka mi Israel-te a cingpa na hi ding a, ka mi Israel tungah a uhpa na hi ding hi,” a ci uhi.

2 Khangthute 1:10

Tam mite mai-a ka sungtum ka pusuo thei nadingin tu-in pilna le theina ei pie in, azieh pen hiza taha a tam na mite koi in uh zo ding ahei?” a ci hi.

Isaiah 40:11

Ama in tuucingpa bangin a tuute an a va ding hi; ama in a banah tuunote huoi-in, a kangah tuate pom ding a, a nosen neite zong damtahin a peipi ding hi.

Isaiah 55:4

En un, ama pen mite tungah teci ka suohsah a, mite adingin makai le a uhpa dingin ka koi hi.

Ezekiel 34:23

Amate tungah a uh dingin tuucing khat, ka nasem pa David ka koi ding a, ama in amate a vah ding hi: Ama in amate vah ding a, amau’ tuucing pa hi ding hi.

Micah 5:4

Topa’ hatna le Topa a Pasien’ min thupi sungah ama ding ding a, a tuuhonte a vah ding hi. Tuale amate bihtahin a teng ding uhi, azieh pen leimong dongah ama mi thupi hi ding hi;

Matthew 2:6

‘Judea gama om nang Bethlehem khuo aw, Judah gam-uhte lahah a neu pen na hi vawt sih hi; bangzieh ahei cile ka mi Israel-te a cing dingin nang sung panin uhpa khat pieng ding hi,’ ci hi,” a ci uhi.

John 10:11

“Kei tuucing hoi ka hi hi. Tuucing hoi in a tuute adingin a hinna a pie hi.

Hebrews 2:10

Ama ading le ama tungtawnin sil bangkim a piengsah Pasien in ta tampite, minthanna ah a peipi thei nadingin a thuohna tawh hutdamna a bawlcil pa Jesu a bukimsah ding pen a kilawm mawng ahi hi.

1 Samuel 13:14

ahi vangin tu-in na kumpi gam kizomsuoh lo ding a, Topa in ama’ lunglamsu mi khat a sui zo hi. Topa ang thupieh na zui lo ziehin ama’ mite tungah a uh dingin Topa in ama a se zo ta hi,” a ci hi.

1 Samuel 16:1

Topa in Samuel kungah, “Saul ziehin bang tanvei da ding na hei? Israel tungah kumpi dingin ama ka nuol zo ta hi. Na sathau bung sungah sathau a dimin thal inlen dingdawh in; keima in Bethlehem-a Jessi kungah kang sawl ding hi, azieh pen a tate lah panin keima dingin kumpi khat ka koi zo ta hi,” a ci hi.

1 Samuel 18:13

Tuaci’n Saul in ama kung panin David hemkhie-in ama mihing tulkhat uhin koi hi; tuale David kuonin galkapte a makai hi.

1 Samuel 18:16

Ahi vangin Israel le Judah zosie in David a it uhi; azieh pen sungtum pusuohin amate a makai pa khu ama ahi hi.

1 Samuel 18:5

Saul’ sawlna khat popo-ah David pei-in a matun ahi ziehin Saul in a galkapte a uh dingin ama a koi hi. Mi zosie, Saul’ nasemte nangawn zong a lungkim uhi.

1 Samuel 25:28

Na nasempa’ gamtat khielna ei maisah in, kang thum hi; azieh pen ka pu in Topa’ galte na do ziehin Topa’ in ka pu innkuon hing kipsah tahtah ding a, na hin laisie-in nang sungah sietna a kimu sih ding hi.

1 Samuel 25:30

Topa in nang tawh kisai-a thu hoi a gensa zosie tawh kizui-in, Israel tungah kumpi dingin nang ang koi zaw ciengin,

1 Samuel 9:16

“Zing cieng tu bang hunin na kungah Benjamin gam panin mi khat kang sawl ding a, ka mi Israel tunga a uh dingin ama sathau na nu ding hi. Ama in Philistia-te’ khut sung panin ka mite a hunkhie ding hi; bangzieh ahei cile a kikona uh ka kungah hing tung zo ahi ziehin ka mite’ thuohna ka mu zo hi,” a ci hi.