2 Samuel 1:16 - Zo Bible

¹⁶ David in ama kungah, “Na sisan na lutungah tu taheh; bangzieh ahei cile na kamham in nangma langkhatah teci pang a, ‘Topa’ sathau nu pa ka that zo ta hi,’ na ci hi,” a ci hi.

LAISIENGTHOU CL Bible (BSI)

¹⁶ Tuachi’n David in akungah, “Na sisan maw nangma lutungah um heh, aziehpen Mangpa sathaunu ka thatta hi chi nangma kam ngel in apuongta hi,” achi hi.

Zokam International Version

¹⁶ Ahang in, David in tuapa kiangah, "Nangma sisan nang lutungah a tu hi. Nangma kamin, ‘TOPA ’ sathau nilhpa ka that hi,’ na cih ciangin nangma kam in nang langah teci a pang hi," a ci hi.

2 Samuel 1:16 Iomraidhean Croise

2 Samuel 1:10

Tuaci’n a tungah dingin ama ka that hi. Azieh pen a pua zaw ciengin ama hing nawn sih va ci ka thei hi. A lu tunga om kumpi lukhu le a ban tunga om bantuom ladawhin tuate tam sunga ka pu kungah kang tut hi,” a ci hi.

2 Samuel 16:8

Ama tanga na uh Saul innkuonte’ sisan luongsah na hi ziehin Topa in nang tungah ang thuh zo hi; tuale Topa in na tapa Absalom tungah na kumpi gam a pie zo hi. En in, gimna in ang nuaphah zo hi; bangzieh ahei cile nang sisan luongsah mipa na hi hi,” a ci hi.

1 Kumpite 2:37

Bangzieh ahei cile na pei-a Kidron Lui na galkai ni ni-in a si valon ding na hi lam kithei pai in; nangma’ sisan nangma’ lu tungah a tu ding hi,” a ci hi.

Job 15:6

Nangma’ kam in nang ang mawsah a, kei ka hi sih hi; na kam in nangma langkhatah teci a pang hi.

Paunakte 6:2

na nephu pana na thugente tawh thang kisie na hi a, na kamham in nangma ang mat ahi ta hi.

Ezekiel 18:13

khamkholna sum a lah a, a met dingin sum a leitawisah leh, ama a hing ding amah? A hing sih ding hi. Ama in tam sil mudahuoi zosie a bawl zo ta hi; ama pen si valon ding a, a sisan ama luzang ma-ah tu ding hi.

Ezekiel 33:5

Amate in pengkul ging za napi-in tua hilkholna a thudon sih uhi; amau’ sisan amate tungah a tu ding hi. Ahi vangin amate in tua hilkholna a thudon vua ahile a hinna uh a hundam zo ding uhi.

Siampi Laibu 20:16

Numei khat in ganhing khatpo nehin tua ganhing a luppi leh tua numei le ganhing na that ding uhi; amate kithat ding a, a sisan uh pen amau’ tung ma-ah tu ding hi.

Siampi Laibu 20:27

Numei ahi a, pasal ahi zongin dawilawm nei mi ahi sihle bumtawi mi poma kithat ding hi; suong tawh amate kiseplia ding a, amau’ sisan pen amate tung ma-ah tu hi.

Siampi Laibu 20:9

A pa ahi sihle a nu a samsie poma kithat ding hi; a pa ahi sihle a nu a samsiet zo tah ziehun amate tungah amau’ sisan tu ding hi.

Matthew 27:25

Tua ciengin mipi zosie in, “Ama’ sisan kote tung le ka suonlehlahte uh tungah tu taheh!” ci-in a dawng uhi.

Luke 19:22

Ama in tuapa kungah, ‘Nang a gilo silapa aw, na kamham ma tawh thu kang khen ding hi! Kei pen mi genha khat ka hi a, ka khol lona munah la-in ka tu lona-ah ka at lam nei thei amah?

Nasepte 18:6

Amate in ama langpangin a gensiet ciengun Paul in a puon tunga leivui bangte thingin amate kungah, “Na lutung vuah na sisan uh tu taheh! Kei maw ka peng hi. Tu-a kipanin Gentile-te kungah ka pei ta ding hi,” a ci hi.

Nasepte 20:26

Tua ahi tah ziehin tuni-in note khatpo’ sisan ziehin maw ka puo sih hi, ci thu kang gen hi.

Rome-te 3:19

Kam kici zosie a kihum thei nading le leitung mi vannuoi in Pasien mai-ah sittelna a thuoh thei nadingin, thukham in a gen popo pen thukham nei-a om mite kunga a gen ahi lam tu-in eite in i thei uhi.

Thupiakkikna 19:10

Tuaci’n Topa na Pasien un na luo ding vua ang pieh ding leitang tungah maw baang lo mi khat’ sisan luong loin, na tung vuah tua sisan mawna ang tun lo nading ahi hi.

Joshua 2:19

Na inn sung kotkhah panin mi khatpo pusuohin lam dungah a vahkawi a, sina a tuo leh ama’ sina tungtangah ama in maw puo ding a, ko maw ka peng ding uhi; ahi vangin inn sunga na ompi uh mi khatpo tungah a khut hlangkha ang op leh ama sina tungtangah maw ka puo ding uhi.

Thukhente 9:24

Jerubbaal’ tapa sawmsagite tungah tatsietna phu a kilah thei nading, amate a that a sanggampa uh Abimelech, le a sanggamte tha nadinga ama’ khut a thahatsah Shechem uliente tungah amau’ sisan luonna paat a tun thei nadinga tami thu pieng ahi hi.

1 Samuel 25:39

David in Nabal a si thu a zah ciengin ama in, “Ka tungah Nabal’ ei zakona ei thuhpiehin sietna panin a nasempa ei kem Topa in thupha nga taheh; Topa in Nabal’ gitlona amama a lukhuhsah kia hi,” a ci hi. Tua ciengin David in mi sawlin a zi dingin Abigail a helsah hi.

1 Samuel 26:9

Ahi vangin David in Abishai kungah, “Ama that sin; bangzieh ahei cile Topa’ sathau nupa tungah a khut hlang poma khielna panin a peng ding na sa amah?” a ci hi.